ತಿರುವನಂತಪುರಂ: ಪ್ರಧಾನಿ ನರೇಂದ್ರ ಮೋದಿ ಅವರು ಕೇರಳದ ಮೊದಲ ವಂದೇ ಭಾರತ್ ಎಕ್ಸ್‌ಪ್ರೆಸ್ ಅನ್ನು ಏಪ್ರಿಲ್ 25 ರಂದು ಉದ್ಘಾಟಿಸಲಿದ್ದಾರೆ. ತಿರುವನಂತಪುರಂ ಮತ್ತು ಕಾಸರಗೋಡು ಮಧ್ಯೆ ಕೇರಳದ 11 ಜಿಲ್ಲೆಗಳ ನಡುವೆ ಸಂಚರಿಸಲಿದೆ. ಇದು ದೇಶದ 16ನೇ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಾಗಿದೆ.

ಕಾಸರಗೋಡು – ತಿರುವನಂತಪುರಂ ಸೆಂಟ್ರಲ್ ವಂದೇ ಭಾರತ್ ಎಕ್ಸ್‌ಪ್ರೆಸ್ ಕಾಸರಗೋಡು ಮತ್ತು ತಿರುವನಂತಪುರಂ ನಡುವೆ ಕಾರ್ಯನಿರ್ವಹಿಸಲಿದ್ದು, ಕೊಲ್ಲಂ, ಕೊಟ್ಟಾಯಂ, ಎರ್ನಾಕುಲಂ ಟೌನ್, ತ್ರಿಶೂರ್, ಶೋರನೂರು, ಕೋಝಿಕ್ಕೋಡ್, ಕಣ್ಣೂರು ಮತ್ತು ಕಾಸರಗೋಡುಗಳಲ್ಲಿ ನಿಲುಗಡೆಯಾಗಲಿದೆ.

ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲು ಸಂಖ್ಯೆ 20633/20634 ಕಾಸರಗೋಡು – ತಿರುವನಂತಪುರಂ ಸೆಂಟ್ರಲ್

ಗುರುವಾರ ಹೊರತುಪಡಿಸಿ ಏಪ್ರಿಲ್ 26 ರಂದು 14.30 ಗಂಟೆಗೆ ಕಾಸರಗೋಡಿನಿಂದ ಹೊರಡುತ್ತದೆ ಮತ್ತು ಅದೇ ದಿನ ತಿರುವನಂತಪುರಂ ಸೆಂಟ್ರಲ್ ಅನ್ನು 22.35 ಗಂಟೆಗೆ ತಲುಪುತ್ತದೆ.

ವಂದೇ ಭಾರತ್ ಎಕ್ಸ್‌ಪ್ರೆಸ್‌ ರೈಲು ಸಂಖ್ಯೆ 20634 ತಿರುವನಂತಪುರಂ ಸೆಂಟ್ರಲ್ – ಕಾಸರಗೋಡು

ಗುರುವಾರ ಹೊರತುಪಡಿಸಿ ತಿರುವನಂತಪುರಂ ಸೆಂಟ್ರಲ್‌ನಿಂದ ಏಪ್ರಿಲ್ 28 ರಂದು 05.20 ಗಂಟೆಗೆ ಹೊರಟು ಅದೇ ದಿನ 13.25 ಗಂಟೆಗೆ ಕಾಸರಗೋಡು ತಲುಪಲಿದೆ.

ಹೊಸ ವಂದೇ ಭಾರತ್ ಎಕ್ಸ್‌ಪ್ರೆಸ್‌ಗಾಗಿ ರಚಿಸಲಾದ ವೇಳಾಪಟ್ಟಿಯ ಪ್ರಕಾರ, ಇದು ಕಾಸರಗೋಡು ಮತ್ತು ತಿರುವನಂತಪುರಂ ಸೆಂಟ್ರಲ್ ನಡುವಿನ ಅಂತರವನ್ನು 8 ಗಂಟೆ 05 ನಿಮಿಷಗಳಲ್ಲಿ ಕ್ರಮಿಸುತ್ತದೆ, ಇದು ರಾಜಧಾನಿ ಎಕ್ಸ್‌ಪ್ರೆಸ್‌ಗಿಂತ ವೇಗವಾಗಿರುತ್ತದೆ.

ವಂದೇ ಭಾರತ್ ಎಕ್ಸ್‌ಪ್ರೆಸ್ ದರ:

ಕಾಸರಗೋಡಿನಿಂದ ತಿರುವನಂತಪುರಂ ಸೆಂಟ್ರಲ್ ನಡುವಿನ ವಂದೇ ಭಾರತ್ ಎಕ್ಸ್‌ಪ್ರೆಸ್ (ರೈಲು ಸಂಖ್ಯೆ- 20633) ದರ ರೂ 1520 ಆಗಿರುತ್ತದೆ, ಇದರಲ್ಲಿ ಅಡುಗೆ ಶುಲ್ಕ ರೂ 308 ಸೇರಿದೆ. ಎಕ್ಸಿಕ್ಯುಟಿವ್ ಕ್ಲಾಸ್‌ನಲ್ಲಿ ರೂ 2815, ಇದರಲ್ಲಿ ರೂ 369 ಊಟೋಪಚಾರ ಶುಲ್ಕಗಳು ಸೇರಿವೆ. ಊಟ ಬೇಡದಿದ್ದಲ್ಲಿ ಪ್ರಯಾಣಿಕರು ಅಡುಗೆ ಶುಲ್ಕ ನೀಡಬೇಕಾಗಿಲ್ಲ.

ತಿರುವನಂತಪುರಂ ಸೆಂಟ್ರಲ್‌ನಿಂದ ಕಾಸರಗೋಡಿಗೆ ರೈಲು ಸಂಖ್ಯೆ- 20634 ವಂದೇ ಭಾರತ್ ಎಕ್ಸ್‌ಪ್ರೆಸ್‌ನಲ್ಲಿ ಚೇರ್ ಕಾರ್‌ನಲ್ಲಿ ರೂ1590 ಮತ್ತು ಅಡುಗೆ ಶುಲ್ಕವಾಗಿ ರೂ 379 ಮತ್ತು ಎಕ್ಸಿಕ್ಯುಟಿವ್ ಕ್ಯಾಸ್‌ನಲ್ಲಿ ರೂ 2880 ಒಳಗೊಂಡಿದ್ದು, ರೂ 434 ಊಟೋಪಚಾರ ಶುಲ್ಕವನ್ನು ಒಳಗೊಂಡಿರುತ್ತದೆ.