ಮಣಿಪಾಲ: ಬ್ಲ್ಯಾಕ್‌ಫ್ರಾಗ್ ಟೆಕ್ನಾಲಜೀಸ್ ಪ್ರೈ. ಲಿಮಿಟೆಡ್ ಮಣಿಪಾಲ ಮೂಲದ ರೋಗನಿರೋಧಕ ಪೂರೈಕೆ ಸರಪಳಿಗಳನ್ನು ಸುಧಾರಿಸಲು ಪೇಟೆಂಟ್ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುವ ಟೆಕ್ನಾಲಜಿ ಸ್ಟಾರ್ಟಪ್ ಕಂಪನಿಯಾಗಿದೆ. ಬ್ಲ್ಯಾಕ್‌ಫ್ರಾಗ್ ತನ್ನ ಲಸಿಕೆ ಸಾರಿಗೆ ವ್ಯವಸ್ಥೆಯನ್ನು ಭಾರತದ ನಾಲ್ಕೂ ಮೂಲೆಗಳಲ್ಲಿ ನಿಯೋಜಿಸಿದೆ. ಮತ್ತೀಗ ಸಾಗರೋತ್ತರ ಮಾರುಕಟ್ಟೆಗೆ ಲಸಿಕೆ ಸಾರಿಗೆ ವ್ಯವಸ್ಥೆಯನ್ನು ಪೂರೈಸಲು ಉತ್ಪಾದನೆಯನ್ನು ಮೇಲ್ಮಟ್ಟಕ್ಕೇರಿಸಲು ಸನ್ನದ್ಧವಾಗಿದೆ.
ವೈದ್ಯಕೀಯ ಸಾಧನಗಳ ಐ.ಎಸ್.ಒ 13485 ಮಾನದಂಡಗಳಿಗೆ ಅನುಗುಣವಾಗಿ ಕಂಪನಿಯು ತನ್ನ ಉತ್ಪಾದನಾ ಘಟಕವನ್ನು ಸ್ಥಾಪಿಸಿದೆ. ತಿಂಗಳಿಗೆ 1500 ಯೂನಿಟ್‌ಗಳವರೆಗೆ ವಿತರಣಾ ಸಾಮರ್ಥ್ಯವನ್ನು ಈ ಘಟಕವು ಹೊಂದಿದೆ.
ಡಾ. ರಂಜನ್ ಪೈ, ಅಧ್ಯಕ್ಷ- ಎಂಇಎಂಜಿ, ಬೆಂಗಳೂರು ಅವರು ಏಪ್ರಿಲ್ 29 ರಂದು ಸಂಜೆ 5 ಗಂಟೆಗೆ ಘಟಕವನ್ನು ಉದ್ಘಾಟಿಸಲಿದ್ದಾರೆ.
ಡಾ. ನೀತಾ ರಾವ್- ಹಿರಿಯ ಆರೋಗ್ಯ ಮುಖ್ಯಸ್ಥರು, ಯು.ಎಸ್.ಎ.ಐ.ಡಿ / ಭಾರತ, ಡಾ. ಮನೀಶ್ ದಿವಾನ್- ಮುಖ್ಯಸ್ಥರು, ಎಸ್.ಪಿ.ಇ.ಡಿ, ಬಿ.ಐ.ಆರ್.ಎ.ಸಿ, ಭಾರತ ಸರ್ಕಾರ, ಲೆಫ್ಟಿನೆಂಟ್ ಜನರಲ್ (ಡಾ.) ಎಮ್.ಡಿ. ವೆಂಕಟೇಶ್, ಉಪಕುಲಪತಿ, ಮಾಹೆ, ಡಾ. ಎಚ್.ಎಸ್. ಬಲ್ಲಾಳ್, ಪ್ರೊ ಚಾನ್ಸೆಲರ್, ಮಾಹೆ ಮತ್ತು ಸಿಡಿಆರ್. (ಡಾ.) ಅನಿಲ್ ರಾಣಾ, ನಿರ್ದೇಶಕರು, ಮಣಿಪಾಲ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮತ್ತಿತರರು ಭಾಗವಹಿಸಲಿದ್ದಾರೆ ಎಂದು ಮಾಹೆಯ ಪತ್ರಿಕಾ ಪ್ರಕಟನೆ ತಿಳಿಸಿದೆ.
