ಕರ್ನಾಟಕದಲ್ಲಿ ಧಾರ್ಮಿಕ ಅಲ್ಪಸಂಖ್ಯಾತ ಸಮುದಾಯದವರಿಗೆ ಸ್ವಯಂ ಉದ್ಯೋಗ ಆರಂಭಿಸಲು ಉತ್ತಮ ಅವಕಾಶ ಒದಗಿಸುವ ಉದ್ದೇಶದಿಂದ ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮ (KMDC) ವಿಶೇಷ ವಾಹನ ಖರೀದಿ ಸಹಾಯಧನ ಯೋಜನೆಯನ್ನು ಜಾರಿಗೊಳಿಸಿದೆ.
ಈ ಯೋಜನೆಯಡಿ ಟ್ಯಾಕ್ಸಿ, ಪ್ರಯಾಣಿಕ ಆಟೋರಿಕ್ಷಾ ಹಾಗೂ ಸರಕು ವಾಹನಗಳನ್ನು ಖರೀದಿಸಲು ಸರ್ಕಾರದಿಂದ ಆರ್ಥಿಕ ನೆರವು ನೀಡಲಾಗುತ್ತದೆ.
ಯೋಜನೆ ಕುರಿತು ಒಂದಿಷ್ಟು
ಈ ಯೋಜನೆ KMDC ಹಾಗೂ ರಾಷ್ಟ್ರೀಕೃತ/ಅನುಸೂಚಿತ ಬ್ಯಾಂಕ್ಗಳ ಸಹಯೋಗದಲ್ಲಿ ಜಾರಿಯಲ್ಲಿದೆ. ಅರ್ಹ ಫಲಾನುಭವಿಗಳು ಬ್ಯಾಂಕ್ ಮೂಲಕ ಸಾಲ ಪಡೆಯುವಾಗ, ಸರ್ಕಾರದಿಂದ ಸಹಾಯಧನ ನೀಡಲಾಗುತ್ತದೆ.
ಸಹಾಯಧನ:
- ವಾಹನದ ಮೌಲ್ಯದ 33% ಅಥವಾ
- ಗರಿಷ್ಠ ₹2.5 ಲಕ್ಷ (ಇವೆರಡರಲ್ಲಿ ಕಡಿಮೆ ಇರುವುದೋ ಅದು)
ಯೋಜನೆಯ ಪ್ರಮುಖ ಪ್ರಯೋಜನಗಳು
- ಸಬ್ಸಿಡಿ – ₹2.5 ಲಕ್ಷದವರೆಗೆ ಸಹಾಯಧನ
- ವಿವಿಧ ವಾಹನಗಳು – ಆಟೋ, ಟ್ಯಾಕ್ಸಿ, ಸರಕು ವಾಹನ
- ಮಹಿಳೆಯರಿಗೆ ಆದ್ಯತೆ
- ಸ್ವಯಂ ಉದ್ಯೋಗಕ್ಕೆ ಅವಕಾಶ
- ಪಾರದರ್ಶಕ ಆಯ್ಕೆ ಪ್ರಕ್ರಿಯೆ
ಅರ್ಹತಾ ಮಾನದಂಡಗಳು
- ಧಾರ್ಮಿಕ ಅಲ್ಪಸಂಖ್ಯಾತ ಸಮುದಾಯದವರಾಗಿರಬೇಕು
- ಕರ್ನಾಟಕದ ಶಾಶ್ವತ ನಿವಾಸಿಯಾಗಿರಬೇಕು
- ವಯಸ್ಸು 18 ರಿಂದ 55 ವರ್ಷ ನಡುವೆ ಇರಬೇಕು
- ವಾರ್ಷಿಕ ಕುಟುಂಬ ಆದಾಯ ₹6 ಲಕ್ಷಕ್ಕಿಂತ ಕಡಿಮೆ ಇರಬೇಕು
- ಚಾಲನಾ ಪರವಾನಿಗೆ ಹೊಂದಿರಬೇಕು
- ಸರ್ಕಾರಿ ಉದ್ಯೋಗಿಯಾಗಿರಬಾರದು
- ಹಿಂದೆ ಯಾವುದೇ ಸರ್ಕಾರಿ ವಾಹನ ಸಾಲ ಸೌಲಭ್ಯ ಪಡೆದಿರಬಾರದು
- KMDC ಸಾಲ ಸುಸ್ತಿದಾರರಾಗಿರಬಾರದು
ಸಲ್ಲಿಸಬೇಕಾದ ದಾಖಲೆಗಳು
- ಆನ್ಲೈನ್ ಅರ್ಜಿ
- ಪಾಸ್ಪೋರ್ಟ್ ಗಾತ್ರದ ಫೋಟೋಗಳು
- ಜಾತಿ & ಆದಾಯ ಪ್ರಮಾಣಪತ್ರ
- ಆಧಾರ್ ಕಾರ್ಡ್
- ಚಾಲನಾ ಪರವಾನಿಗೆ
- ಅಫಿಡವಿಟ್ (ವಾಹನ ಮಾರಾಟ ಮಾಡದಿರುವುದು & ಇತರೆ)
ಪ್ರಮುಖ ನಿಯಮಗಳು
- ವಾಹನದ ವೆಚ್ಚದ 10% ಮೊತ್ತವನ್ನು ಸ್ವತಃ ಭರಿಸಬೇಕು
- ಸಾಲ ಅವಧಿಯಲ್ಲಿ ವಾಹನ ಮಾರಾಟಕ್ಕೆ ಅವಕಾಶ ಇಲ್ಲ
- ವಾಹನದ ಮೇಲೆ “Subsidised by KMDC” ಎಂದು ಬರೆಯಬೇಕು
- ವಿಮೆ, ತೆರಿಗೆ ದಾಖಲೆಗಳನ್ನು ಸಲ್ಲಿಸಬೇಕು
- ನಗರ ಪ್ರದೇಶದಲ್ಲಿ ಆಟೋಗೆ ಪರ್ಮಿಟ್ ಕಡ್ಡಾಯ
ಆಯ್ಕೆ ಪ್ರಕ್ರಿಯೆ
ಅರ್ಹ ಫಲಾನುಭವಿಗಳನ್ನು ಆಯ್ಕೆ ಮಾಡಲು ಜಿಲ್ಲಾ ಮಟ್ಟದಲ್ಲಿ ಸಮಿತಿ ರಚಿಸಲಾಗಿದೆ. ಇದರಲ್ಲಿ ಇವರೆಲ್ಲಾ ಇರುತ್ತಾರೆ.
- ಜಿಲ್ಲಾಧಿಕಾರಿ (ಅಧ್ಯಕ್ಷರು)
- ಜಿಲ್ಲಾ ಪಂಚಾಯತ್ CEO
- ಲೀಡ್ ಬ್ಯಾಂಕ್ ಮ್ಯಾನೇಜರ್
- RTO ಅಧಿಕಾರಿ
- ಅಲ್ಪಸಂಖ್ಯಾತ ಕಲ್ಯಾಣ ಇಲಾಖೆ ಅಧಿಕಾರಿಗಳು
ಅರ್ಜಿ ಸಲ್ಲಿಸುವ ವಿಧಾನ
- KMDC ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ
- ಆನ್ಲೈನ್ ಅರ್ಜಿ ಭರ್ತಿ ಮಾಡಿ
- ಅರ್ಜಿಯನ್ನು ಮುದ್ರಿಸಿ
- ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಸಿ
- ಆಯ್ಕೆ ಆದ ಬಳಿಕ ಸಹಾಯಧನ ನೇರವಾಗಿ ಬ್ಯಾಂಕ್ ಖಾತೆಗೆ ಜಮಾ ಆಗುತ್ತದೆ
ಈ ಯೋಜನೆ ಕೇವಲ ಸಬ್ಸಿಡಿ ನೀಡುವುದಲ್ಲ, ಸ್ವಾವಲಂಬನೆ ಮತ್ತು ಆರ್ಥಿಕ ಅಭಿವೃದ್ಧಿಗೆ ದಾರಿ ತೋರಿಸುತ್ತದೆ. ಸ್ವಂತ ಉದ್ಯೋಗ ಆರಂಭಿಸಲು ಬಯಸುವವರಿಗೆ ಇದು ಒಳ್ಳೆಯ ಅವಕಾಶ.
