ಗುಜರಾತ್ ನಲ್ಲಿ ರಾತ್ರಿ ವೇಳೆ ಮನೆಯೊಳಗೆ ಬಂದ ಸಿಂಹ…ಪ್ರಾಣ ಉಳಿಸಿಕೊಳ್ಳಲು ಮನೆಯಿಂದ ಓಡಿ ಹೋದ ಕುಟುಂಬಸ್ಥರು
ಅಹಮದಾಬಾದ್: ಕಾಡಿನಿಂದ ನಾಡಿಗೆ ಬಂದ ಸಿಂಹವೊಂದು ಮನೆಯೊಳಗೆ ಆಗಮಿಸಿ ಸುಮಾರು ಎರಡು ಗಂಟೆಗಳ ಕಾಲ ಮನೆಯವರ ನಿದ್ದೆಗೆಡಿಸಿದ್ದಲ್ಲದೇ, ತಮ್ಮ ಜೀವ ಉಳಿಸಿಕೊಳ್ಳಲು ಮನೆಯಿಂದ ಹೊರಗೆ ಓಡಿಹೋದ ಘಟನೆ ಗುಜರಾತ್ ನಲ್ಲಿ ನಡೆದಿದೆ. ಮುಲುಭಾಯ್‌ ರಾಮ್‌ ಭಾಯ್‌ ಲಖ್ನೋತ್ರಾ ಅವರ ಕುಟುಂಬವು ಕೋವಾಯ ಗ್ರಾಮದ ಮನೆಯಲ್ಲಿ ನಿದ್ರಿಸುತ್ತಿದ್ದ ವೇಳೆಯಲ್ಲಿ ಸಿಂಹ ತೆರೆದಿದ್ದ ಛಾವಣಿಯಿಂದ ಒಳಗೆ ನುಸುಳಿರುವುದಾಗಿ ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ. ತೆರೆದ ಛಾವಣಿಯಿಂದ ಒಳಬಂದ ಸಿಂಹ ಅಡುಗೆ ಮನೆಯ ಗೋಡೆಯ ಮೇಲೆ ಕುಳಿತು ಗೋಡೆಯನ್ನು ಪರಚಲು ಪ್ರಾರಂಭಿಸಿತ್ತು. […]