ಸಿಯೋಲ್ : ಕ್ಯಾಲಿಫೋರ್ನಿಯಾದ ವ್ಯಾಂಡೆನ್​ಬರ್ಗ್ ಬಾಹ್ಯಾಕಾಶ ಪಡೆಯ ನೆಲೆಯಿಂದ ಭಾನುವಾರ ಸ್ಪೇಸ್‌ಎಕ್ಸ್ ಫಾಲ್ಕನ್ 9 ರಾಕೆಟ್​ ಮೂಲಕ ಉಡಾವಣೆಗೊಂಡ ಅಬ್ಸರ್ವರ್ -1 ಎ, ಕಕ್ಷೆ ಪ್ರವೇಶಿಸಿದ ಸುಮಾರು 10 ನಿಮಿಷಗಳ ನಂತರ ಬೆಳಗ್ಗೆ 5:05 ಕ್ಕೆ ನಾರ್ವೆ ಮೂಲದ ಕಾಂಗ್ಸ್​ಬರ್ಗ್ ಉಪಗ್ರಹ ಸೇವೆಗಳನ್ನು (Kongsberg Satellite Services) ನಿರ್ವಹಿಸುವ ಸ್ವಾಲ್​ಬಾರ್ಡ್ ಉಪಗ್ರಹ ನಿಲ್ದಾಣದೊಂದಿಗೆ ತನ್ನ ಮೊದಲ ಸಂಪರ್ಕ ಸಾಧಿಸಿದೆ ಎಂದು ನಾರಾ ಸ್ಪೇಸ್ ವರದಿ ಮಾಡಿದೆ.
ದಕ್ಷಿಣ ಕೊರಿಯಾದ ಸ್ಟಾರ್ಟ್ ಅಪ್ ನಾರಾ ಸ್ಪೇಸ್ ಇಂಕ್ ಅಭಿವೃದ್ಧಿಪಡಿಸಿದ ವೀಕ್ಷಣಾ ಉಪಗ್ರಹ ಅಬ್ಸರ್ವರ್ -1 ಎ ಯಶಸ್ವಿಯಾಗಿ ಕಕ್ಷೆ ಪ್ರವೇಶಿಸಿದೆ ಮತ್ತು ಭೂಮಿಯೊಂದಿಗೆ ಸಂವಹನ ನಡೆಸಿದೆ ಎಂದು ಅದರ ನಿರ್ಮಾಣಕಾರರು ಸೋಮವಾರ ತಿಳಿಸಿದ್ದಾರೆ.

2028 ರ ವೇಳೆಗೆ 100 ಕ್ಕೂ ಹೆಚ್ಚು ಘಟಕಗಳನ್ನು ನಿರ್ವಹಿಸುವ ಮತ್ತು ವಿಶ್ವಾದ್ಯಂತದ ಪ್ರಮುಖ ನಗರಗಳಿಗೆ ನೈಜ – ಸಮಯದ ಮೇಲ್ವಿಚಾರಣಾ ಸೇವೆಗಳನ್ನು ಒದಗಿಸುವ ಗುರಿಯೊಂದಿಗೆ ಸೂಕ್ಷ್ಮ ಉಪಗ್ರಹಗಳ ಸಾಮೂಹಿಕ ಉತ್ಪಾದನೆ ಗುರಿ ಹೊಂದಲಾಗಿದೆ ಎಂದು ಕಂಪನಿ ಹೇಳಿದೆ. “ಅಬ್ಸರ್ವರ್ ನ ಯಶಸ್ವಿ ಸಂವಹನದ ನಂತರ, ನಾವು ಬಾಹ್ಯಾಕಾಶ ಅಭಿವೃದ್ಧಿಯಲ್ಲಿ ‘ಬಾಹ್ಯಾಕಾಶ ಪರಂಪರೆ’ಯನ್ನು ಸಾಧಿಸಿದ್ದೇವೆ” ಎಂದು ನಾರಾ ಸ್ಪೇಸ್ ಸಿಇಒ ಪಾರ್ಕ್ ಜೇ-ಪಿಲ್ ಹೇಳಿದರು.20 ಸೆಂಟಿ ಮೀಟರ್ ಅಗಲ ಮತ್ತು 40 ಸೆಂಟಿ ಮೀಟರ್ ಎತ್ತರವಿರುವ ಈ ಸೂಕ್ಷ್ಮ ಉಪಗ್ರಹವು ಹಡಗು ಮತ್ತು ಕಾರು ಚಾಲನೆ ಮತ್ತು ಅರಣ್ಯ ಪ್ರದೇಶಗಳಲ್ಲಿನ ಬದಲಾವಣೆಗಳಂತಹ ಚಟುವಟಿಕೆಗಳ ಮೇಲ್ವಿಚಾರಣೆ ನಡೆಸಲಿದೆ ಎಂದು ವರದಿ ತಿಳಿಸಿದೆ. ಮುಂದಿನ ವರ್ಷದ ಮೊದಲಾರ್ಧದಲ್ಲಿ ಫಾಲ್ಕನ್ 9 ಮೂಲಕ ಅಬ್ಸರ್ವರ್ -1 ಎ ಗೆ ಹೋಲುವ ಉಪಗ್ರಹವಾದ ಅಬ್ಸರ್ವರ್ -1 ಬಿ ಅನ್ನು ನಿಯೋಜಿಸುವ ಗುರಿಯನ್ನು ಕಂಪನಿ ಹೊಂದಿದೆ.