ಇರಾನ್ ದೇಶದ ವಿರುದ್ಧ ಜಾಗತಿಕ ಮಟ್ಟದಲ್ಲಿ ಅಮೇರಿಕಾ ಹಾಗೂ ಇಸ್ರೇಲ್ ನಡೆಸುತ್ತಿರುವ ಯುದ್ಧ ಇರಾನ್ ಅಧ್ಯಕ್ಷರ ಈ ಒಂದು ನಿರ್ಧಾರದಿಂದ ಆತಂಕಕ್ಕೀಡುಮಾಡಿದ್ದು, ಜಗತ್ತಿನ ಉಳಿವು-ಅಳಿವಿನ ಪ್ರಶ್ನೆ ಎದುರಾಗಿದೆ. ಟ್ರಂಪ್ ನೀಡಿದ್ದ ಗಡುವು ಮುಗಿಯುತ್ತಾ ಬಂದಂತೆ ಇರಾನ್ ಅಧ್ಯಕ್ಷ ಅಪಾಯಕಾರಿ ನಿಲುವು ತಾಳಿದ್ದಾರೆ.

ಪ್ರಾಣ ತ್ಯಾಗಕ್ಕೆ ಸಿದ್ಧ ಎಂದ ಇರಾನ್ ಅಧ್ಯಕ್ಷ

 “ನಾನು ಸೇರಿದಂತೆ 14 ಮಿಲಿಯನ್‌ಗಿಂತ ಹೆಚ್ಚು ಇರಾನಿಯನ್ನರು ದೇಶಕ್ಕಾಗಿ ಪ್ರಾಣ ತ್ಯಾಗ ಮಾಡಲು ಸಿದ್ಧರಿದ್ದೇವೆ, 14 ಮಿಲಿಯನ್‌ಗಿಂತ ಹೆಚ್ಚು ಹೆಮ್ಮೆಯ ಇರಾನಿಯನ್ನರು ಇರಾನ್ ರಕ್ಷಣೆಗಾಗಿ ತಮ್ಮ ಪ್ರಾಣವನ್ನು ತ್ಯಾಗ ಮಾಡಲು ಸಿದ್ಧರಿದ್ದೇವೆ ಎಂದು ಘೋಷಿಸಿದ್ದಾರೆ. ನಾನೂ ಕೂಡ ಇರಾನ್‌ಗಾಗಿ ತ್ಯಾಗ ಮಾಡಿದ್ದೇನೆ, ಮಾಡುತ್ತಿರುತ್ತೇನೆ” ಎಂದು ಇರಾನ್ ಅಧ್ಯಕ್ಷ ಮಸೌದ್ ಪೆಜೆಶ್ಕಿಯಾನ್ ಹೇಳಿದ್ದಾರೆ. ಇದು ಇರಾನ್ ಜನರಲ್ಲಿ ತುಂಬಾ ದೊಡ್ಡ ಉತ್ಸಾಹ ಮತ್ತು ಬದ್ಧತೆಯನ್ನು ತೋರಿಸುತ್ತದೆ. ಇರಾನ್‌ನಲ್ಲಿ ಸುಮಾರು 90 ಮಿಲಿಯನ್ ಜನಸಂಖ್ಯೆ ಇದೆ. ಅದರಲ್ಲಿ 14 ಮಿಲಿಯನ್ ಜನರು ತಾವು ದೇಶಕ್ಕಾಗಿ ಜೀವ ತ್ಯಾಗ ಮಾಡಲು ಸ್ವಯಂಪ್ರೇರಿತರಾಗಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ ಎಂದು ಅಧ್ಯಕ್ಷರು ಘೋಷಿಸಿದ್ದಾರೆ.