ಬೆಂಗಳೂರು: ಎಷ್ಟೋ ವಿದ್ಯಾರ್ಥಿಗಳಿಗೆ, ಯುವಕರಿಗೆ ನಾನೂ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಓದಬೇಕು ಅನ್ನೋ ಕನಸು ಸಾಮಾನ್ಯವಾಗಿರುತ್ತದೆ. ಆದರೆ ಕುಟುಂಬ, ಆರ್ಥಿಕ ಪರಿಸ್ಥಿತಿ ಇದಕ್ಕೆ ಪೂರಕವಾಗಿರುವುದಿಲ್ಲ. ಈ ದೃಷ್ಟಿಯಲ್ಲಿ ಕರ್ನಾಟಕದ ಬಡ ಹೆಣ್ಣುಮಕ್ಕಳಿಗೆಂದೇ ಸ್ಪರ್ಶ ಟ್ರಸ್ಟ್ UPSC, KAS ಹಾಗೂ CA ತರಬೇತಿ ಪಡೆಯಲು ಅಪರೂಪದ ಅವಕಾಶ ಒದಗಿಸಿದೆ. “ಯುವಿಕಾ” ಯೋಜನೆಯಡಿ 3 ವರ್ಷಗಳ ಕಾಲ ಸಂಪೂರ್ಣ ಉಚಿತ ಕೋಚಿಂಗ್, ಊಟ ಮತ್ತು ವಸತಿ ಸೌಲಭ್ಯ ನೀಡಲಾಗುತ್ತಿದೆ.
ಇವರಿಗಿದೆ ಅವಕಾಶ
ಈ ಯೋಜನೆ ಹೆಣ್ಣುಮಕ್ಕಳಿಗೆ ಮಾತ್ರ ಲಭ್ಯವಿದ್ದು,
- ತಂದೆ-ತಾಯಿ ಇಲ್ಲದವರು
- ಏಕ ಪೋಷಕರ ಕುಟುಂಬದವರು
- CCI (ಪಾಲನಾ ಗೃಹ)ಗಳಲ್ಲಿ ಬೆಳೆದವರು
- BPL ಕುಟುಂಬದವರಿಗೆ ಅವಕಾಶವಿದೆ.
21 – 27 ವರ್ಷದ ಹೆನ್ಣುಮಕ್ಕಳು ಅರ್ಜಿ ಸಲ್ಲಿಸಬಹುದಾಗಿದ್ದು, 40 – 50 ಸೀಟುಗಳು ಲಭ್ಯವಿದೆ.
ಉಚಿತ ತರಬೇತಿ ವಿಶೇಷತೆಗಳು
- 3 ವರ್ಷಗಳ ಸಂಪೂರ್ಣ ಕೋಚಿಂಗ್
- ಆನ್ಲೈನ್ + ನೇರ ತರಗತಿಗಳು
- 24 ಗಂಟೆಗಳ ಅಧ್ಯಯನ ವಾತಾವರಣ
- ಉಚಿತ ವಸತಿ ಮತ್ತು ಊಟ
- ಉದ್ಯೋಗ ಸಿಗುವವರೆಗೆ ಬೆಂಬಲ
ಇಂಡಿಯಾ ಫರ್ ಐಎಎಸ್ India4IAS ಸಂಸ್ಥೆಯ ಸಹಯೋಗದೊಂದಿಗೆ ಈ ತರಬೇತಿ ನಡೆಯಲಿದ್ದು, ಮೇ 15, 2026 ರಿಂದ ತರಗತಿಗಳು ಆರಂಭವಾಗುತ್ತವೆ. www.sparsha.org ವೆಬ್ ಸೈಟ್ ಮೂಲಕ ಆನ್ ಲೈನ್ ನಲ್ಲಿ ಅರ್ಜಿ ಸಲ್ಲಿಸಲು ಅವಕಾಶವಿದೆ. ಸಂಪರ್ಕ ಸಂಖ್ಯೆ 86600 96834, 82965 26507, 84314 71590
ಅರ್ಹರಾಗಿದ್ದರೆ ತಕ್ಷಣ ಅರ್ಜಿ ಹಾಕಿ. ಸೀಟುಗಳು ಕಡಿಮೆ ಇರುವುದರಿಂದ ಅವಕಾಶ ಕೈಚೆಲ್ಲಬೇಡಿ!

















