ಬೆಂಗಳೂರು: ಎಕನಾಮಿಕ್ ಟೈಮ್ಸ್ ವರದಿಯ ಪ್ರಕಾರ ಸಿಂಗಾಪುರದ ಸರ್ಕಾರಿ ಸ್ವಾಮ್ಯದ ಹೂಡಿಕೆ ಕಂಪನಿ ಟೆಮಾಸೆಕ್ ಹೋಲ್ಡಿಂಗ್ಸ್ ಫಂಡ್, ಹೆಚ್ಚುವರಿ 33 ಶೇಕಡಾ ಪಾಲನ್ನು ಸ್ವಾಧೀನಪಡಿಸಿಕೊಳ್ಳುವ ಮೂಲಕ ಭಾರತದ ಪ್ರಮುಖ ಆಸ್ಪತ್ರೆ ಸರಪಳಿಯಾದ ಮಣಿಪಾಲ್ ಹಾಸ್ಪಿಟಲ್ಸ್ ನ ಬಹುಪಾಲು ಷೇರುಗಳನ್ನು ಖರೀದಿಸಿದೆ. ಮಣಿಪಾಲದ ಪ್ರವರ್ತಕರು ಮತ್ತು ಅಸ್ತಿತ್ವದಲ್ಲಿರುವ ಷೇರುದಾರರಿಂದ ಟೆಮಾಸೆಕ್ ಹೋಲ್ಡಿಂಗ್ಸ್ ಫಂಡ್ 33 ಶೇಕಡಾ ಪಾಲನ್ನು ಖರೀದಿಸಿತು.
ಖಾಸಗಿ ಇಕ್ವಿಟಿ ಸಂಸ್ಥೆಯಾದ KKR & Co ಆಸ್ಪತ್ರೆ ಗುಂಪಿನ 48 ಪ್ರತಿಶತದವರೆಗೆ ಸ್ವಾಧೀನಪಡಿಸಿಕೊಳ್ಳಲು ಉದ್ದೇಶಿಸಿತ್ತು. ಜೊತೆಗೆ, KKR ಪ್ರವರ್ತಕ ಪೈ ಕುಟುಂಬದಿಂದ ಸಣ್ಣ ಮಟ್ಟದ ಹೂಡಿಕೆಯನ್ನು ಖರೀದಿಸಲು ಪ್ರಯತ್ನಿಸುತ್ತಿತ್ತು. ಆದರೆ ಟೆಮಾಸೆಕ್ ಕೆಕೆಆರ್ ಮೇಲೆ ಗೆಲುವು ಸಾಧಿಸಿತು.
ಒಪ್ಪಂದದ ನಂತರ, ಕಂಪನಿಯ ಮೌಲ್ಯವು 29,000 ಕೋಟಿ ರೂ.ಗೆ ಏರಿಕೆಯಾಗಿದೆ ಎಂದು ಈ ಬೆಳವಣಿಗೆಯ ಬಗ್ಗೆ ತಿಳಿದಿರುವ ಜನರನ್ನು ಉಲ್ಲೇಖಿಸಿ ವರದಿ ಹೇಳಿದೆ. ಅಸ್ತಿತ್ವದಲ್ಲಿರುವ ಷೇರುದಾರ ಟಿಪಿಜಿ ಯ ಪಾಲು ಹಿಂದಿನ 22 ಶೇಕಡಾದಿಂದ 11 ಶೇಕಡಾಕ್ಕೆ ಇಳಿಕೆಯಾಗಿದೆ. ಜೊತೆಗೆ, ಪ್ರವರ್ತಕ ರಂಜನ್ ಪೈ ಮತ್ತು ಕುಟುಂಬದ ಪಾಲು ಶೇಕಡಾ 30 ಕ್ಕೆ ಇಳಿದಿದೆ. ಮಣಿಪಾಲ್ ಆಸ್ಪತ್ರೆಗಳಲ್ಲಿನ ಮತ್ತೊಂದು ಹೂಡಿಕೆದಾರ ರಾಷ್ಟ್ರೀಯ ಮೂಲಸೌಕರ್ಯ ಹೂಡಿಕೆ ನಿಧಿ (NIIF), ಈ ಒಪ್ಪಂದದ ಮೂಲಕ ತನ್ನ ಸಂಪೂರ್ಣ 8 ಶೇಕಡಾ ಪಾಲನ್ನು ಮಾರಾಟ ಮಾಡುವ ಮೂಲಕ ದಕ್ಷಿಣ ಮೂಲದ ಆಸ್ಪತ್ರೆ ಗುಂಪಿನಿಂದ ಸಂಪೂರ್ಣವಾಗಿ ನಿರ್ಗಮಿಸಿದೆ.
ಯುಎಸ್ ಮೂಲದ ಪಿಇ ಸಂಸ್ಥೆ ಟಿಪಿಜಿ 2015 ರಲ್ಲಿ ಮಣಿಪಾಲ್‌ನಲ್ಲಿ ಹೂಡಿಕೆ ಮಾಡಿತು ಮತ್ತು ಕಳೆದ ವರ್ಷ ಏಪ್ರಿಲ್‌ನಲ್ಲಿ ಎನ್‌ಐಐಎಫ್ ತನ್ನ ಸ್ಟ್ರಾಟೆಜಿಕ್ ಆಪರ್ಚುನಿಟೀಸ್ ಫಂಡ್ ಮೂಲಕ ಮಣಿಪಾಲ್ ಹಾಸ್ಪಿಟಲ್ಸ್‌ನಲ್ಲಿ ಶೇಕಡಾ 8 ರಷ್ಟು ಪಾಲನ್ನು ಖರೀದಿಸಲು 2,100 ಕೋಟಿ ರೂ. ಹೂಡಿತ್ತು.
ಮಣಿಪಾಲ್ ಹಾಸ್ಪಿಟಲ್ಸ್ ಬೆಂಗಳೂರಿನಲ್ಲಿರುವ ದೊಡ್ಡ ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆಗಳಲ್ಲಿ ಒಂದಾಗಿದೆ. ಇತರ ಆಸ್ಪತ್ರೆಗಳ ಸ್ವಾಧೀನಗಳ ಮೂಲಕ ತನ್ನ ಅಸ್ತಿತ್ವವನ್ನು ಬೆಳೆಸಿಕೊಳ್ಳುತ್ತಿದೆ. ಪ್ರಸ್ತುತ, ಕಂಪನಿಯು ಕೋಲ್ಕತ್ತಾ ಮೂಲದ ಎ ಎಂ ಆರ್ ಐ (ಅಡ್ವಾನ್ಸ್ಡ್ ಮೆಡಿಕಲ್ ರಿಸರ್ಚ್ ಇನ್ಸ್ಟಿಟ್ಯೂಟ್) ಆಸ್ಪತ್ರೆಗಳನ್ನು ರೂ 2400 ಕೋಟಿಗೆ ಖರೀದಿಸಲು ಸಿದ್ಧವಾಗಿದೆ. ಈ ಒಪ್ಪಂದವು ಪಶ್ಚಿಮ ಬಂಗಾಳ ಸರ್ಕಾರದಿಂದ ಅನುಮೋದನೆಯನ್ನು ಪಡೆಯಬೇಕಾಗಿದೆ. ವೆಸ್ಟ್ ಬ್ಯಾಂಕ್ ಸರ್ಕಾರವು ಎ ಎಂ ಆರ್ ಐ ನಲ್ಲಿ ಸುಮಾರು 2 ಶೇಕಡಾ ಪಾಲನ್ನು ಹೊಂದಿದೆ.
2020 ರಲ್ಲಿ ಮಣಿಪಾಲ್ ಹಾಸ್ಪಿಟಲ್ಸ್, ಕೊಲಂಬಿಯಾ ಏಷ್ಯಾ ಹಾಸ್ಪಿಟಲ್ಸ್‌ನ ಭಾರತೀಯ ಆಸ್ತಿಯನ್ನು ಸುಮಾರು 2,100 ಕೋಟಿ ರೂ.ಗೆ ಖರೀದಿಸಿತ್ತು. ಇದರ ನಂತರ ಜೂನ್ 2021 ರಲ್ಲಿ, ಕಂಪನಿಯು ಬೆಂಗಳೂರು ಮೂಲದ ವಿಕ್ರಂ ಆಸ್ಪತ್ರೆಗಳ ವ್ಯವಹಾರವನ್ನು ಸರಿಸುಮಾರು 2,100 ಕೋಟಿ ರೂ.ಖರೀದಿಸಿದೆ ಎಂದು ವರದಿ ಹೇಳಿದೆ.
