ರವೀಂದ್ರ ನಾಯ್ಕ್ ಮೂಲತಃ ಕಾರ್ಕಳದವರು. ಡಿಪ್ಲೋಮ ಇಂಜಿನಿಯರಿಂಗ್ ಮತ್ತು ಮೆಕಾನಿಕಲ್ ಇಂಜಿನಿಯರಿಂಗ್ ಮುಗಿಸಿರುವ  ಇವರಿಗೆ, ಪರಿಸರ, ಜೀವನಶೈಲಿಯ ಭಿನ್ನ ಭಿನ್ನ ನೋಟಗಳನ್ನು ಸೆರೆಹಿಡಿಯೋದಂದ್ರೆ ಪಂಚಪ್ರಾಣ. ಮೋಡ ಹಿಡಿದಂತೆ ಕಾಣಿಸುವ ಹುಡುಗ, ತುಂಬಿದ ಕೆರೆಯ ಮಾದಕ ನೋಟ, ಹಗಲಿನಲ್ಲಿ ನಿದ್ದೆ ಹೊಡೆಯುವ ಬೆಕ್ಕು, ಮಳೆಗೆ ಮೂಡಿದ ಮುತ್ತಿನ ಹನಿ ಇತ್ಯಾದಿ ಚಿತ್ರಗಳೆಲ್ಲ ಇವರ ಕಣ್ಣಲ್ಲಿ ಸೆರೆಯಾಗಿದೆ. ಮೊಬೈಲ್ ಫೋಟೋಗ್ರಫಿಯನ್ನೇ ವಿಭಿನ್ನ ಶೈಲಿಯಲ್ಲಿ ಮಾಡುವ  ಇವರಿಗೆ ಪೂರ್ಣ ಪ್ರಮಾಣದಲ್ಲಿ ವೃತ್ತಿಪರ ಛಾಯಾಚಿತ್ರಕಾರನಾಗುವ ಕನಸು.