ಶಿವಾಜಿ ಸುರತ್ಕಲ್ 2: ದಿ ಮಿಸ್ಟೀರಿಯಸ್ ಕೇಸ್ ಆಫ್ ಮಾಯಾವಿ, ರಮೇಶ್ ಅರವಿಂದ್ ನಟನೆಯ ಆಕಾಶ್ ಶ್ರೀವತ್ಸ ನಿರ್ದೇಶಿಸಿ ಸಂಕಲಿಸಿರುವ ಚಿತ್ರ ಸದ್ದಿಲ್ಲದೆ ಬಿಡುಗಡೆಯಾಗಿದ್ದರೂ ಸದ್ದು ಮಾಡುತ್ತಿದೆ. ಶಿವಾಜಿ ಸುರತ್ಕಲ್ ಭಾಗ 1-ರಣಗಿರಿ ರಹಸ್ಯ ಕೂಡಾ ಚಿತ್ರರಸಿಕರಿಗೆ ಮೋಡಿ ಮಾಡಿತ್ತು. ಅಬ್ಬರದ ಪ್ರಚಾರ, ಗಿಮಿಕ್ ಗಳಿಲ್ಲದೆ ಕೇವಲ ಕಥಾ ಹಂದರದಿಂದಲೇ ಶಿವಾಜಿ ಜನರ ಮನಗೆಲ್ಲುತ್ತಿದ್ದಾನೆ.

ಇಬ್ಬರು ಹುಡುಗಿಯರು ಕ್ರೂರವಾಗಿ ಸಾವನ್ನಪ್ಪಿದ್ದು ಶಿವಾಜಿ ಜೊತೆಯಲ್ಲಿ ಆತನ ನಂಬಿಕಸ್ಥ ಸಹಾಯಕ ಗೋವಿಂದು ಈ ಸಾವಿನ ತನಿಖೆಯನ್ನು ಕೈಗೆತ್ತಿಕೊಂಡಿರುವ ಕಥಾ ಹಂದರವಿದೆ. ಮೂಲ ಚಿತ್ರದಂತೆಯೇ, ಭಾಗ ಎರಡರಲ್ಲೂ ಸಹ ಅಲೌಕಿಕ ಅಂಶಗಳಿರುವಂತೆ ಕಂಡುಬಂದರೂ ಇದು ಮಾನವ ಕೃತ್ಯವೇ ಎಂದು ಅಂತ್ಯದಲ್ಲಿ ತಿಳಿಯುತ್ತದೆ.

ಮೇಘನಾ ಗಾಂವ್ಕರ್ ಪೊಲೀಸ್ ಪಾತ್ರವನ್ನು ನಿರ್ವಹಿಸಿದ್ದಾರೆ. ಒಟ್ಟಿನಲ್ಲಿ ಶಿವಾಜಿ ಸುರತ್ಕಲ್ ಸಸ್ಪೆನ್ಸ್ ಥ್ರಿಲ್ಲರ್ ಜನರ ಮನಸ್ಸು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.