ಕರ್ನಾಟಕದ ಪ್ರಮುಖ ಜಲಾಶಯಗಳಾದ ಆಲಮಟ್ಟಿ, ಹಿಡಕಲ್, ನಾರಾಯಣಪುರ, ಭದ್ರಾ, ತುಂಗಭದ್ರಾ, ಹಾರಂಗಿ ಭರ್ತಿಯಾಗಿವೆ. KRS, ಕಬಿನಿ, ಹೇಮಾವತಿ, ವಾಣಿವಿಲಾಸ ಸಾಗರ, ಮಲಪ್ರಭಾ ಜಲಾಶಯಗಳಲ್ಲಿ ನೀರಿನ ಮಟ್ಟ ಏರಿಕೆ.

ಬೆಂಗಳುರು: ಕರ್ನಾಟಕದಾದ್ಯಂತ (Karnataka) ವರುಣನ ಅಲೆ ಮುಂದುವರಿದಿದ್ದು, ರಾಜ್ಯದ ಜೀವನಾಡಿಯಾಗಿರುವ ಪ್ರಮುಖ ಜಲಾಶಯಗಳ (Reservoirs) ನೀರಿನ ಮಟ್ಟದಲ್ಲಿ (Water Level) ಭಾರೀ ಏರಿಕೆಯಾಗಿದೆ. ಉತ್ತರ ಕರ್ನಾಟಕದಿಂದ ದಕ್ಷಿಣ ಕರ್ನಾಟಕದವರೆಗೆ ಪ್ರಮುಖ ಅಣೆಕಟ್ಟುಗಳು (Dams) ಸಂಪೂರ್ಣ ಭರ್ತಿಯಾಗುವ ಹಂತ ತಲುಪಿದ್ದು, ರೈತರು ಹಾಗೂ ಸಾರ್ವಜನಿಕರಲ್ಲಿ ತೀವ್ರ ಕುತೂಹಲ ಮೂಡಿಸಿದೆ. ಯಾವ ಡ್ಯಾಮ್‍ನಲ್ಲಿ ಎಷ್ಟೆಷ್ಟು ನೀರಿದೆ ಎಂಬ ವರದಿ ಇಲ್ಲಿದೆ.

ಆಲಮಟ್ಟಿ ಮತ್ತು ಹಿಡಕಲ್ ಅಣೆಕಟ್ಟುಗಳು ಭರ್ತಿ

ಉತ್ತರ ಕರ್ನಾಟಕದ ಪ್ರಮುಖ ಜಲಾಶಯಗಳಾದ ಆಲಮಟ್ಟಿ ಮತ್ತು ಹಿಡಕಲ್ ಅಣೆಕಟ್ಟುಗಳು ಭರ್ತಿಯಾಗಿ ಪ್ರವಾಸಿಗರ ಕಣ್ಮನ ಸೆಳೆಯುತ್ತಿವೆ. ಆಲಮಟ್ಟಿ ಅಣೆಕಟ್ಟಿನ ಭರ್ತಿ ಪ್ರಮಾಣವು ಬರೋಬ್ಬರಿ ಶೇ. 99.79ರಷ್ಟನ್ನು ತಲುಪಿದ್ದರೆ, ಹಿಡಕಲ್ ಜಲಾಶಯವು ಶೇ. 99.80ರಷ್ಟು ಭರ್ತಿಯಾಗಿ ಗರಿಷ್ಠ ಮಟ್ಟದ ಅಂಚಿನಲ್ಲಿದೆ. ಇನ್ನು ನಾರಾಯಣಪುರ ಅಣೆಕಟ್ಟು ಕೂಡ ಶೇ. 99.72ರಷ್ಟು ಭರ್ತಿಯಾಗುವ ಮೂಲಕ ಅಚ್ಚರಿ ಮೂಡಿಸಿದೆ. ವಿಶೇಷವೆಂದರೆ, ಭೀಮಾ ಲಿಫ್ಟ್ ಯೋಜನೆಯು ಶೇ. 100ರಷ್ಟು ಭರ್ತಿಯಾಗಿ ಸಂಪೂರ್ಣ ಯಶಸ್ಸು ಕಂಡಿದೆ.