ಬೂಸಾನ್ ಚಿತ್ರೋತ್ಸವದ ಪ್ರತಿಷ್ಠಿತ “ನ್ಯೂ ಕರೆಂಟ್ಸ್” ಪ್ರಶಸ್ತಿಯ ನಂತರ ಇದೀಗ ರಿಷಭ್ ಶೆಟ್ಟಿ ನಿರ್ಮಾಣದ ಶಿವಮ್ಮ ಚಲನಚಿತ್ರ ಯುರೋಪಿನ ಪ್ರತಿಷ್ಠಿತ ಎಫ್3 ಕಾಂಟಿನೆಂಟ್ಸಿನ ನ 44ನೇ ಆವೃತ್ತಿಯಲ್ಲಿ ‘ಯಂಗ್ ಜ್ಯೂರಿ ಅವಾರ್ಡ್’ ಪ್ರಶಸ್ತಿ ಮುಡಿಗೇರಿಸಿಕೊಂಡಿದೆ.

ಚಿತ್ರವನ್ನು ಜಯಶಂಕರ್ ಆರ್ಯರ್ ಬರೆದು ನಿರ್ದೇಶಿಸಿದ್ದು, ರಿಶಭ್ ಶೆಟ್ಟಿ ಫಿಲ್ಮ್ಸ್ ನಿರ್ಮಾಣ ಮಾಡಿದೆ. ದಕ್ಷಿಣ ಕೊರಿಯಾದ ಬುಸಾನ್ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ 27 ನೇ ಆವೃತ್ತಿಯಲ್ಲಿ ಕೊರಿಯನ್ ಚಲನಚಿತ್ರ ಎ ವೈಲ್ಡ್ ರೂಮರ್ ಜೊತೆಗೆ ನ್ಯೂ ಕರೆಂಟ್ಸ್ ಪ್ರಶಸ್ತಿಯನ್ನು ಗೆದ್ದು 30,000 (ಸುಮಾರು ರೂ 25 ಲಕ್ಷ)ಡಾಲರ್ ನಗದು ಬಹುಮಾನ ಪಡೆದುಕೊಂಡಿತ್ತು. ಈ ವಿಭಾಗದಲ್ಲಿ ಜಗತ್ತಿನಾದ್ಯಂತ ಒಟ್ಟು 10 ಚಲನಚಿತ್ರಗಳನ್ನು ಆಯ್ಕೆ ಮಾಡಲಾಗಿತ್ತು. ಇದೀಗ ಯುರೋಪಿನ ಪ್ರತಿಷ್ಠಿತ ಎಫ್3 ಕಾಂಟಿನೆಂಟ್ಸಿನ ಯಂಗ್ ಜ್ಯೂರಿ ಅವಾರ್ಡ್ ಪ್ರಶಸ್ತಿಗೆ ಶಿವಮ್ಮ ಭಾಜನವಾಗಿದೆ. ಈ ವಿಷಯವನ್ನು ನಿರ್ಮಾಪಕ ರಿಷಭ್ ಶೆಟ್ಟಿ ಹಂಚಿಕೊಂಡಿದ್ದು, ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದಾರೆ.

ಚಿತ್ರವು ಸರ್ಕಾರಿ ಶಾಲೆಯ ಅಡುಗೆಯಾಕೆ ಶಿವಮ್ಮ, ಅವರ ಕುಟುಂಬ ಮತ್ತು ಅವರ ಮಲ್ಟಿ-ಲೆವೆಲ್ ಮಾರ್ಕೆಟಿಂಗ್ ವ್ಯವಹಾರದ ಸುತ್ತ ಸುತ್ತುತ್ತದೆ.