ಕಾರ್ಕಳ: ಇಲ್ಲಿನ ಅತ್ತೂರು ಬಸಿಲಿಕಾ ಚರ್ಚ್ ನಲ್ಲಿ ವಾರ್ಷಿಕ ಮಹೋತ್ಸವವು ಜ. ೨೨ ರಂದು ಆರಂಭಗೊಂಡಿತು. ಬಲಿಪೂಜೆ ನೆರವೇರಿಸಿ ಮಾತನಾಡಿದ ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ರೆ.ಡಾ. ಜೆರಾಲ್ಡ್ ಲೋಬೋ ಮಾತನಾಡಿ ದೇವರ ವಾಕ್ಯವನ್ನು ಆಲಿಸಿ ಅದನ್ನು ಧ್ಯಾನಿಸಿ ಜೀವನದಲ್ಲಿ ಪಾಲಿಸಿದಾಗ ಸದ್ಗುಣಗಳ ಫಲ ದೊರಕುತ್ತದೆ ಎಂದರು.

ಶಿವಮೊಗ್ಗ ಧರ್ಮ ಪ್ರಾಂತ್ಯದ ಧರ್ಮಗುರು ವಂ. ಸ್ವಾಮಿ ಪಿಯುಶ್ ಡಿ’ಸೋಜಾ ಮಕ್ಕಳಿಗಾಗಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.

ಅತ್ತೂರು ಬಸಿಲಿಕಾದ ಪ್ರಧಾನ ಧರ್ಮಗುರು ವಂ. ಅಲ್ಬನ್ ಡಿ’ಸೋಜಾ ಸಂತ ಲಾರೆನ್ಸರ ಪವಿತ್ರ ಅವಶೇಷವನ್ನು ಮೆರವಣಿಗೆಯಲ್ಲಿ ಕೊಂಡೊಯ್ದು ಸಾವಜನಿಕರ ದರ್ಶನಕ್ಕಾಗಿ ಮಂಟಪದಲ್ಲಿ ಪ್ರತಿಷ್ಠಾಪಿಸಿ ವಾರ್ಷಿಕ ಮಹೋತ್ಸವ ಕ್ಕೆ ಚಾಲನೆ ನೀಡಿದರು.

ವಂ.ಲಿಯೋ ಲಸ್ರಾದೋ, ವಂ. ರೋಕ್ ಡಿ’ಸೋಜಾ, ವಂ. ಆಂಡ್ರು ಡಿ’ಸೋಜಾ, ವಂ.ಚಾರ್ಲ್ಸ್ ಮಿನೇಜಸ್ ಬಲಿಪೂಜೆಯನ್ನು ನೆರವೇರಿಸಿದರು. ಕನ್ನಡ ಬಲಿಪೂಜೆಯನ್ನು ವಂ.ಮ್ಯಾಕ್ಸಿಮ್ ಮಿಸ್ಕಿತ್ ನಡೆಸಿಕೊಟ್ಟರು.