ಉಡುಪಿ: ಉಡುಪಿ ತಾಲೂಕು ಪುತ್ತೂರು ಗ್ರಾಮದ ನಿಟ್ಟೂರು ನಿವಾಸಿ ವಾದಿರಾಜ ಗಾಣಿಗ (39) ಜೂನ್ 13ರಿಂದ ನಾಪತ್ತೆಯಾಗಿದ್ದು, ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ವಾದಿರಾಜ ಗಾಣಿಗ ತನ್ನ ಹೆಂಡತಿ-ಮಕ್ಕಳೊಂದಿಗೆ ಬೆಂಗಳೂರಿನಲ್ಲಿ ವಾಸವಿದ್ದವರು. ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಊರಿಗೆ ಬಂದಿದ್ದರು.‌ ಜೂನ್ 9 ರಂದು ತನ್ನ ಅಕ್ಕನ ಮನೆಯಾದ ಕುಂದಾಪುರದ ಬಸ್ರೂರು ಮೂರುಕೈಗೆ ಹೋಗಿದ್ದರು.

ಜೂನ್ 13ರಂದು ಸರಕು ಸಾಗಾಟದ ಲಾರಿಯಲ್ಲಿ ಉಡುಪಿಗೆ ಬಂದು ಇಂದ್ರಾಳಿ ರೈಲ್ವೆ ನಿಲ್ದಾಣ ರಸ್ತೆಯ ಬಳಿ ಇಳಿದುಕೊಂಡಿದ್ದರು. ಆದರೆ ಆ ಬಳಿಕ ಮನೆಗೆ ಬಾರದೇ ಕಾಣೆಯಾಗಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.