ಉಡುಪಿ: ಶ್ರೀ ಸೋದೆ ವಾದಿರಾಜ ಮಠ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷರು ಮತ್ತು ಸೋದೆ ಸಮೂಹ ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥರಾದ ಶ್ರೀ ಶ್ರೀ ವಿಶ್ವವಲ್ಲಭ ತೀರ್ಥ ಸ್ವಾಮೀಜಿಯವರು ದಿನಾಂಕ 21 ನವೆಂಬರ್ 2025 ರಂದು ಶ್ರೀ ಮಧ್ವ ವಾದಿರಾಜ ತಾಂತ್ರಿಕ ಮಹಾವಿದ್ಯಾಲಯದ ಆವರಣದಲ್ಲಿ ಏಕೀಕೃತ ವೆಬ್ ಸೈಟ್ https://sode-edu.in ಅನ್ನು ಉದ್ಘಾಟಿಸಿದರು.
ಇದು ಸೋದೆ ಸಂಸ್ಥೆಯಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲಾ ಶಿಕ್ಷಣ ಸಂಸ್ಥೆಗಳು ಒ೦ದೇ ಸೂರಿನಡಿಯಲ್ಲಿ ಕಾರ್ಯನಿರ್ವಹಿಸುವ ವ್ಯವಸ್ಥೆಯಾಗಿದೆ ಅಲ್ಲದೆ ಸಂಸ್ಥೆಯ ಬಗ್ಗೆ ಮಾಹಿತಿಯನ್ನು ತಿಳಿಯಲಿಚ್ಛಿಸುವವರಿಗೆ ಈ ವೆಬ್ ಸೈಟ್ ಮೂಲಕ ಎಲ್ಲಾ ಸೋದೆ ಸಮೂಹ ಶಿಕ್ಷಣ ಸಂಸ್ಥೆಗಳ ವಿವರಗಳನ್ನು ತಿಳಿಯಬಹುದು. ಇದು “ಸೋದೆ ಒಂದೇ” ಎಂಬ ಧ್ಯೇಯವನ್ನು ಒಳಗೊಂಡಿದೆ.
ಈ ಏಕೀಕೃತ ವೆಬ್ಪೇಜ್ “ಒಂದು ಕುಟುಂಬ – ಒಂದು ದೃಷ್ಟಿ ಕೋನ” ಎಂಬ ತತ್ವವನ್ನು ಪ್ರತಿಬಿಂಬಿಸುವುದರ ಜೊತೆಗೆ, ಪ್ರತೀ ಸಂಸ್ಥೆಯ ವೈಶಿಷ್ಟ್ಯವನ್ನು ಉಳಿಸಿಕೊಂಡು ಎಲ್ಲಾ ಸಂಸ್ಥೆಗಳನ್ನು ಒಂದೇ ಡಿಜಿಟಲ್ ವೇದಿಕೆಯಲ್ಲಿ ಒಗ್ಗೂಡಿಸುತ್ತದೆ. ಇದರ ಮೂಲಕ ವಿದ್ಯಾರ್ಥಿಗಳು, ಪೋಷಕರು ಮತ್ತು ಹಳೆಯ ವಿದ್ಯಾರ್ಥಿಗಳು ಕೇವಲ ಒಂದು ಕ್ಲಿಕ್ನೊ೦ದಿಗೆ ಪ್ರತ್ಯೇಕ ಸಂಸ್ಥೆಗಳ ವೈಬ್ಸೈಟ್ಗಳಿಗೆ ಸುಲಭವಾಗಿ ಪ್ರವೇಶಿಸಬಹುದು.
sode-edu.in ನ ಆರಂಭವು ಪ್ರಾದೇಶಿಕ ಮತ್ತು ರಾಷ್ಟ್ರೀಯ ಮಟ್ಟದಲ್ಲಿ ಸೋದೆ ಸಮೂಹಕ್ಕೆ ಡಿಜಿಟಲ್ ಗೋಚರತೆಯನ್ನು ಗಮನಾರ್ಹವಾಗಿ ಹೆಚ್ಚಿಸುವ ನಿರೀಕ್ಷೆಯಿದೆ. ಇದು ಶೈಕ್ಷಣಿಕ ಕಾರ್ಯಕ್ರಮಗಳು, ದಾಖಲಾತಿ ಪ್ರಕ್ರಿಯೆಗಳು, ಸಂಶೋಧನಾ ಉಪಕ್ರಮಗಳು, ಸೌಲಭ್ಯಗಳು ಮತ್ತು ಇತರ ಪ್ರಮುಖ ಮಾಹಿತಿಯನ್ನು ಅನ್ವೇಷಿಸಲು ಸುವ್ಯವಸ್ಥಿತ ಮಾರ್ಗವನ್ನು ಒದಗಿಸುತ್ತದೆ.
ವೆಬ್ಸೈಟ್ನಲ್ಲಿರುವ ವಿಶೇಷ ಪರಂಪರೆಯ ವಿಭಾಗವು ಈ ವೆಬ್ಸೈಟ್ಗೆ ಆಳವಾದ ಭಾವನಾತ್ಮಕ ಆಯಾಮವನ್ನು ನೀಡುತ್ತದೆ. 1943ರಲ್ಲಿ ಉಡುಪಿಯ ಸಣ್ಣ ಹಳ್ಳಿಯಾದ ಇನ್ನಂಜೆಯಲ್ಲಿ ಒಂದು ವಸತಿ ಶಾಲೆಯನ್ನು ಸ್ಥಾಪಿಸುವುದರೊಂದಿಗೆ ಸೋದೆ ವಾದಿರಾಜ ಮಠವು ಆಧುನಿಕ ಶಿಕ್ಷಣಕ್ಕೆ ನೀಡಿದ ಕೊಡುಗೆಯ ಗಮನಾರ್ಹ ಪರಂಪರೆಯನ್ನು ಇದು ವಿವರಿಸುತ್ತದೆ. ಇದು ನರ್ಸರಿಯಿಂದ ಹಿಡಿದು ಇಂಜಿನಿಯರಿ೦ಗ್, ಮ್ಯಾನೇಜ್ಮೆಂಟ್ ಮತ್ತು ಪ್ಯಾರಾಮೆಡಿಕಲ್ ವಿಜ್ಞಾನಗಳವರೆಗೆ ಸಂಪೂರ್ಣ ಶೈಕ್ಷಣಿಕ ವರ್ಣಪಟಲವನ್ನು ಒಳಗೊಂಡಿದೆ.
ಈ ಸಾಹಸಗಾಥೆಯು ಮಠದ ಸಮಗ್ರ ಶಿಕ್ಷಣದ ಧ್ಯೇಯವಾಕ್ಯಕ್ಕೆ ಅಚಲ ಬದ್ಧತೆ ಮತ್ತು ಸಾಮಾಜಿಕ ಉನ್ನತಿಗೆ ಅದರ ಹಲವು ದಶಕಗಳ ಸಮರ್ಪಣೆಯನ್ನು ಪ್ರತಿಬಿಂಬಿಸುತ್ತದೆ. ಈ ವೆಬ್ಸೈಟ್ನ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಸೋದೆ ವಾದಿರಾಜ ಮಠದ ಶಿಕ್ಷಣ ಸಂಸ್ಥೆಗಳ ಕಾರ್ಯದರ್ಶಿಗಳಾದ ರತ್ನಕುಮಾರ್, ಸೋದೆ ಸಮೂಹ ಸಂಸ್ಥೆಗಳ ಮುಖ್ಯ ಕಾರ್ಯನಿರ್ವಣಾಧಿಕಾರಿಗಳಾದ ಡಾ. ರಾಧಾಕೃಷ್ಣ ಎಸ್ ಐತಾಳ್, ಆಡಳಿತ ಮಂಡಳಿಯ ಸದಸ್ಯರಾದ ಪಿ ರಾಮದಾಸ್, ಡಾ. ಪಿ ಜಿ ದಿವಾಕರ್ ಮತ್ತು ಸೋದೆ ಸಮೂಹ ಶಿಕ್ಷಣ ಸಂಸ್ಥೆ ಅಡಿಯಲ್ಲಿರುವ ಎಲ್ಲಾ ಸಂಸ್ಥೆಗಳ ಮುಖ್ಯಸ್ಥರು ಉಪಸ್ಥಿತರಿದ್ದರು.
