ನವದೆಹಲಿ: ಬ್ಯಾಟರಿ ಸೇರಿದಂತೆ ರಫ್​ ಆಯಂಡ್​ ಟಫ್​ ಯೂಸ್​ಗೆ ಹೆಸರುವಾಸಿಯಾಗಿರುವ ಖ್ಯಾತ ಕಂಪನಿ ನೋಕಿಯಾ ಇದೀಗ ಮತ್ತೊಂದು ಹೊಸ ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆಗೊಳಿಸುವ ಮೂಲಕ ಮತ್ತೆ ಕಮ್​ಬ್ಯಾಕ್​ಗೆ ಸಿದ್ದವಾಗಿದೆ.ನೋಕಿಯಾದ ಹೆಚ್​ಎಮ್​ಡಿ ಗ್ಲೋಬಲ್ ಇಂದು ಭಾರತದಲ್ಲಿ G42 ಹೆಸರಿನ ನೋಕಿಯಾ 5G ಸ್ಮಾರ್ಟ್‌ಫೋನ್​ ಬಿಡುಗಡೆ ಮಾಡಿದೆ. G ಸರಣಿಯ ಈ ಸ್ಮಾರ್ಟ್​ಫೋನ್​ 6.56 ಇಂಚಿನ ಹೆಚ್ಡಿ ಡಿಸ್ಪ್ಲೇ, 90Hz ರಿಫ್ರೆಶ್​ ರೇಟ್​ ಜತೆಗೆ ಸ್ನ್ಯಾಪ್​ಡ್ರಾಗನ್​480+5G ಪ್ರೊಸೆಸರ್, ಹೈಬ್ರಿಡ್​ಸಿಮ್​​ ಸ್ಲಾಟ್​ ಹೊಂದಿರಲಿದೆ.
ನೋಕಿಯಾ ಕಂಪನಿ ಅಗ್ಗದ ಬೆಲೆಯಲ್ಲಿ ಹೆಚ್ಚಿನ ವೈಶಿಷ್ಟ್ಯತೆಗಳನ್ನೊಳಗೊಂಡ ಹೊಸ G ಸರಣಿಯ ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆಗೊಳಿಸಿದೆ.

ಕ್ಯಾಮೆರಾ: Nokia G42, 5G ಸೆಟ್​ ಹೆಚ್ಚುವರಿ RAM ಹೊಂದಿದ್ದು, ಹಿಂಭಾಗದಲ್ಲಿ ಟ್ರಿಪಲ್​ ಕ್ಯಾಮೆರಾ ಇರಲಿದೆ. 50MP ಪ್ರೈಮರಿ ಕ್ಯಾಮೆರಾ, ಜೊತೆಗೆ ಹೆಚ್ಚುವರಿ 2MP ಮ್ಯಾಕ್ರೋ ಮತ್ತು 2MP ಡೆಪ್ತ್ ಕ್ಯಾಮೆರಾಗಳನ್ನು ಒಳಗೊಂಡಿದ್ದು, 8MP ಸೆಲ್ಫಿ ಕ್ಯಾಮೆರಾ ಹಾಗೂ ಎಲ್‌ಇಡಿ ಫ್ಲ್ಯಾಷ್ ಇರಲಿದೆ. ಹಾಗೆ ಆಂಡ್ರಾಯ್ಡ್​13 ಜತೆಗೆ ಎರಡು ವರ್ಷಗಳ ಕಾಲ ಆಪರೇಟಿಂಗ್​ ಸಿಸ್ಟಮ್​ನ ಅಪ್ಡೇಟ್​ ಮತ್ತು 3 ವರ್ಷಗಳ ಕಾಲ ಸೆಕ್ಯೂರಿಟಿ ಅಪ್ಡೇಟ್ ​ಅನ್ನು ನೋಕಿಯಾ ಖಚಿತ ಪಡಿಸಿದೆ.

ಎರಡು ಬಣ್ಣಗಳಲ್ಲಿ ಲಭ್ಯ: ಈ ಸ್ಮಾರ್ಟ್​ಫೋನ್​ ಎರಡು ಬಣ್ಣಗಳಲ್ಲಿರಲಿದೆ. ಆಕರ್ಷಕ ಪರ್ಪಲ್ ಮತ್ತು ಗ್ರೇ ಬಣ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ. 11GB ಜೊತೆಗೆ 128GB ಕಾನ್ಫಿಗರೇಶನ್‌ನಲ್ಲಿ 6 GB ಫಿಸಿಕಲ್ RAM ಜೊತೆಗೆ 5 GB ವರ್ಚುಯಲ್ RAMಗಳಲ್ಲಿ ಈ ಹ್ಯಾಂಡ್​ ಸೆಟ್​ ಲಭ್ಯವಿರಲಿದೆ.

ಮೊಬೈಲ್​ನ ಬೆಲೆ: ಹಲವಾರು ವೈಶಿಷ್ಟ್ಯಗಳನ್ನು ಒಳಗೊಂಡಿರುವ Nokia G42 5G ಸೆಟ್​ ಬಜೆಟ್​ ಫ್ರೆಂಡ್ಲಿ ಆಗಿದ್ದು, ಇದರ ಬೆಲೆ ಕೇವಲ RS: 12,599 ಆಗಿದ್ದು ಕೈಗೆಟಕುವ ಬೆಲೆಯಲ್ಲಿ ಗ್ರಾಹಕರಿಗೆ ಲಭ್ಯವಾಗಲಿದೆ.

ಬ್ಯಾಟರಿ: ಈ ಮೊಬೈಲ್​ 5000mAh ಬ್ಯಾಟರಿ ಹೊಂದಿದ್ದು ಟೈಪ್​ ಸಿ ಪೋರ್ಟ್​ ಕೇಬಲ್​ನೊಂದಿಗೆ 20W ಫಾಸ್ಟ್​ ಚಾರ್ಜರ್​ ಸಪೋರ್ಟ್​ ಮಾಡಲಿದೆ.
ಎಚ್‌ಎಂಡಿ ಗ್ಲೋಬಲ್‌ನ ಭಾರತ ಮತ್ತು ಎಪಿಎಸಿ ಉಪಾಧ್ಯಕ್ಷ ರವಿ ಕುನ್ವಾರ್, ‘ಈ ಫೋನ್ ನಮ್ಮ ಬಳಕೆದಾರರ ಅಗತ್ಯಗಳನ್ನು ಪೂರೈಸುವುದುರ ಬಗ್ಗೆ ಖಚಿತಪಡಿಸಿಕೊಳ್ಳಲು ನಮ್ಮ ತಂಡವು ಕೆಲಸ ಮಾಡಿದೆ. ಮುಂಬರುವ ವರ್ಷಗಳಲ್ಲಿ Gಸಿರಿಸ್​ನಲ್ಲಿ ಹೆಚ್ಚಿನ ಬದಲಾವಣೆಯಾಗಲಿದೆ ಎಂದು ಹೇಳಿದ್ದಾರೆ.
ಮಾರಾಟ ದಿನಾಂಕ: ಇಂದು ಬಿಡುಗಡೆಗೊಂಡಿರು ಅಗ್ಗದ ಬೆಲೆಯ ನೋಕಿಯಾ G42 ಮೊಬೈಲ್​ ಸೆಪ್ಟಂಬರ್​ 15ರಿಂದ ಆನ್​ಲೈನ್​ಗಳಲ್ಲಿ ಖರೀದಿಸಬಹುದಾಗಿದೆ.