ಭರ್ಗ ಸಿನಿಮಾಸ್ ಪ್ರಸ್ತುತ ಪಡಿಸುವ ದೈವಂ ಶರಣಂ ಗಚ್ಛಾಮಿ ಚಿತ್ರದ ಅಫೀಷಿಯಲ್ ವೀಡಿಯೋ ನಾಳೆ (ಜು.28) ಸಂಜೆ 4 ಗಂಟೆಗೆ ಯೂಟ್ಯೂಬ್ ನಲ್ಲಿ ಬಿಡುಗಡೆಯಾಗಲಿದೆ.

ಕನ್ನಡದ ಸಿನೆಮಾಗಳಾದ ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ, ಚಮಕ್ ಮತ್ತು ಬಜಾರ್ ನಂತಹ ಸೂಪರ್ ಹಿಟ್ ನಿರ್ದೇಕ ಸಿಂಪಲ್ ಸುನಿ, ‘ದೈವಂ ಶರಣಂ ಗಚ್ಛಾಮಿ’ ಚಿತ್ರವನ್ನು ನೋಡಿ ಮೆಚ್ಚಿಕೊಂಡು ಶುಭ ಹಾರೈಸಿದ್ದಾರೆ.

ವಿಜಯ್ ಮಂಜುನಾಥ್ ನಿರ್ದೇಶನ, ಸಹ ನಿರ್ದೇಶಕರಾಗಿ ರಾಜ್ ಕನಕ, ಡಿಒಪಿ ಮತ್ತು ಸಂಕಲನ ಸುಮಂತ್ ಆಚಾರ್ಯ, ಲೋಕಿ ತವಸ್ಯ ಸಂಗೀತ ಚಿತ್ರಕ್ಕಿದೆ.

ತಾರಾಗಣದಲ್ಲಿ ಪ್ರತೀಕ್ ಶೆಟ್ಟಿ, ರಘು ಪಾಂಡೇಶ್ವರ, ಪುಷ್ಪರಾಜ್ ಬೋಳಾರ್, ಪ್ರತಿಮಾ ನಾಯಕ್, ಚೈತ್ರ, ಹರೀಶ್ ಭಟ್, ಗಣೇಶ್ ಶಶಾಂಕ್ ಮುಂತಾದವರಿದ್ದಾರೆ.

ತುಳುನಾಡಿನ ದೈವಕ್ಕೆ ಸಂಬಂಧಪಟ್ಟ ಕಥಾ ಹಂದರವನ್ನು ಚಿತ್ರವು ಹೊಂದಿದೆ. ಹೊಸ ಮುಖಗಳಿಂದ ಕೂಡಿದ ಚಿತ್ರದ ಟೀಸರ್ ಕುತೂಹಲ ಹುಟ್ಟಿಸುತ್ತಿದೆ.