ಬೈಂದೂರು: ಇಲ್ಲಿನ ಕೊಡೇರಿ ಕಿರು ಬಂದರಿನ ಮೀನುಗಾರಿಕ ಜಟ್ಟಿಯಲ್ಲಿ ಯಾವುದೇ ರೀತಿಯ ಮೂಲಸೌಕರ್ಯ ಕಲ್ಪಿಸದೆ ಕಾನೂನು ಬಾಹಿರವಾಗಿ ಮೀನು ಮಾರಾಟ ಮಾಡುತ್ತಿರುವುದನ್ನು ವಿರೋಧಿಸಿ ಕೊಡೇರಿಯ ಮೀನುಗಾರರು ಶುಕ್ರವಾರ ಧರಣಿ ನಡೆಸಿದರು.
ಮೀನುಗಾರಿಕೆಗೆ ತೆರಳಿದ ನಾಡದೋಣಿ ಅಥವಾ ಇನ್ಯಾವುದೇ ರೀತಿಯ ಮೀನುಗಾರಿಕಾ ದೋಣಿಗಳು ಮೀನು ತೆಗೆದುಕೊಂಡು ಬಂದರೆ ಕೊಡೇರಿ ಶಾಲೆ ಸಮೀಪದಲ್ಲಿ ಮೀನು ಖಾಲಿ ಮಾಡುವ ಪ್ರತ್ಯೇಕ ವ್ಯವಸ್ಥೆ ಇದೆ. ಇದನ್ನು ಬಳಸಿಕೊಳ್ಳದೆ ಮೂಲಸೌಕರ್ಯವೇ ಇಲ್ಲದ ಅವೈಜ್ಞಾನಿಕವಾಗಿ ನಿರ್ಮಿಸಿರುವ ಜಟ್ಟಿಯಲ್ಲಿ ಅಕ್ರಮವಾಗಿ ಮೀನು ಖಾಲಿ ಮಾಡುತ್ತಿದ್ದಾರೆ.
ಇದರಿಂದ ಕೊಡೇರಿಯ ಜನ ಸಾಮಾನ್ಯರಿಗೆ ಸಮಸ್ಯೆಯಾಗುತ್ತಿದೆ. ಹಾಗಾಗಿ ಅಕ್ರಮವಾಗಿ ಮೀನು ಖಾಲಿ ಮಾಡಲು ಅವಕಾಶ ನೀಡಬಾರದು ಎಂದು ಕೊಡೇರಿ ಮೀನುಗಾರು ಆಗ್ರಹಿಸಿದ್ದಾರೆ.
ಬೈಂದೂರು ತಹಶೀಲ್ದಾರ್ ಸ್ಥಳಕ್ಕೆ ಭೇಟಿ ಪ್ರತಿಭಟನಾಕಾರರ ಬೇಡಿಕೆಗಳನ್ನು ಈಡೇರಿಸುವ ಭರವಸೆ ನೀಡಿದರು.
