ಮಂಗಳೂರು: ವೆನ್ಲಾಕ್ ಆಸ್ಪತ್ರೆಯಲ್ಲಿ ಇಂದಿನಿಂದ ಕೊರೊನಾ ಪರೀಕ್ಷಾ ಲ್ಯಾಬ್ ಕಾರ್ಯಾರಂಭಗೊಂಡಿದೆ.
ಇಷ್ಟು ದಿನಗಳ ಕಾಲ ಶಂಕಿತರ ಗಂಟಲಿನ ದ್ರಮ ಮಾದರಿಯ ಪರೀಕ್ಷೆಗಾಗಿ ಹೊರಜಿಲ್ಲೆಗೆ ಕಳುಹಿಸಿಕೊಡಬೇಕಿತ್ತು. ಇದು ಪರೀಕ್ಷೆ ನಡೆಸಿ ವರದಿ ಬರುವುದು ತಡವಾಗುತ್ತಿತ್ತು. ಜೊತೆಗೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೊರೊನಾ ಪೀಡಿತರ ಸಂಖ್ಯೆ ಹೆಚ್ಚಾಗಿ ಕೊರೊನಾ ವೈರಸ್ ಆತಂಕ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಕಾರಣ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಗಳ ಸಹಿತ ಜಿಲ್ಲೆಯ ಜನಪ್ರತಿನಿಧಿಗಳು ಜಿಲ್ಲೆಯಲ್ಲಿ ಕೊರೊನಾ ಪರೀಕ್ಷಾ ಲ್ಯಾಬ್ ಸ್ಥಾಪನೆ‌ಗೆ ಮನವಿ ಮಾಡಿದ್ದರು.
ಅದರಂತೆ ಕೊರೊನಾ ವೈರಸ್ ಪತ್ತೆಗೆ ಗಂಟಲಿನ ದ್ರವ ಮಾದರಿಯ ಪರೀಕ್ಷೆ ನಡೆಸಲು ಐಸಿಎಂಆರ್, ಎನ್ ಐವಿ ಒಪ್ಪಿಗೆ ಪಡೆದು ಕೊರೊನಾ ಪರೀಕ್ಷಾ ಲ್ಯಾಬ್ ಕಾರ್ಯಾರಂಭಗೊಂಡಿದೆ. ಪ್ರಯೋಗಾಲಯ ಮೂರು ದಿನಗಳ ಹಿಂದೆ ಆರಂಭಗೊಂಡು, ಪ್ರಯೋಗಿಕವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಇವತ್ತು ಅಧಿಕೃತವಾಗಿ ಆರಂಭಗೊಂಡು, ರೋಗಿಯ ದ್ರವ ಮಾದರಿ ಪರೀಕ್ಷೆ ವರದಿ ಅಂದಂದೇ ಪಡೆಯಬಹುದಾಗಿದೆ.
