ಉಡುಪಿ: ರೋಟರಿಯು ಪರಸ್ಪರ ಪ್ರೀತಿಗೌರವವನ್ನು ಕೊಡುತ್ತಾ, ಸಂತ್ರಸ್ತ ಪ್ರಪಂಚಕ್ಕೆ ಸೇವೆಯನ್ನು ನೀಡುವ ಅನುಭವಗಳ ಮೇಲೆ ಸದಸ್ಯರನ್ನು ಸಮಾಜಕ್ಕೆ ಸಿದ್ಧಪಡಿಸುವ ಸಂಘಟನೆಯಾಗಿದೆ ಎಂದು ಪಿಡಿಜಿ ರೋ. ಅಭಿನಂದನ್ ಶೆಟ್ಟಿ ಹೇಳಿದರು.

ರೋಟರಿ ಜಿಲ್ಲಾ 3182 ಇದರ ಅತ್ಯಂತ ಬ್ರಹತ್ ಮಟ್ಟದ ಅಂತರಾಷ್ಟ್ರೀಯ ಅನುದಾನದಿಂದ
ರೋಟರಿ ಕ್ಲಬ್ ಮಣಿಪಾಲ ಟೌನ್ ಇದರ ನೇತೃತ್ವದಲ್ಲಿ ಮಾಹೆ ರೋಟರಿ ಸ್ಕಿನ್ ಬ್ಯಾಂಕ್ ಸಮಾಜಕ್ಕೆ ಕೊಡುಗೆಯಾಗಿ ನೀಡುತ್ತಿರುವುದು ಶ್ಲಾಘನೀಯವಾದುದು ಎಂದರು.

ಮಣಿಪಾಲ ಟೌನ್ ಇದರ ನೂತನ ಪದಾಧಿಕಾರಿಗಳಿಗೆ ಪದಪ್ರದಾನ ಕಾರ್ಯಕ್ರಮದಲ್ಲಿ ಅಧ್ಯಕ್ಷ ರೋ. ಗಣೇಶ್ ನಾಯಕ್, ಕಾರ್ಯದರ್ಶಿಯಾಗಿ ರೋ. ಪ್ರವೀಣ್ ಹೂಗಾರ್ ಅವರ ನೂತನ ತಂಡಕ್ಕೆ ಅಧಿಕಾರವನ್ನು ಹಸ್ತಾಂತರಿಸಲಾಯಿತು.

ಮುಖ್ಯ ಅತಿಥಿಗಳಾಗಿ ಎಜಿ ರೋ. ಸುರೇಶ್ ಶೆಣೈ, ಮಾಹೆ ಎಸ್ಟೇಟ್ ಅಧಿಕಾರಿ ರೋ. ಕೆ. ಜೈವಿಠ್ಠಲ್ ಮತ್ತು ವಲಯ ಸೇನಾನಿ ಸಚ್ಚಿದಾನಂದ ನಾಯಕ್ ಅವರು ಭಾಗವಹಿಸಿದ್ದರು.

ಹಾಲಿ ಅಧ್ಯಕ್ಷ ರೋ. ಡಾ. ರವೀಂದ್ರನಾಥ ನಾಯಕ್ ಮತ್ತು ಕಾರ್ಯದರ್ಶಿ ರೋ. ಜ್ಯೋತಿ ರವಿಂದ್ರನಾಥ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸ್ಕಿನ್ ಬ್ಯಾಂಕಿಗೆ ಜಿಲ್ಲಾ ಮಟ್ಟದಲ್ಲಿ ₹ 15 ಲಕ್ಷ ಸಹಾಯಧನ ನೀಡಿದ ರೋ. ಅಭಿನಂದನ ಶೆಟ್ಟಿ ಅವರನ್ನು ಸನ್ಮಾನಿಸಲಯಿತು. ರೋ. ಡಾ. ಗುರುಮೂರ್ತಿ ಸಂಗಮ್ ಕಾರ್ಯಕ್ರಮ ನಿರೂಪಿಸಿದರು.