ಮೌಂಟ್ ಎವರೆಸ್ಟ್‌ಗಿಂತಲೂ ದೊಡ್ಡದಾದ “ಡೆವಿಲ್ ಕಾಮೆಟ್” ಎಂಬ ಅಡ್ಡಹೆಸರಿನ ಬೃಹತ್ ಧೂಮಕೇತು ಭೂಮಿಯತ್ತ ಧಾವಿಸುತ್ತಿದೆ. ಅಧಿಕೃತವಾಗಿ 12P/Pons–Brooks ಎಂದು ಕರೆಯಲ್ಪಡುವ ಈ ಆಕಾಶಕಾಯವು 71 ವರ್ಷಗಳ ಕಕ್ಷೆಯ ಅವಧಿಯನ್ನು ಹೊಂದಿರುವ ಆವರ್ತಕ ಧೂಮಕೇತುವಾಗಿದೆ. ವರ್ಷವಿಡೀ, ಧೂಮಕೇತು 12P ಆಕಾಶದ ಘಟನೆಗಳ ಅದ್ಭುತ ಪ್ರದರ್ಶನದಲ್ಲಿ ಆಕಾಶದಾದ್ಯಂತ ಪ್ರಜ್ವಲಿಸಿದೆ.

ಇದು ಪ್ರತಿ 15 ದಿನಗಳಿಗೊಮ್ಮೆ ಜ್ವಾಲಾಮುಖಿ ಸ್ಫೋಟಗಳ ರೂಪದಲ್ಲಿ ಭಯಂಕರವಾಗಿ ಸ್ಫೋಟಗೊಂಡು ಮಂಜುಗಡ್ಡೆ ಮತ್ತು ಅನಿಲವನ್ನು ಹೊರಹಾಕುತ್ತದೆ. ಈ ನಿಯಮಿತ ಸ್ಫೋಟಗಳು ಧೂಮಕೇತುವಿಗೆ ಅನಿಯಮಿತ ಆಕಾರವನ್ನು ನೀಡುತ್ತವೆ ಮತ್ತಿದು ದೆವ್ವದ ಕೊಂಬುಗಳನ್ನು ಹೊಂದಿರುವ ನೋಟವನ್ನು ನೀಡುತ್ತದೆ. ಈ ಕಾರಣದಿಂದ ಇದಕ್ಕೆ ಡೆವಿಲ್ ಕಾಮೆಟ್ ಎಂದು ಹೆಸರಿಸಲಾಗಿದೆ.

ಇದನ್ನು 1812 ರಲ್ಲಿ ಜೀನ್-ಲೂಯಿಸ್ ಪೊನ್ಸ್ ವಿಲಿಯಂ ರಾಬರ್ಟ್ ಬ್ರೂಕ್ಸ್ ಕಂಡುಹಿಡಿದ್ದರು. ಇದು ಪ್ರಕಾಶಮಾನವಾದ ಧೂಮಕೇತುಗಳಲ್ಲಿ ಒಂದಾಗಿದೆ. ತಜ್ಞರು ಅಂತಿಮವಾಗಿ ಅದರ ಸ್ಫೋಟಗಳ ಮಾದರಿಯನ್ನು ಗುರುತಿಸಿದ್ದಾರೆ ಮತ್ತು ಅದರ ಮುಂದಿನ ಸ್ಫೋಟವು ಡಿಸೆಂಬರ್ 29 ಅಥವಾ 30 ರ ಸುಮಾರಿಗೆ ನಡೆಯಲಿದೆ ಎಂದು ಊಹಿಸಿದ್ದಾರೆ. ಇದುವರೆಗೆ ಈ ಧೂಮಕೇತು ಮೂರು ಬಾರಿ ಸ್ಪೋಟಗೊಂಡಿದೆ. ಜ್ವಾಲಾಮುಖಿಯಂತ ಸ್ಪೋಟ ಹೊಂದಿರುವ ಧೂಮಕೇತುವನ್ನು ಶೀತ ಜವಾಲಾಮುಖಿ ಎಂದೂ ಕರೆಯುತ್ತಾರೆ.

ಧೂಮಕೇತು ಭೂಮಿಯನ್ನು ಹಾಯುವ ಮಾರ್ಗವು ಏಪ್ರಿಲ್ 21, 2024 ಆಗಿದೆ. ಇದು ಜೂನ್ 2, 2024 ರಂದು ತನ್ನ ಹತ್ತಿರದಲ್ಲಿ ಹಾದುಹೋದಾಗ ಅದು ಬರಿಗಣ್ಣಿಗೆ ಗೋಚರಿಸುತ್ತದೆ. 18.6-ಮೈಲಿ-ಅಗಲದ ಬಾಹ್ಯಾಕಾಶ ಶಿಲೆಯು 20 ಮತ್ತು 200 ವರ್ಷಗಳ ನಡುವಿನ ಕಕ್ಷೆಯ ಅವಧಿಯನ್ನು ಹೊಂದಿರುವ ಹ್ಯಾಲಿ-ಮಾದರಿಯ ಧೂಮಕೇತುವಿನ ವರ್ಗಕ್ಕೆ ಸೇರುತ್ತದೆ.