ಟೆಲ್ ಅವೀವ್: ಗುರುವಾರ ಬೆಳಿಗ್ಗೆ ಜೆರುಸಲೆಮ್ ಪ್ರವೇಶದ್ವಾರದಲ್ಲಿ ನಡೆದ ಭಯೋತ್ಪಾದಕ ಗುಂಡಿನ ದಾಳಿಯಲ್ಲಿ ಮೂವರು ಸಾವನ್ನಪ್ಪಿದ್ದಾರೆ ಮತ್ತು ಆರು ಮಂದಿ ಗಾಯಗೊಂಡಿದ್ದಾರೆ, ಅವರಲ್ಲಿ ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಇಸ್ರೇಲಿನ ಪೊಲೀಸರು ಮತ್ತು ವೈದ್ಯರು ತಿಳಿಸಿದ್ದಾರೆ ಎಂದು ಟೈಮ್ಸ್ ಆಫ್ ಇಸ್ರೇಲ್ ವರದಿ ಮಾಡಿದೆ.

ಪೊಲೀಸರ ಪ್ರಕಾರ, ಬೆಳಿಗ್ಗೆ 7:40 ರ ಸುಮಾರಿಗೆ ರಾಜಧಾನಿಯ ಮುಖ್ಯ ದ್ವಾರದಲ್ಲಿರುವ ವೈಜ್‌ಮನ್ ಸ್ಟ್ರೀಟ್‌ನಲ್ಲಿ ಇಬ್ಬರು ಪ್ಯಾಲೇಸ್ಟಿನಿಯನ್ ಬಂದೂಕುಧಾರಿಗಳು ವಾಹನದಿಂದ ಇಳಿದು ಬಸ್ ನಿಲ್ದಾಣದಲ್ಲಿ ಜನರ ಮೇಲೆ ಗುಂಡು ಹಾರಿಸಿದರು.

ಈ ಪ್ರದೇಶದಲ್ಲಿ ಇಬ್ಬರು ಕರ್ತವ್ಯ ನಿರತ ಸೈನಿಕರು ಮತ್ತು ಒಬ್ಬ ಶಸ್ತ್ರಸಜ್ಜಿತ ನಾಗರಿಕ ಪ್ರತಿಯಾಗಿ ಗುಂಡು ಹಾರಿಸಿ ಇಬ್ಬರು ಭಯೋತ್ಪಾದಕರನ್ನು ಕೊಂದಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ದಾಳಿಕೋರರನ್ನು ಪೂರ್ವ ಜೆರುಸಲೇಂನ ಸಹೋದರರಾದ ಮುರಾದ್ ನಮ್ರ್ (38) ಮತ್ತು ಇಬ್ರಾಹಿಂ ನಾಮರ್ (30) ಎಂದು ಗುರುತಿಸಲಾಗಿದೆ. ಶಿನ್ ಬೆಟ್ ಭದ್ರತಾ ಸಂಸ್ಥೆಯ ಪ್ರಕಾರ, ಈ ಜೋಡಿಯು ಹಮಾಸ್ ಸದಸ್ಯರಾಗಿದ್ದರು ಮತ್ತು ಹಿಂದೆ ಭಯೋತ್ಪಾದಕ ಚಟುವಟಿಕೆಗಾಗಿ ಜೈಲು ಪಾಲಾಗಿದ್ದರು ಎಂದು ವರದಿ ಹೇಳಿದೆ.

https://twitter.com/manniefabian/status/1730117252039503915?ref_src=twsrc%5Etfw%7Ctwcamp%5Etweetembed%7Ctwterm%5E1730117252039503915%7Ctwgr%5Ede2642426338ff377a0854dfafe8f4db5cefe9ca%7Ctwcon%5Es1_&ref_url=https%3A%2F%2Fwww.timesofisrael.com%2Fthree-killed-6-injured-in-terror-shooting-at-jerusalem-entrance-bus-stop%2F