16 ವರ್ಷಗಳ ಹಿಂದೆ ಇದೇ ದಿನ ಭಾರತದ ಕ್ರಿಕೆಟ್ ಮೈದಾನದಲ್ಲಿ ಒಂದು ಚಮತ್ಕಾರವೇ ನಡೆದಿತ್ತು. ಚೊಚ್ಚಲ ಟಿ20 ವಿಶ್ವಕಪ್ ಇಂಗ್ಲೆಂಡ್ನಲ್ಲಿ ನಡೆಯುತ್ತಿತ್ತು. 2007ರ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಯುವರಾಜ್ ಸಿಂಗ್ ಅಬ್ಬರದ 6 ಸಿಕ್ಸ್ಗಳನ್ನು ಗಳಿಸಿ ಇಂದಿಗೆ 16 ವರ್ಷ ಸಂದಿದೆ. ಇಂಗ್ಲೆಂಡ್ನ ಫ್ಲಿಂಟಾಫ್ ಎಂಬ ಆಟಗಾರ ಭಾರತದ ಆಟಗಾರ ಒಬ್ಬನನ್ನು ಮೈದಾನದಲ್ಲಿ ಕೆಣಕ್ಕಿದ್ದರು. ಇದಕ್ಕೆ ಮೈದಾನದಲ್ಲಿ ಮಾತಿನ ಮೂಲಕ ಉತ್ತರ ಕೊಟ್ಟಿದ್ದಲ್ಲದೇ, ಬ್ಯಾಟ್ನಿಂದಲೂ ಉತ್ತರಿಸಿದ್ದರು. ಆಂಡ್ರ್ಯೂ ಫ್ಲಿಂಟಾಫ್ ಮಾಡಿದ್ದ ತಪ್ಪಿಗೆ ಬೆಲೆ ತೆತ್ತಿದ್ದು ಮಾತ್ರ ಸ್ಟುವರ್ಟ್ ಬ್ರಾಡ್. ಕ್ರಿಕೆಟ್ ಪ್ರಿಯರಿಗೆ ಈ ಘಟನೆ ನೆನಪಿಗೆ ಬಂದಿರಬಹುದು. ಅದೇ ಯುವರಾಜ್ ಸಿಂಗ್ ಬ್ರಾಡ್ ಅವರ 6 ಬಾಲ್ನ್ನು 6 ಸಿಕ್ಸ್ ಆಗಿ ಪರಿವರ್ತಿಸಿದ ದಿನವದು.
ಈ ಇನ್ನಿಂಗ್ಸ್ನಿಂದ ಯುವರಾಜ್ ಸಿಂಗ್ ಕೇವಲ ಕ್ರಿಕೆಟ್ ಆಟಗಾರರಿಗೆ ಮಾತ್ರವಲ್ಲ, ಜಗತ್ತಿನಾದ್ಯಂತ ಪರಿಚಿತರಾದರು. ಅಲ್ಲದೇ ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಆರು ಬಾಲ್ನ್ನು ಸಿಕ್ಸ್ಗೆ ಅಟ್ಟಿದ ಸಾಧನೆ ಮಾಡಿದರು. ಇಂಗ್ಲೆಂಡ್ನ ಡರ್ಬನ್ ಮೈದಾನದಲ್ಲಿ ಯುವಿ ಸಿಕ್ಸ್ನ ದಾಖಲೆ ಈಗಲು ನವಿರಾಗಿಯೇ ಇದೆ. ಇಂದಿಗೂ ಆಟ ಭಾರತೀಯರ ಸ್ಮೃತಿಯಿಂದ ಅಳಿಸಿ ಹೋಗಿಲ್ಲ.
2007ರ ವಿಶ್ವಕಪ್ನ ಲೀಗ್ ಹಂತದ 21ನೇ ಪಂದ್ಯದಲ್ಲಿ ಭಾರತ ಮತ್ತು ಇಂಗ್ಲೆಂಡ್ ಮುಖಾಮುಖಿಯಾಗಿತ್ತು. ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ ತಂಡ 218 ರನ್ನ ಗುರಿಯನ್ನು ಆಂಗ್ಲರಿಗೆ ಕೊಟ್ಟಿತ್ತು. ಆರಂಭಿಕರಾದ ಗೌತಮ್ ಗಂಭೀರ್ (58) ಮತ್ತು ವಿರೇಂದ್ರ ಸೆಹ್ವಾಗ್ (68) 136 ರನ್ ಜೊತೆಯಾಟ ಮಾಡಿದ್ದರು. ಮೂರನೇ ವಿಕೆಟ್ನಲ್ಲಿ ಉತ್ತಪ್ಪ ವೈಫಲ್ಯ ಕಂಡರೆ, ಕೊನೆಯಲ್ಲಿ ಧೋನಿ ಮತ್ತು ಯುವರಾಜ್ ಸಿಂಗ್ 61 ರನ್ ಜೊತೆಯಾಟ ಮಾಡಿದ್ದರು. ಯುವಿಯ ಅಬ್ಬರ ಆಟ ಗೆಲುವಿಗೆ ಪ್ರಮುಖವಾಗಿತ್ತು. ಎರಡನೇ ಇನ್ನಿಂಗ್ಸ್ ಆಡಲು ಬಂದ ಇಂಗ್ಲೆಂಡ್ ತಂಡವನ್ನು 20 ಓವರ್ಗೆ 200 ರನ್ ಭಾರತೀಯ ಬೌಲರ್ಗಳು ಕಟ್ಟಿಹಾಕಿದ್ದರು. ಈ ಮೂಲಕ 18 ರನ್ನಿಂದ ಭಾರತ ಗೆದ್ದಿತ್ತು.
16 ವರ್ಷದ ನೆನಪಿಗಾಗಿ ಯುವರಾಜ್ ಸಿಂಗ್ ಇಂದು ಸ್ಯಾಂಡ್ ಆರ್ಟ್ ಒಂದನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಯುವಿಯ ಜನ್ಮದಿನಕ್ಕಾಗಿ ಕ್ರಿಸ್ಟಿ ವಲಿಯವೀಟ್ಟಿಲ್ ಎಂಬುವವರು ಸ್ಯಾಂಡ್ ಆರ್ಟ್ನ ವಿಡಿಯೋವನ್ನು ಮಾಡಿದ್ದರು. 16 ವರ್ಷದ ನೆನಪಿಗಾಗಿ ಇಂದು ಹಂಚಿಕೊಳ್ಳುತ್ತಿರುವುದಾಗಿ ಬರೆದುಕೊಂಡಿದ್ದಾರೆ. ಯುವರಾಜ್ ಸಿಂಗ್ ಅವರ ಆರು ಸಿಕ್ಸ್ನ್ನು ಬಿಸಿಸಿಐ ನೆನಪಿಸಿ ಕೊಂಡಿದೆ.
ಯುವಿ ಅಂದು ಕೇವಲ 12 ಬಾಲ್ನಲ್ಲಿ ದಾಖಲೆಯ ಅರ್ಧಶತಕ ಗಳಿಸಿದ್ದರು. ಅವರು ಅಂದಿನ ಪಂದ್ಯದಲ್ಲಿ 16 ಬಾಲ್ ಆಡಿ 7 ಸಿಕ್ಸ್, 3 ಬೌಂಡರಿಯ ಸಹಾಯದಿಂದ 58 ರನ್ ಕಲೆ ಹಾಕಿದ್ದರು. ಯುವರಾಜ್ ಸಿಂಗ್ ಅವರ ಸ್ಟ್ರೈಕ್ರೇಟ್ 362.50 ಆಗಿತ್ತು. ಹತ್ತು ಬಾಲ್ನಲ್ಲಿ ಬೌಂಡರಿ, ಸಿಕ್ಸ್ ಬಾರಿಸಿದ್ದರೆ ನಾಲ್ಕು ಬಾಲ್ನಲ್ಲಿ ಸಿಂಗಲ್ ರನ್ ಪಡೆದಿದ್ದರು, ಕೇವಲ ಎರಡು ಬಾಲ್ ಡಾಟ್ ಆಗಿತ್ತು. ಇಂಗ್ಲೆಂಡ್ ನೆಲದಲ್ಲಿ ಅವರನ್ನೇ ಅಂದು ಭಾರತ 18 ರನ್ನಿಂದ ಮಣಿಸಿತ್ತು. ಅಲ್ಲದೇ ಧೋನಿ ಅವರ ನಾಯಕತ್ವದಲ್ಲಿ ಪ್ರಶಸ್ತಿ ಮುಡಿಗೇರಿತ್ತು.
