ಮಲ್ಪೆ: ಮಲ್ಪೆಯ ‘ವರ’ ಎಂಬ ಬೋಟ್ ನಲ್ಲಿ ಮೀನುಗಾರಿಕೆ ಕೆಲಸ ಮಾಡಿಕೊಂಡಿದ್ದ ಸಂದೇಶ ವಿಠಲ ಡೊಬ್ರೆ (33) ಎಂಬ ವ್ಯಕ್ತಿ ಅ. 25ರ ಬೆಳಿಗ್ಗೆ 6.30ರಿಂದ ಕಾಣೆಯಾಗಿದ್ದಾರೆ.

ಅ. 24ರಂದು ಬೆಳಿಗ್ಗೆ ಮಲ್ಪೆ ಬಂದರಿನ ದಕ್ಕೆಯಲ್ಲಿ ಮೀನು ಖಾಲಿ ಮಾಡಿ ಬೋಟಿಗೆ ಐಸ್ ತುಂಬಿಸಿ ಸಂದೇಶ ವಿಠಲ ಡೊಬ್ರೆ ಹಾಗೂ ಇತರ ಮೀನುಗಾರರು ರಾತ್ರಿ 11 ಗಂಟೆಗೆ ಊಟ ಮಾಡಿ ಬೋಟಿನಲ್ಲಿ ಮಲಗಿದ್ದರು. ಆದರೆ ಅ. 25ರಂದು ಬೆಳಿಗ್ಗೆ 6.30ಕ್ಕೆ ಬೋಟ್ ಕೆಲಸ ಮಾಡಿಕೊಂಡಿದ್ದ ಕುಮುಟ ನಿವಾಸಿ ವಿನಾಯಕ  ಬಾಬಯ್ಯ ಹರಿಕಾಂತ ಎದ್ದು ನೋಡುವಾಗ ಸಂದೇಶ ವಿಠಲ ಡೊಬ್ರೆ ಬೋಟಿನಲ್ಲಿ ಇರಲಿಲ್ಲ.

ಎಲ್ಲಾ ಕಡೆ ಹುಡುಕಾಡಿದರೂ ಅವರು ಪತ್ತೆಯಾಗಿರುವುದಿಲ್ಲ. ಹಾಗಾಗಿ ಅ.24ರ ರಾತ್ರಿಯಿಂದ ಅ. 25ರ ಬೆಳಿಗ್ಗಿನ ಮಧ್ಯಾವಧಿಯಲ್ಲಿ ಡೊಬ್ರೆ ಬೋಟಿನಿಂದ ಆಕಸ್ಮಿಕವಾಗಿ ದಕ್ಕೆಯ ನೀರಿಗೆ ಬಿದ್ದಿರಬಹುದು ಅಥವಾ ಹೊರಗಡೆ ಹೋಗಿರಬಹುದು ಎಂದು ಊಹಿಸಲಾಗಿದೆ. ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.