ಕೊಲಂಬೊ (ಶ್ರೀಲಂಕಾ): ಪಾಕಿಸ್ತಾನದ ವಿರುದ್ಧ ಲಂಕಾದ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಭಾರತ ನಿನ್ನೆ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶಿಸಿ 356 ರನ್​ ಕಲೆಹಾಕಿತ್ತು.ಶ್ರೀಲಂಕಾದ ದುನಿತ್ ವೆಲ್ಲಲಾಗೆ ಮತ್ತು ಚರಿತ್​ ಅಸಲಂಕಾ ಅವರ ಆಕ್ರಮಣಕಾರಿ ಸ್ಪಿನ್​ಗೆ ಭಾರತದ ಬ್ಯಾಟಿಂಗ್​ ಬಲವೇ ಕುಸಿದಿದ್ದು, ಮೊದಲ ಇನ್ನಿಂಗ್ಸ್​ ಅಂತ್ಯದ ವೇಳೆಗೆ ಮಳೆ ಅಡ್ಡಿ ಪಡಿಸಿದೆ. ಆದರೆ ಇಂದು ಅದೇ ಮೈದಾನದಲ್ಲಿ ಶ್ರೀಲಂಕಾದ ದುನಿತ್ ವೆಲ್ಲಲಾಗೆ ಮತ್ತು ಚರಿತ್​ ಅಸಲಂಕಾ ಬೌಲಿಂಗ್​ನಲ್ಲಿ ಭಾರತ ಬ್ಯಾಟಿಂಗ್​ ವೈಫಲ್ಯ ಕಂಡಿತು. ನಾಯಕ ರೋಹಿತ್​ ಶರ್ಮಾ ಅರ್ಧಶತಕ ಬಿಟ್ಟರೆ ಮತ್ತಾವ ಬ್ಯಾಟರ್​ ಹೇಳಿಕೊಳ್ಳುವಂತ ಸ್ಕೋರ್​ ಕಲೆಹಾಕಲಿಲ್ಲ. 47 ಓವರ್​ಗೆ 9 ವಿಕೆಟ್​ ಕಳೆದುಕೊಂಡು 197 ರನ್​ ಗಳಿಸಿದ್ದಾಗ ಮಳೆ ಬಂದ ಕಾರಣ ಪಂದ್ಯವನ್ನು ಸ್ಥಗಿತಗಿಳಿಸಲಾಗಿದೆ. ಕ್ರೀಸ್​ನಲ್ಲಿ 15 ರನ್​ಗಳಿಸಿ ಅಕ್ಷರ್​ ಪಟೇಲ್​ ಮತ್ತು 2 ರನ್​ ಗಳಿಸಿ ಆಡುತ್ತಿದ್ದಾರೆ.

ನಾಲ್ಕನೇ ಬ್ಯಾಟರ್​ ಆಗಿ ರಾಹುಲ್​ ಬದಲು ಇಶಾನ್​ ಕಿಶನ್​ ಬಡ್ತಿ ಪಡೆದು ಮೈದಾನಕ್ಕಿಳಿದರು, ಐದನೇ ಸ್ಥಾನದಲ್ಲಿ ರಾಹುಲ್​ ಬಂದರು. ಈ ಜೋಡಿ 4ನೇ ವಿಕೆಟ್​ಗೆ 50 ರನ್​ನ ಜೊತೆಯಾಟ ಮಾಡಿ ಭರವಸೆ ಮೂಡಿಸಿತ್ತು. ನಿನ್ನೆ ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ ಶತಕ ಗಳಿಸಿ ಟೀಮ್​ ಇಂಡಿಯಾಗೆ ಗ್ರೇಟ್​ ಕಮ್​​ಬ್ಯಾಕ್​ ಮಾಡಿದ್ದ ಕೆಎಲ್​ ರಾಹುಲ್​ 44 ಬಾಲ್​ನಲ್ಲಿ 4 ಬೌಂಡರಿಯ ಸಹಾಯದಿಂದ 39 ರನ್ ಗಳಿಸಿ ಆಡುತ್ತಿದ್ದ ವೇಳೆ ದುನಿತ್ ವೆಲ್ಲಲಾಗೆ ನಾಲ್ಕನೇ ವಿಕೆಟ್​ ಆಗಿ ಬಲಿಯಾದರು. ​ಅವರ ಬೆನ್ನಲ್ಲೇ 33 ರನ್​ ಗಳಿಸಿದ್ದ ಇಶಾನ್​ ಕಿಶನ್​ ಸಹ ವಿಕೆಟ್​ ಒಪ್ಪಿಸಿದರು.

8ನೇ ಸ್ಥಾನದ ವರೆಗೆ ಬ್ಯಾಟಿಂಗ್​ ಬಲವನ್ನು ಭಾರತ ತಂಡದಲ್ಲಿ ಹೆಚ್ಚಿಸಿದರೂ ಕೆಳ ಕ್ರಮಾಂಕದಿಂದಲೂ ನೀರಸ ಬ್ಯಾಟಿಂಗ್​ ಪ್ರದರ್ಶನ ಕಂಡು ಬಂತು. ಉಪನಾಯಕ ಹಾರ್ದಿಕ್​ ಪಾಂಡ್ಯ ಮತ್ತು ಜಡೇಜಾ ಉತ್ತಮವಾಗಿ ಹೋರಾಡಲು ಪ್ರಯತ್ನಿಸಿದರಾದರೂ ಸ್ಕೋರ್​ ಮಾಡಲಾಗಲಿಲ್ಲ. ಹಾರ್ದಿಕ್​ ವೆಲ್ಲಲಾಗೆಗೆ ಐದನೇ ವಿಕೆಟ್ ಆಗಿ ಪೆವಿಲಿಯನ್​ ದಾರಿ ಹಿಡಿದರು. ಜಡೇಜಾ ಅಸಲಂಕಾಗೆ ವಿಕೆಟ್​ ನೀಡಿದರು. ನಂತರ ಕಣಕ್ಕಿಳಿದ ಬುಮ್ರಾ ಮತ್ತು ಕುಲ್​ದೀಪ್​ ವಿಕೆಟ್​ಗಳನ್ನು ಅಸಲಂಕಾ ಪಡೆದು ಸಂಭ್ರಮಿಸಿದರು. ಕೊನೆಯ ವರೆಗೂ ಅಕ್ಷರ್​ ಪಟೇಲ್​ ತಮ್ಮ ಹೋರಾಟನ್ನು ತೋರಿಸಿದರಾದರೂ ಸ್ಕೋರ್​ ಮಾಡುವಲ್ಲಿ ವಿಫಲರಾದರು. ಕ್ರೀಸ್​ನಲ್ಲಿ 15 ರನ್​ಗಳಿಸಿ ಅಕ್ಷರ್​ ಪಟೇಲ್​ ಮತ್ತು 2 ರನ್​ ಗಳಿಸಿ ಆಡುತ್ತಿದ್ದಾರೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ಮೈದಾನಕ್ಕಿಳಿದ ಭಾರತ ತಂಡ ಮೊದಲ ಪವರ್​ ಪ್ಲೇನಲ್ಲಿ ಉತ್ತಮ ಪ್ರದರ್ಶನವನ್ನು ನೀಡಿತು. ಆರಂಭಿಕ ಯುವ ಬ್ಯಾಟರ್​ ಶುಭಮನ್​ ಗಿಲ್​ ರನ್​ಗಳಿಸಲು ಪರದಾಡಿದರು. ಆದರೆ ನಾಯಕ ರೋಹಿತ್​ ಶರ್ಮಾ ತಮ್ಮ ಸಾಮಾನ್ಯ ಆಟವನ್ನು ಆಡಿದರು. ಇದರಿಂದ ಭಾರತ 10 ಓವರ್​ಗೆ ವಿಕೆಟ್​ ನಷ್ಟವಿಲ್ಲದೇ 65 ರನ್​ ಗಳಸಿ ದೊಡ್ಡ ಮೊತ್ತಗಳಿಸುವ ಸಂದೇಶ ನೀಡಿತ್ತು. ಆದರೆ, ಎಲ್ಲಾ ಲೆಕ್ಕಾಚಾರವನ್ನು ಲಂಕಾದ ಸ್ಪಿನ್ನರ್​ಗಳು ಬುಡಮೇಲು ಮಾಡಿದರು ಎಂದರೆ ತಪ್ಪಾಗದು.

ಪವರ್​ ಪ್ಲೇ ಮುಗಿಯುತ್ತಿದ್ದಂತೆ ದಾಳಿಗೆ ಇಳಿದ ಲಂಕಾ ಸ್ಪಿನ್ನರ್​ ದುನಿತ್ ವೆಲ್ಲಲಾಗೆ ಅತ್ಯದ್ಬುತ ಸ್ಪಿನ್​ ದಾಳಿ ನಡೆಸಿದರು. ವೆಲ್ಲಲಾಗೆಯ ಸ್ಪಿನ್​ಗೆ ಭಾರತದ ಅಗ್ರ ಕ್ರಮಾಂಕ ಇದ್ದಕ್ಕಿದ್ದಂತೆ ಕುಸಿಯಿತು. 12,14, 16ನೇ ಓವರ್​ನಲ್ಲಿ ವೆಲ್ಲಲಾಗೆಗೆ ಕ್ರಮವಾಗಿ ಗಿಲ್​, ವಿರಾಟ್,​ ರೋಹಿತ್​ ವಿಕೆಟ್ ಒಪ್ಪಿಸಿದರು.​ ಪಾಕ್​ ವಿರುದ್ಧ ಅರ್ಧಶತಕ ಗಳಿಸಿದ್ದ ಗಿಲ್​ ಇಂದು 25 ಬಾಲ್​ನಲ್ಲಿ 19 ರನ್​ ಗಳಿಸಿ ಪೆವಿಲಿಯನ್​ಗೆ ತೆರಳಿದರು. ನಿನ್ನೆ ಶತಕ ಸಿಡಿಸಿದ್ದ ವಿರಾಟ್​ ಇಂದು 12ಗೆ 3 ರನ್​ ಗಳಿಸಿ ವಿಕೆಟ್​ ಕೊಟ್ಟರು. ನಾಯಕ ರೋಹಿತ್​ ಶರ್ಮಾ 48 ಬಾಲ್​ನಲ್ಲಿ 7 ಬೌಂಡರಿ ಮತ್ತು 2 ಸಿಕ್ಸ್​ನಿಂದ 53 ಗಳಸಿ ಔಟ್​ ಆದರು.