ದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಭಯೋತ್ಪಾದನೆಯನ್ನು, ವಿಶೇಷವಾಗಿ ಗಡಿಯಾಚೆಗಿನ ಆಕ್ರಾಮಕ ಸ್ವಭಾವವನ್ನು ಸಾಮಾನ್ಯವೆಂದು ಎಂದಿಗೂ ಪರಿಗಣಿಸುವುದಿಲ್ಲವೆಂದು ‘ಸ್ಫಟಿಕದಷ್ಟು ಸ್ಪಷ್ಟವಾಗಿ’ ಹೇಳಿದ್ದಾರೆ. ಈ ನಿರ್ಣಯವು 2014 ರಿಂದ ಈಚೆಗೆ ಪಾಕಿಸ್ತಾನದ ಬಗ್ಗೆ ಭಾರತದ ನೀತಿಯನ್ನು ರೂಪಿಸಿದೆ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಹೇಳಿದ್ದಾರೆ.
“ಮೋದಿ@20: ಡ್ರೀಮ್ಸ್ ಮೀಟ್ ಡೆಲಿವರಿ” ಪುಸ್ತಕದಲ್ಲಿ ಈ ಬಗ್ಗೆ ಬರೆದಿರುವ ಜೈಶಂಕರ್, 2015 ರಲ್ಲಿ ವಿದೇಶಾಂಗ ಕಾರ್ಯದರ್ಶಿಯಾದ ನಂತರ ತಮ್ಮ ‘ಸಾರ್ಕ್ ಯಾತ್ರೆ’ಗೆ ಸಿದ್ಧವಾಗುತ್ತಿರುವಾಗ, ಮೋದಿ ನೀಡಿದ ಸೂಚನೆಗಳನ್ನು ನೆನಪಿಸಿಕೊಂಡಿದ್ದಾರೆ.
“ನನ್ನ ಅನುಭವ ಮತ್ತು ತೀರ್ಪಿನಲ್ಲಿ ಅವರಿಗೆ ಹೆಚ್ಚಿನ ವಿಶ್ವಾಸವಿದೆ ಎಂದು ಪ್ರಧಾನಿ ನನಗೆ ಹೇಳಿದರು, ಆದರೆ ನಾನು ಇಸ್ಲಾಮಾಬಾದ್‌ಗೆ ಬಂದಾಗ ನಾನು ಒಂದು ವಿಷಯವನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು. ಅವರು ಹಿಂದಿನವರಿಗಿಂತ(ಪೂರ್ವ ಪ್ರಧಾನಿಗಳು) ಭಿನ್ನ ಮತ್ತು ಭಯೋತ್ಪಾದನೆಯನ್ನು ಕಡೆಗಣಿಸುವುದಿಲ್ಲ ಅಥವಾ ಸಹಿಸುವುದಿಲ್ಲ. ಈ ವಿಷಯದಲ್ಲಿ ಯಾವುದೇ ಅಸ್ಪಷ್ಟತೆ ಇರಬಾರದು, ”ಎಂದು ಅವರು ಹೇಳಿದ್ದರು ಎಂದು ಜೈಶಂಕರ್ ನೆನಪಿಸಿಕೊಂಡರು.
ಚೀನಾವನ್ನು ಒಳಗೊಂಡ ಗಡಿ ವಿವಾದವನ್ನು ನಿಭಾಯಿಸುವಲ್ಲಿ, ಅಗತ್ಯವಾದ ತಾಳ್ಮೆಯನ್ನು ಪ್ರಧಾನಿ ಪ್ರದರ್ಶಿಸಿದ್ದಾರೆ ಮತ್ತು ಎಲ್.ಎ.ಸಿ ಯನ್ನು ಏಕಪಕ್ಷೀಯವಾಗಿ ಬದಲಾಯಿಸಲು ಅನುಮತಿಸದಂತಹ ಉಕ್ಕಿನ ಸಂಕಲ್ಪವನ್ನು ಇದು ಹೊಂದಿದೆ ಎಂದು ಜೈಶಂಕರ್ ಪುಸ್ತಕದಲ್ಲಿ ಬರೆದಿದ್ದಾರೆ.
