ಮಣಿಪಾಲ: ಮಹಿಳೆಯೊಂದಿಗೆ ಟೆಂಪೋ ಚಾಲಕನೋರ್ವ ಅಸಭ್ಯ ರೀತಿಯಲ್ಲಿ ವರ್ತಿಸಿದ ಘಟನೆ ಹಿರೇಬೆಟ್ಟು-ಮರ್ಣೆಯ ಅಣೆಕಟ್ಟು ಬಳಿ ನಡೆದಿದೆ.

‘ಟೆಂಪೋ ಚಾಲಕ ಉಮೇಶ್ ನಾಯಕ್ ಎಂಬಾತ ನನ್ನ ಬಳಿ ಅಸಭ್ಯ ರೀತಿಯಲ್ಲಿ ನಡೆದುಕೊಂಡಿದ್ದಾನೆ’ ಎಂದು ಆರೋಪಿಸಿ ಮರ್ಣೆ ಗ್ರಾಮದ ರೂಪಾ ಶ್ಯಾಮ ಶೆಟ್ಟಿ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ರೂಪಾ ಶ್ಯಾಮ ಶೆಟ್ಟಿ ಅ.18 ರಂದು ಸಂಜೆ ವೇಳೆ ಕೆಲಸ ಮುಗಿಸಿಕೊಂಡು ಹಿರೇಬೆಟ್ಟು ಮಾರ್ಗದ ಮೂಲಕ ಮರ್ಣೆ ಗ್ರಾಮದಲ್ಲಿರುವ ಮನೆಗೆ ನಡೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ಹಿರೇಬೆಟ್ಟು-ಮರ್ಣೆಯ ಅಣೆಕಟ್ಟಿನ ಬಳಿ ಟೆಂಪೋ ಚಾಲಕ ಉಮೇಶ್ ನಾಯಕ್, ‘ನಿನ್ನ ಬಳಿ ಮಾತನಾಡಬೇಕು. ಸ್ವಲ್ಪ ನಿಲ್ಲು ಎಂದು ಹೇಳಿದ್ದಾನೆ’. ಆಗ ರೂಪಾ ಅವರು ಭಯದಿಂದ ಮುಂದೆ ಹೋಗಿದ್ದು ಆಗ ಆತನು ಹಿಂಬಾಲಿಸಿಕೊಂಡು ಬಂದು ರೂಪಾರವರನ್ನು ಅಡ್ಡಗಟ್ಟಿ ಮೈಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.