ಉಡುಪಿ: ಪಡುಬೆಳ್ಳೆ ಬೈಲುಮನೆ ಮತ್ತು ಮಜೂರು ದೊಡ್ಡ ಮನೆ ಸುಂದರ ಶೆಟ್ಟಿ (85) ಅವರು ಅಲೆವೂರಿನ ಸ್ವಗೃಹದಲ್ಲಿ ಅ. 25 ರಂದು ನಿಧನ ಹೊಂದಿದರು.

ಇವರು ಮುಂಬೈಯ ಸಿಂಥೆಟಿಕ್ಸ್ ಮತ್ತು ಕೆಮಿಕಲ್ಸ್ ಕಂಪೆನಿಯಲ್ಲಿ ಉದ್ಯೋಗಿಯಾಗಿ, ಮುಂಬೈ ಕನ್ನಡ ಸಂಘದಲ್ಲಿ, ಬಂಟ ಸಂಘದಲ್ಲಿ, ಬಂಟ್ಸ್ ಅಸೋಸಿಯೇಷನ್ಸ್ ಪದಾಧಿಕಾರಿಯಾಗಿ, ಸಾಮಾಜಿಕ ಹಾಗೂ ಶೈಕ್ಷಣಿಕ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದ್ದರು.

ಉಡುಪಿ ಗ್ರಾಮೀಣ ಬಂಟ ಸಂಘದ,ಸಲಹೆಗಾರರಾಗಿ ಅಲೆವೂರಿನ ಸುಭೋಧಿನಿ ಶಾಲಾ ಆಡಳಿತ ಮಂಡಳಿ ಸದಸ್ಯರಾಗಿ ಸೇವೆಗೈದಿದ್ದರು.

ಇವರು ಪತ್ನಿ ನಿವೃತ್ತ ಶಿಕ್ಷಕಿ ಸುಭೋಧಿನಿ ಶಾಲಾ ಆಡಳಿತ ಮಂಡಳಿಯ ಅಧ್ಯಕ್ಷೆ ವಾರಿಜಾ ಶೆಟ್ಟಿ ಹಾಗೂ ಪುತ್ರರನ್ನು ಅಗಲಿದ್ದಾರೆ.ಇವರ ನಿಧನಕ್ಕೆ ಸುಭೋಧಿನಿ ಶಾಲಾ ಸಂಚಾಲಕರಾದ ಡಾ.ಎಂ.ರವಿರಾಜ ಶೆಟ್ಟಿ ಅವರು ಸಂತಾಪ ವ್ಯಕ್ತಪಡಿಸಿದ್ದಾರೆ.