ದಟ್ಟ ಹಳದಿ, ಕೇಸರಿ, ಕೆಂಬಣ್ಣದ ಮಾವಿನ ಹಣ್ಣುಗಳನ್ನ ಸಾಲಾಗಿ ಚೆಂದವಾಗಿ ಜೋಡಿಸಿಟ್ಟಿದ್ದನ್ನ ನೋಡ್ತಾ ಇದ್ರೆ ಆಹಾ! ಯಾರ ಬಾಯಲ್ಲಿ ನೀರು ಬರಲ್ಲ ಹೇಳಿ. ಅದೂ ಈ ಬೇಸಿಗೆಯ ಬಿಸಿಲ ಧಗೆಯಲ್ಲಿ ಬೆಂದು ಮನೆಗೆ ಬರುವ ಹೊತ್ತಿಗೆ ಮಾವಿನ ಹಣ್ಣು ಜೊತೆಯಲ್ಲಿದ್ದರೆ ಹೊಟ್ಟೆ ತಂಪಾಗುತ್ತದೆಯೆಂದು ಮಾವಿನ ಹಣ್ಣನ್ನು ಖಂಡಿತಾ ಕೊಳ್ಳುವ ಮನಸ್ಸಾಗುತ್ತದೆ. ಆದರೆ, ಈಗ ಹೀಗೆ ಕಣ್ಣಿಗೆ ಕುಕ್ಕುವ ಮಾವಿನಹಣ್ಣನ್ನು ಕೊಳ್ಳುವಾಗ ಎಚ್ಚರ ವಹಿಸಲೇಬೇಕು.
ಆರೋಗ್ಯ ಸಮಸ್ಯೆಗೆ ಕಾರಣವಾಗುತ್ತಿವೆ ಮಾವಿನ ಹಣ್ಣುಗಳು
ಕಣ್ಣಿಗೆ ಹೊಳೆಯುವಂತಹಾ ಚೆಂದದ ಬಣ್ಣ ಬಣ್ಣದ ಮಾವಿನ ಹಣ್ಣುಗಳು ಕ್ಯಾಲ್ಸಿಯಂ ಕಾರ್ಬೈಡ್ ಬಳಸಿ ಕೃತಕವಾಗಿ ಮಾಗಿಸಿದ ಮಾವಿನ ಹಣ್ಣುಗಳಾಗಿರುವ ಸಂಭವವಿದ್ದು, ಗಂಭೀರ ಆರೋಗ್ಯ ಸಮಸ್ಯೆಗಳನ್ನುಂಟುಮಾಡುತ್ತವೆ. ನೈಸರ್ಗಿಕವಾಗಿ ಹಣ್ಣಾದ ಮಾವು ಎಂದಿಗೂ ಏಕರೂಪದ ಬಣ್ಣವನ್ನು ಹೊಂದಿರುವುದಿಲ್ಲ ಎಂಬುದನ್ನು ನೆನಪಿಡಲೇಬೇಕು. ಹಣ್ಣುಗಳಲ್ಲಿ ಕೃತಕ ರಾಸಾಯನಿಕ ಬಳಕೆಯಿಂದ ತಕ್ಷಣವೇ ಗಂಟಲು ಉರಿ, ವಾಂತಿ, ವಾಕರಿಕೆ, ಭೇದಿ ಸೇರಿದಂತೆ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ದೀರ್ಘಕಾಲ ಬಳಸಿದರೆ ನರಮಂಡಲ ಹಾನಿ ಮತ್ತು ಉಸಿರಾಟ ತೊಂದರೆಗಳು ಎದುರಿಸಬಹುದು.
ಕೃತಕ ಹಣ್ಣು ಎಂದು ಗುರುತಿಸಲು ಹೀಗೆ ಮಾಡಿ
- ಬಣ್ಣ: ಅತಿಯಾದ ಏಕರೂಪದ ಹಳದಿ ಬಣ್ಣ
- ವಾಸನೆ: ಹಣ್ಣು ಬೇರೆ ರಾಸಾಯನಿಕ ವಾಸನೆ ಬರಬಹುದು
- ಬೇಕಿಂಗ್ ಸೋಡಾ ಪರೀಕ್ಷೆ: ಬೇಕಿಂಗ್ ಸೋಡಾ ನೀರಿನಲ್ಲಿ ಹಣ್ಣನ್ನು ತೊಳೆದಾಗ ಬಣ್ಣ ಬದಲಾದರೆ
ಈ ನಿಯಮಗಳನ್ನು ಪಾಲಿಸುವ ಮೂಲಕ ಹಾನಿಕರ ಹಣ್ಣುಗಳನ್ನು ಕೊಳ್ಳದೇ ಇರಬಹುದು. ಆದಷ್ಟು ಮಾಡಿ ನಿಮ್ಮ ಪರಿಚಿತರ ಅಂಗಡಿಯಿಂದ ಅಥವಾ ಲೋಕಲ್ ಹಣ್ಣುಗಳ ಮಾರಾಟಗಾರರಿಂದ ಹಣ್ಣು ಖರೀದಿಸಿ ಬಣ್ಣ ನೋಡಿ ಮಾರು ಹೋಗದಿರಿ.
