ವಿದ್ಯಾರ್ಥಿಗಳು ಮಾಡಿದ ಈ ವಿಡಿಯೋ ನೋಡಿ
ಪಕ್ಷಿಗಳು ಅತ್ಯಂತ ಸೂಕ್ಷ್ಮ ಜೀವಿಗಳು, ಪಟಾಕಿಗಳ ಗಾಢ ಸದ್ದು ಅವುಗಳ ಬದುಕನ್ನೇ ಅಲ್ಲೋಲ ಕಲ್ಲೋಲ ಮಾಡಿಬಿಡುತ್ತದೆ ಎನ್ನುವುದನ್ನು ಬಹಳ ಹೃದ್ಯವಾಗಿ ಪುಟ್ಟದ್ದೊಂದು ವಿಡಿಯೋ ಮೂಲಕ ಕಟ್ಟಿಕೊಟ್ಟಿದ್ದಾರೆ ಶಿವಮೊಗ್ಗದ ಕಟೀಲ್ ಅಶೋಕ್ ಪೈ ಮೆಮೋರಿಯಲ್ ಕಾಲೇಜಿನ ವಿದ್ಯಾರ್ಥಿಗಳು.
ದೀಪಗಳ ಹಬ್ಬ ದೀಪಾವಳಿ ಮತ್ತೆ ಬಂದಿದೆ. ಪ್ರತೀ ಸಲ ದೀಪಾವಳಿ ಬಂದಾಗಲೂ ದೀಪಕ್ಕಿಂತ ಮೊದಲು ನೆನಪಾಗೋದೇ ಡಬ್ ಡಬ್ ಮಾಡುವ ಪಟಾಕಿಗಳ ಕಿವಿಗಡಚಿಕ್ಕುವ ಸದ್ದು. ಪಟಾಕಿಗಳ ಹೊಗೆ, ಅದರ ಸದ್ದು, ಅದರ ಗಾಳಿ ಪರಿಸರಕ್ಕೂ ನಮ್ಮ ದೇಹಕ್ಕೂ ಮಾರಕ ಎನ್ನುವುದು ನಮಗೆ ಗೊತ್ತಿದ್ದರೂ ಮತ್ತೆ ಮತ್ತೆ ಪಟಾಕಿ ಬಿಡುತ್ತಲೇ ನಮ್ಮ ಆರೋಗ್ಯಕ್ಕೂ, ನಮ್ಮ ಸುತ್ತಮುತ್ತಲಿರುವ ಪಕ್ಷಿ ಪ್ರಾಣಿಗಳ ಬದುಕಿಗೆ ನಾವು ಕಾಟ ಕೊಡುತ್ತಲೇ ಇರುತ್ತೇವೆ.
ನಾವು ಬಿಡುವ ಪಟಾಕಿ, ನಮ್ಮ ಸುತ್ತಲ ಪರಿಸರದ ಸಮತೋಲನವನ್ನು ಕಾಪಾಡುತ್ತಲೇ ಬದುಕುವ ಪಕ್ಷಿಗಳಿಗೆ ಅದೆಷ್ಟು ಸಂಕಷ್ಟತಂದೊಡ್ಡುತ್ತದೆ ಎಂದು ನಿಮಗೇನಾದರೂ ಗೊತ್ತಾ?
ಪಕ್ಷಿಗಳು ಅತ್ಯಂತ ಸೂಕ್ಷ್ಮ ಜೀವಿಗಳು, ಪಟಾಕಿಗಳ ಗಾಢ ಸದ್ದು ಅವುಗಳ ಬದುಕನ್ನೇ ಅಲ್ಲೋಲ ಕಲ್ಲೋಲ ಮಾಡಿಬಿಡುತ್ತದೆ ಎನ್ನುವುದನ್ನು ಬಹಳ ಹೃದ್ಯವಾಗಿ ಪುಟ್ಟದ್ದೊಂದು ವಿಡಿಯೋ ಮೂಲಕ ಕಟ್ಟಿಕೊಟ್ಟಿದ್ದಾರೆ ಶಿವಮೊಗ್ಗದ ಕಟೀಲ್ ಅಶೋಕ್ ಪೈ ಮೆಮೋರಿಯಲ್ ಕಾಲೇಜಿನ ವಿದ್ಯಾರ್ಥಿಗಳು. ಜಸ್ಟ್ ಈ ಪುಟ್ಟ ವಿಡಿಯೋ ನೋಡಿ, ಈ ಸಲದ ದೀಪಾವಳಿಯನ್ನು ಪಟಾಕಿ ರಹಿತವಾಗಿ ಆಚರಿಸೋಣ, ನಮ್ಮ ಸಂಭ್ರಮ ಪಕ್ಷಿ ಸಂಕುಲಗಳ ಬದುಕಿಗೆ ಮುಳುವಾಗದಿರಲಿ.
