ಉಡುಪಿ: ದೊಡ್ಡಣ್ಣಗುಡ್ಡೆ ಶ್ರೀಚಕ್ರ ಪೀಠ ಸುರಪೂಜಿತೆ ಶ್ರೀ ದುರ್ಗಾ ಆದಿಶಕ್ತಿ ಕಾರಣಿಕ ಕ್ಷೇತ್ರದ ಆವರಣದಲ್ಲಿ ಪ್ರಾರಂಭಗೊಂಡಿರುವ ಪ್ರಜ್ಞ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ವನಮಹೋತ್ಸವ ದಿನಾಚರಣೆಯನ್ನು ಆಚರಿಸಲಾಯಿತು.
ಶಾಲಾ ಸಂಸ್ಥಾಪಕರಾದ ಶ್ರೀ ಗುರೂಜಿಯವರ ಅಧ್ಯಕ್ಷತೆಯಲ್ಲಿ ನಡೆದ ಸಮಾರಂಭದಲ್ಲಿ ಶಾಲಾ ಪ್ರಾಂಶುಪಾಲೆ ಶ್ರೀಮತಿ ಉಷಾ ರಮಾನಂದ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಶಾಲಾ ಆವರಣದಲ್ಲಿ ಗಿಡಗಳನ್ನು ನೆಡುವ ಮೂಲಕ ಪ್ರತಿ ವರ್ಷ ವನಮಹೋತ್ಸವವನ್ನು ಆಚರಿಸಲಾಗುತ್ತಿದ್ದು ಈ ಬಾರಿ ವಿಶೇಷವಾಗಿ ವಾತಾವರಣವನ್ನು ಶುದ್ಧಗೊಳಿಸುವ ವಿಶೇಷ ಸಸಿಗಳನ್ನು ನೆಡಲಾಯಿತು.
ಶಾಲಾ ವಿದ್ಯಾರ್ಥಿಗಳಲ್ಲಿ
ಹಸಿರೇ ಉಸಿರು ಎಂಬ ವಿಷಯದ ಬಗ್ಗೆ ಮನವರಿಕೆ ಮಾಡಿಕೊಡಲಾಯಿತು.
ಶಾಲಾ ಕೋ ಆರ್ಡಿನೇಟರ್ ಶ್ರೀಮತಿ ಕುಸುಮ ನಾಗರಾಜ್ ದೈಹಿಕ ಶಿಕ್ಷಕ ರಾಘವೇಂದ್ರ ಯು ಶಾಲಾ ಪರಿವೀಕ್ಷಕಿ ಕುಮಾರಿ ಸ್ವಾತಿ ಶಿಕ್ಷಕಿಯರಾದ ಸುಚಿತ್ರ ಪೂರ್ಣಿಮಾ ತೀರ್ಥಕಲಾ ರೇವತಿ ತ್ರಿವೇಣಿ
ಸಹಾಯಕಿ ಪುಷ್ಪಾ ದಿನೇಶ್ ಕಾಷ್ಟ ಶಿಲ್ಪಿ ಜಗದೀಶ ಆಚಾರ್ಯ ಅನಿಶ್ ಆಚಾರ್ಯ ಉದ್ಯಮಿ ಆನಂದಬಾಯರಿ ಉಪಸ್ಥಿತರಿದ್ದರು.
ಶಾಲೆಯ ಎಲ್ಲಾ ವಿದ್ಯಾರ್ಥಿಗಳು ಗಿಡವನ್ನು ನೆಟ್ಟು ಸಂಭ್ರಮಿಸಿದರು ಮಾತ್ರವಲ್ಲದೆ ಅವುಗಳ ಪೋಷಣೆಯ ಜವಾಬ್ದಾರಿಯನ್ನು ತೆಗೆದುಕೊಂಡರು ಎಂದು ಶಾಲಾ ಪರಿವೀಕ್ಷಕಿ ಸ್ವಾತಿ ಆಚಾರ್ಯ ತಿಳಿಸಿದ್ದಾರೆ.
