ನವದೆಹಲಿ: ಕಜಕಿಸ್ತಾನದ ನೂರ್-ಸುಲ್ತಾನ್‌ನಲ್ಲಿ ನಡೆಯುತ್ತಿರುವ ಎಲೋರ್ಡಾ ಕಪ್‌ನಲ್ಲಿ ಹಾಲಿ ಯುವ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ ಅಲ್ಫಿಯಾ ಪಠಾಣ್ ಮತ್ತು ಗಿತಿಕಾ ಚಿನ್ನದ ಪದಕ ಗೆದ್ದಿದ್ದಾರೆ. ಭಾರತದ ಇತರ ಇಬ್ಬರು ಮಹಿಳಾ ಬಾಕ್ಸರ್‌ಗಳಾದ ಕಲೈವಾಣಿ ಶ್ರೀನಿವಾಸನ್ ಮತ್ತು ಜಮುನಾ ಬೋರೊ ಬೆಳ್ಳಿ ಪದಕ ಗೆದ್ದಿದ್ದಾರೆ.

ಮಹಿಳೆಯರ 81-ಕಿಲೋಗ್ರಾಂ ಫೈನಲ್‌ನಲ್ಲಿ, ಅಲ್ಫಿಯಾ 2016 ರ ವಿಶ್ವ ಚಾಂಪಿಯನ್ ಮತ್ತು ಪ್ರಶಸ್ತಿಗಾಗಿ ಪ್ರಬಲ ಸ್ಪರ್ಧಿ ಲಜ್ಜತ್ ಕುಂಗೆಬಾಯೆವಾ ಅವರನ್ನು 5-0 ಅಂತರದಿಂದ ಸೋಲಿಸಿದ್ದಾರೆ. ಅಖಿಲ ಭಾರತೀಯ ಮಹಿಳೆಯರ 48 ಕೆಜಿ ಫೈನಲ್‌ನಲ್ಲಿ ಗೀತಿಕಾ ದೇಶವಾಸಿ ಕಲೈವಾಣಿ ವಿರುದ್ಧ 4-1 ರೋಚಕ ಗೆಲುವು ಸಾಧಿಸಿದ್ದಾರೆ.

ಏತನ್ಮಧ್ಯೆ, 2019 ರ ವಿಶ್ವ ಚಾಂಪಿಯನ್‌ಶಿಪ್‌ನ ಕಂಚಿನ ಪದಕ ವಿಜೇತೆ ಜಮುನಾ ಅವರು ಉಜ್ಬೇಕಿಸ್ತಾನ್‌ನ ನಿಜಿನಾ ಉಕ್ತಮೋವಾ ವಿರುದ್ಧ ಸೆಣಸಾಡಿದರೂ 54-ಕೆಜಿ ಫೈನಲ್‌ನಲ್ಲಿ 0-5 ಸೋಲಿನೊಂದಿಗೆ ಪಂದ್ಯ ಕೊನೆಗೊಳಿಸಿದ್ದಾರೆ.

ಪಂದ್ಯದ ಅಂತಿಮ ದಿನದಂದು ಎರಡು ಚಿನ್ನ, ಎರಡು ಬೆಳ್ಳಿ ಮತ್ತು 10 ಕಂಚಿನ ಪದಕಗಳೊಂದಿಗೆ, 33 ಸದಸ್ಯರ ಭಾರತೀಯ ತಂಡವು ಒಟ್ಟಾರೆ 14 ಪದಕಗಳೊಂದಿಗೆ ತನ್ನ ಅಭಿಯಾನವನ್ನು ಮುಕ್ತಾಯಗೊಳಿಸಿದೆ. ಯುವ ಆಟಗಾರರಾದ ಅಲ್ಫಿಯಾ ಮತ್ತು ಗಿತಿಕಾ ಇಬ್ಬರಿಗೂ ಇದು ಚೊಚ್ಚಲ ಹಿರಿಯ ಅಂತರರಾಷ್ಟ್ರೀಯ ಪಂದ್ಯವಾಗಿತ್ತು.