ನವದೆಹಲಿ: ಪೆಟ್ರೋಲ್ ಮತ್ತು ಡೀಸೆಲ್ ದರದಲ್ಲಿ ಬೆಲೆ ಮುಂದುವರಿದಿದ್ದು, ಸತತ ನಾಲ್ಕನೇ ದಿನವೂ ತಲಾ 35 ಪೈಸೆ ಹೆಚ್ಚಳವಾಗಿದೆ.

ದೆಹಲಿಯಲ್ಲಿ ಒಂದು ಲೀಟರ್ ಪೆಟ್ರೋಲ್ ಬೆಲೆ ಈಗ ₹ 107.24, ಡೀಸೆಲ್ ಬೆಲೆ ₹ 95.97 ಆಗಿದೆ. ಮುಂಬೈನಲ್ಲಿ, ಪ್ರಸ್ತುತ ಪೆಟ್ರೋಲ್ ದರ ಲೀಟರ್‌ಗೆ ₹ 113.12 ಮತ್ತು ಡೀಸೆಲ್ ₹ 104.00 ಆಗಿದೆ.

ಅದೇ ರೀತಿ ಬೆಂಗಳೂರಿನಲ್ಲಿ ಒಂದು ಲೀಟರ್ ಪೆಟ್ರೋಲ್ ಬೆಲೆ ₹ 110.98 ಮತ್ತು ಡೀಸೆಲ್ ಪ್ರತಿ ಲೀಟರ್‌ಗೆ ₹ 101.86 ಆಗಿದೆ.

ಸೆಪ್ಟೆಂಬರ್ 28 ರಿಂದ 19 ಬಾರಿ ಪೆಟ್ರೋಲ್ ಬೆಲೆಯನ್ನು ಹೆಚ್ಚಿಸಲಾಗಿದ್ದು, ಒಟ್ಟಾರೆಯಾಗಿ, ಲೀಟರ್‌ಗೆ ₹ 5.7 ಹೆಚ್ಚಳವಾಗಿದೆ. ಸೆಪ್ಟೆಂಬರ್ 24 ರಿಂದ 22 ಬಾರಿ ಡೀಸೆಲ್ ಏರಿಕೆಯಾಗಿದ್ದು, ಈವರೆಗೆ ಲೀಟರ್‌ಗೆ ₹ 7 ಗಳಷ್ಟು ಹೆಚ್ಚಿಸಲಾಗಿದೆ.
ಇದಕ್ಕೂ ಮೊದಲು ಮೇ 4 ರಿಂದ ಜುಲೈ 17ರ ನಡುವೆ ಪೆಟ್ರೋಲ್ ದರದಲ್ಲಿ ಲೀಟರ್‌ಗೆ ₹11.44 ಗಳಷ್ಟು ಮತ್ತು ಡೀಸೆಲ್ ದರದಲ್ಲಿ ಲೀಟರ್‌ಗೆ ₹ 9.14 ಹೆಚ್ಚಳ ಮಾಡಲಾಗಿತ್ತು.