ಹುಡುಗಿಯರು ಕೇವಲ ಸುಂದರ, ಆಕರ್ಷಕವಾಗಿರುವ ಹುಡುಗನನ್ನು ಮಾತ್ರ ಇಷ್ಟಪಡ್ತಾರೆ ಅನ್ನೋ ಯೋಚ್ನೆ ಖಂಡಿತಾ ತಪ್ಪು. ಹಾಗಾಗಿ ನೀವು ನಾನು ನೋಡಲು ಚೆನ್ನಾಗಿಲ್ಲ ಎಂದು ಚಿಂತಿಸಬೇಕಿಲ್ಲ. ಹುಡುಗಿಯರನ್ನು ಹೇಗೆ ಒಲಿಸ್ಕೊಳ್ಬೋದು ಅಂತ ಯೋಚಿಸಿದ್ರೆ ಸಾಕು.
ಹುಡುಗಿಯರು ಸಾಮಾನ್ಯವಾಗಿ ಇಷ್ಟಪಡೋದು ಅವಳಿಗಿಂತಾ ಅವಳನ್ನು ಹೆಚ್ಚು ಇಷ್ಟಪಡೋ ಹುಡುಗರನ್ನ. ಪರಿಶುದ್ಧ ಪ್ರೀತಿಯನ್ನು ನೀಡಿ ಪ್ರೀತಿ ಗಳಿಸಬಹುದು.ನಿಮ್ಮ ಮಾತಿನಂತೆಯೇ ನಿಮ್ಮ ನಡೆಯಿದ್ದರೆ ಚೆನ್ನ. ನೀವು ಹೇಳುವುದೊಂದು ಮಾಡುವುದೊಂದು ಆದರೆ ಯಾರೂ ನಿಮ್ಮತ್ತ ಆಕರ್ಷಿತರಾಗುವುದಿಲ್ಲ. ಹಾಗಾಗಿ ನಿಮ್ಮ ನಡೆ ನುಡಿ ಒಂದೇ ಆಗಿರಲಿ.
ದುಬಾರಿ ಗಿಫ್ಟ್ ಗಳು ಕೇವಲ ತೋರಿಕೆಯ ಪ್ರೀತಿಯಾಗುತ್ತದೆ. ಅದರ ಬದಲು ಹುಡುಗಿಯರು ಹೆಚ್ಚಾಗಿ ನೀವು ಅವರಿಗೆ ಕೊಡುವ ಸಮಯ, ನಂಬಿಕೆ ಉಳಿಸಿಕೊಳ್ಳುವುದನ್ನು ಬಯಸುತ್ತಾರೆ.
ಸುಮ್ಮನೆ ಸೋಮಾರಿಯ ಹಾಗೆ ಕಾಲ ಕಳೆಯುವ ಹುಡುಗರನ್ನು ಹುಡುಗಿಯರು ಖಂಡಿತಾ ಇಷ್ಟಪಡುವುದಿಲ್ಲ. ಕೆಲಸ ಸಣ್ಣದೇ ಆದರೂ ನೀವು ಕಷ್ಟಪಟ್ಟು ದುಡಿದು, ದುಂದುವೆಚ್ಚ ಮಾಡದೇ, ಯಾವುದೇ ಚಟಗಳಿಗೆ ದಾಸರಾಗದೇ ಇದ್ದರೆ ಅದರಷ್ಟು ಖುಷಿ ಹುಡುಗಿಯರಿಗೆ ಮತ್ತೊಂದಿಲ್ಲ.
