ಪುತ್ತೂರು: ಬೆಂಗಳೂರಿನ ನೆಲಮಂಗಲ ರಸ್ತೆಯಲ್ಲಿ ಇಂದು ಕೋಳಿ ಸಾಗಾಟದ ಲಾರಿ ಹಾಗೂ ವ್ಯಾಗನರ್‌‌ ಕಾರು ನಡುವೆ ಭೀಕರ ಅಪಘಾತ ನಡೆದಿದ್ದು, ಚಿಕ್ಕಮುಡ್ನೂರು ಗ್ರಾಮದ ದಾರಂದಕುಕ್ಕು ನವವಿವಾಹಿತೆ ದಾರುಣವಾಗಿ ಮೃತಪಟ್ಟಿದ್ದಾರೆ.
ಚಿಕ್ಕಮುಡ್ನೂರು ಗ್ರಾಮದ ದಾರಂದಕುಕ್ಕು ನಿವಾಸಿ ಗೋಪಿಕ್‌‌ ಎಂಬವರ ಪತ್ನಿ ಧನುಷಾ (23) ಎಂದು ಮೃತ ದುರ್ದೈವಿ.

ಇವರು ಫೆ.21ರಂದು ಗುರುವಾಯನಕೆರೆ ಬಂಟರ ಭವನದಲ್ಲಿ ವಿವಾಹವಾಗಿದ್ದರು. ಇಂದು ನವದಂಪತಿ ತನ್ನ ದೊಡ್ಡಮ್ಮ ಹಾಗೂ ರೂಪಾ ವೇಣುಗೋಪಾಲ್‌‌ ಅವರೊಂದಿಗೆ ಎ.3ರಂದು ಸಂಬಂಧಿಕರ ಮನೆಯಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವ ನಿಟ್ಟಿನಲ್ಲಿ ಮುಂಜಾನೆ ಮಾರುತಿ ವ್ಯಾಗನರ್‌‌ ಕಾರಿನಲ್ಲಿ ಹೊರಟಿದ್ದರು.

ಕಾರು ಬೆಂಗಳೂರು ನೆಲಮಂಗಲಕ್ಕೆ ತಲುಪುತ್ತಿದ್ದಂತೆ ಕೋಳಿ ಸಾಗಾಟದ ಲಾರಿ ಕಾರಿಗೆ ಢಿಕ್ಕಿಯಾಗಿದ್ದು, ಇದರ ಪರಿಣಾಮ ಕಾರಿನಲ್ಲಿದ್ದ ಧನುಷಾ ಸಾವನ್ನಪ್ಪಿದ್ದಾರೆ. ಗೋಪಿಕ್‌ ಹಾಗೂ ಸಂಬಂಧಿಕರಿಗೆ ತೀವ್ರ ಗಾಯವಾಗಿದೆ ಎಂದು ತಿಳಿದುಬಂದಿದೆ. ಕಾರು ಸಂಪೂರ್ಣ ನಜ್ಜುಗುಜ್ಜಾಗಿದೆ.