ನವದೆಹಲಿ: ಹಿಂದೂ ಮಹಾಕಾವ್ಯ ರಾಮಾಯಣವನ್ನು ಆಧರಿಸಿದ ಓಂ ರಾವುತ್ ಅವರ ‘ಆದಿಪುರುಷ್’ ಚಿತ್ರದ ಪ್ರದರ್ಶನವನ್ನು ನಿಷೇಧಿಸುವಂತೆ ಕೋರಿ ಭಾರತದ ಸುಪ್ರೀಂ ಕೋರ್ಟ್‌ಗೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ (ಪಿಐಎಲ್) ಸಲ್ಲಿಸಲಾಗಿದೆ. ಚಲನಚಿತ್ರದಲ್ಲಿ ಚಿತ್ರಿಸಲಾದ ಹಿಂದೂಗಳು ಮತ್ತು ವಿವಿಧ ದೇವತೆಗಳನ್ನು “ಅವರ ಮೂಲಭೂತ ಮೌಲ್ಯಗಳು ಮತ್ತು ಪಾತ್ರಗಳನ್ನು ನಾಶಪಡಿಸುವ” ಮತ್ತು ವಾಲ್ಮೀಕಿ ರಾಮಾಯಣದ ‘ಮೂಲ ರಚನೆ’ಯನ್ನು ಮಾರ್ಪಡಿಸುವ ಮೂಲಕ ಭಕ್ತರ ಭಾವನೆಗಳನ್ನು ಘಾಸಿಗೊಳಿಸಲಾಗಿದೆ ಎಂದು ಆರೋಪಿಸಲಾಗಿದೆ.

ಸಿನಿಮಾದಲ್ಲಿನ ಕೆಲವು ಸಂಭಾಷಣೆಗಳಿಗೆ ಅರ್ಜಿದಾರರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದು, ‘ಗಲ್ಲಿಯ ಹುಡುಗರು’ ಮಾತ್ರ ಇಂತಹ ‘ಅವಹೇಳನಕಾರಿ’ ಭಾಷೆಯನ್ನು ಬಳಸುತ್ತಾರೆ ಎಂದು ಹೇಳಿದ್ದಾರೆ.

ಸುಪ್ರೀಂ ಕೋರ್ಟ್‌ನ ತನ್ನ ಮನವಿಯಲ್ಲಿ, ಅರ್ಜಿದಾರರೆ ಮಮತಾ ರಾಣಿ, ಸಿನಿಮಾಟೋಗ್ರಾಫ್ ಆಕ್ಟ್, 1952 ರ ಸೆಕ್ಷನ್ 5 ಬಿ ಯಲ್ಲಿನ ಶಾಸನಬದ್ಧ ನಿಬಂಧನೆಗಳನ್ನು ಉಲ್ಲಂಘಿಸುತ್ತದೆ ಎಂಬ ಕಾರಣಕ್ಕಾಗಿ ಆದಿಪುರುಷ್ ಚಿತ್ರಕ್ಕೆ ಸಿ.ಬಿ.ಎಸ್.ಸಿ ನೀಡಿರುವ ಸೆನ್ಸಾರ್ ಪ್ರಮಾಣ ಪತ್ರವನ್ನು ಹಿಂಪಡೆಯುವಂತೆ ಕೋರಿದ್ದಾರೆ.

ಪವಿತ್ರವಾದ ಮೂಲಭೂತ ಪಠ್ಯಗಳು ಮತ್ತು ಹಸ್ತಪ್ರತಿಗಳು ಸುಸಂಸ್ಕೃತ ಮತ್ತು ಸಭ್ಯ ಸಮಾಜದ ಮೂಲಭೂತ ಆಧ್ಯಾತ್ಮಿಕ ಮತ್ತು ಭೌತಿಕ ತತ್ವಗಳಾಗಿವೆ, ಅಂತಹ ಸಮಾಜದ ಸಾಮಾನ್ಯ ವ್ಯಕ್ತಿಯು ಅವಲಂಬಿಸಿರುತ್ತಾರೆ ಮತ್ತು [ಅದರ ಮೂಲಕ] ಬದುಕುತ್ತಾರೆ. ಮನುಷ್ಯನು ತನ್ನ ಸಂಸ್ಕೃತಿ ಮತ್ತು ಸಂಪ್ರದಾಯಗಳಿಲ್ಲದೆ ಮರದ ಕೊಂಬೆಯಿಂದ ಬಿದ್ದ ಎಲೆಯಂತೆ ಅನಾಥನಾಗುತ್ತಾನೆ ಎಂದು ಅರ್ಜಿದಾರೆ ತಮ್ಮ ನಿರ್ದಿಷ್ಟ ವಿವಾದಗಳನ್ನು ವಿವರಿಸುವ ಮೊದಲು ಹೇಳಿದ್ದಾರೆ.

ಅಲಹಾಬಾದ್, ದೆಹಲಿ ಮತ್ತು ರಾಜಸ್ಥಾನ ಹೈಕೋರ್ಟ್‌ಗಳಲ್ಲಿಯೂ ಕೂಡಾ ಚಿತ್ರವನ್ನು ಬ್ಯಾನ್ ಮಾಡುವಂತೆ ಕೋರಿ ಅರ್ಜಿ ಸಲ್ಲಿಸಲಾಗಿವೆ.

ಜನರನ್ನು ತಪ್ಪುದಾರಿಗೆಳೆಯುವ ಹೇಳಿಕೆಗಳನ್ನು ಚಿತ್ರದಲ್ಲಿ ಮಾಡಲಾಗಿದ್ದು, ಜನರು ದೇವರೆಂದು ಭಾವಿಸುವ ರಾಮ, ಸೀತೆ ಮತ್ತು ಹನುಮಂತನ ಚಾರಿತ್ರ್ಯವನ್ನು ಕೀಳು ಅಭಿರುಚಿಯಲ್ಲಿ ತೋರಿಸಲಾಗಿದೆ ಹಾಗೂ ಆದಿಪುರುಷ ವಾಲ್ಮೀಕಿ ರಾಮಾಯಣವನ್ನು ‘ಅಪಹಾಸ್ಯ’. ಮಾಡುವಂತಿದೆ ಎಂದು ಅರ್ಜಿದಾರೆ ಹೇಳಿದ್ದಾರೆ.