ನವದೆಹಲಿ: ಟಾಟಾ ಮೋಟಾರ್ಸ್, ಭಾರತದ ಅತಿ ದೊಡ್ಡ ಸ್ವದೇಶಿ ವಾಹನ ತಯಾರಕ ಮತ್ತು ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಎಲೆಕ್ಟ್ರಿಕ್ ಕಾರು ತಯಾರಕ ಕಂಪನಿಯು ಜುಲೈ 2022 ರ ತಿಂಗಳಿಗೆ ಆಯ್ದ ಮಾಡೆಲ್ ಗಳ ಮೇಲೆ ರಿಯಾಯಿತಿಗಳನ್ನು ಘೋಷಿಸಿದೆ.

ರಿಯಾಯತಿ ಘೋಷಿಸಲಾದ ಮಾಡೆಲ್ ಗಳು:

ಟಾಟಾ ಟಿಯಾಗೊ: ಟಾಟಾ ಮೋಟಾರ್ಸ್‌ನಿಂದ ಎಂಟ್ರಿ ಲೆವೆಲ್ ಹ್ಯಾಚ್‌ಬ್ಯಾಕ್, ಟಾಟಾ ಟಿಯಾಗೊವನ್ನು ರೂ 28,000 ವರೆಗೆ ರಿಯಾಯಿತಿಯೊಂದಿಗೆ ನೀಡಲಾಗುತ್ತಿದೆ. ಹ್ಯಾಚ್‌ಬ್ಯಾಕ್ XE, XM, XT ಮತ್ತು XZ ಮತ್ತು CNG ವೇರಿಯಂಟ್ ಗಳು ಸೇರಿದಂತೆ ನಾಲ್ಕು ಟ್ರಿಮ್‌ಗಳಲ್ಲಿ ಲಭ್ಯವಿದೆ. CNG ವೇರಿಯಂಟ್ ನಲ್ಲಿ ಯಾವುದೇ ರಿಯಾಯತಿ ಇಲ್ಲದಿದ್ದರೂ, XE, XM ಮತ್ತು XT ವೇರಿಯಂಟ್ ರೂ 18,000 ವರೆಗೆ ರಿಯಾಯಿತಿಯನ್ನು ಪಡೆಯುತ್ತದೆ. XZ ಮತ್ತು ಮೇಲಿನ ಟ್ರಿಮ್ ಗಳನ್ನು 28000 ರೂ.ವರೆಗಿನ ಪ್ರಯೋಜನಗಳೊಂದಿಗೆ ನೀಡಲಾಗುತ್ತಿದೆ.

ಟಾಟಾ ಟಿಗೋರ್: ಟಾಟಾ ಟಿಗೋರ್ ಆಧಾರಿತ ಕಾಂಪ್ಯಾಕ್ಟ್ ಸೆಡಾನ್ ಅನ್ನು XZ ಮತ್ತು ಅದಕ್ಕಿಂತ ಹೆಚ್ಚಿನ ವೇರಿಯಂಟ್‌ಗಳಿಗೆ 33,000 ರೂ.ವರೆಗಿನ ರಿಯಾಯಿತಿ ಮತ್ತು ಪ್ರಯೋಜನಗಳೊಂದಿಗೆ ನೀಡಲಾಗುತ್ತಿದೆ. CNG ವೇರಿಯಂಟ್ ಗಳಲ್ಲಿ ಯಾವುದೇ ರಿಯಾಯಿತಿ ಇಲ್ಲ, ಆದರೆ ಕಡಿಮೆ ವೇರಿಯಂಟ್ ಗಳಾದ XE, XM ಮತ್ತು XT ರೂ 23,000 ವರೆಗೆ ರಿಯಾಯಿತಿಗಳನ್ನು ಪಡೆಯುತ್ತದೆ.

ಟಾಟಾ ಆಲ್ಟ್ರೋಜ್: ಟಾಟಾ ಮೋಟಾರ್ಸ್‌ನ ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ದೇಶದಲ್ಲಿ ಜನಪ್ರಿಯ ಉತ್ಪನ್ನವಾಗಿದೆ ಮತ್ತು ಡೀಸೆಲ್ ವೇರಿಯಂಟ್ ಗಳಿಗೆ ರೂ 10,000 ವರೆಗೆ ರಿಯಾಯಿತಿ ಇದೆ. ಮತ್ತೊಂದೆಡೆ, ಪೆಟ್ರೋಲ್ ವೇರಿಯಂಟ್ ಗಳು ರೂ 8,000 ವರೆಗೆ ರಿಯಾಯಿತಿ ಮತ್ತು ಪ್ರಯೋಜನಗಳನ್ನು ಪಡೆಯುತ್ತವೆ.

ಟಾಟಾ ಪಂಚ್: ಟಾಟಾ ಪಂಚ್‌ ಮೇಲೆ ಯಾವುದೇ ರಿಯಾಯಿತಿ ಇಲ್ಲ.

ಟಾಟಾ ನೆಕ್ಸಾನ್: ಭಾರತದ ಅತಿ ಹೆಚ್ಚು ಮಾರಾಟವಾಗುವ ಎಸ್.ಯು.ವಿ ಟಾಟಾ ನೆಕ್ಸಾನ್ ಕಾಂಪ್ಯಾಕ್ಟ್ ಎಸ್.ಯು.ವಿ ಡೀಸೆಲ್ ವೇರಿಯಂಟ್ ಗಳಿಗೆ ರೂ 15,000 ಮತ್ತು ಪೆಟ್ರೋಲ್ ವೇರಿಯಂಟ್ ಗಳಿಗೆ ರೂ 8,000 ವರೆಗೆ ಪ್ರಯೋಜನಗಳನ್ನು ನೀಡಲಾಗುತ್ತಿದೆ.

ಟಾಟಾ ಹ್ಯಾರಿಯರ್: ಮಧ್ಯಮ ಗಾತ್ರದ ಎಸ್.ಯು.ವಿ ಟಾಟಾ ಹ್ಯಾರಿಯರ್ ಅನ್ನು ರೂ 70,000 ವರೆಗಿನ ಬೃಹತ್ ರಿಯಾಯಿತಿಗಳೊಂದಿಗೆ ನೀಡಲಾಗುತ್ತಿದೆ.

ಟಾಟಾ ಸಫಾರಿ: ಹೊಸ ಟಾಟಾ ಸಫಾರಿ, ಹ್ಯಾರಿಯರ್ ಆಧಾರಿತ 6/7 ಸೀಟರ್ ಎಸ್‌ಯುವಿ, ಅನ್ನು ರೂ 40,000 ವರೆಗೆ ರಿಯಾಯಿತಿಯೊಂದಿಗೆ ನೀಡಲಾಗುತ್ತಿದೆ.

ವಿ.ಸೂ: ಈ ಪ್ರಯೋಜನಗಳು ಮತ್ತು ರಿಯಾಯಿತಿಗಳು ಡೀಲರ್‌ಶಿಪ್ ಮತ್ತು ವೇರಿಯಂಟ್ ಗಳನ್ನು ಅವಲಂಬಿಸಿರುತ್ತದೆ. ಖರೀದಿಸುವ ಮೊದಲು ಆಯಾ ಶೋರೂಮ್‌ನಿಂದ ಒಮ್ಮೆ ದೃಢೀಕರಿಸಿ.