ನ್ಯೂಯಾರ್ಕ್: ಕೇಂಬ್ರಿಡ್ಜ್ ನ ಮ್ಯಾಸಚೂಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MIT) ಯ ಭೂವಿಜ್ಞಾನಿಗಳು “ಸ್ಮೆಕ್ಟೈಟ್” ಎಂದು ಕರೆಯಲ್ಪಡುವ ವಿಶೇಷ ರೂಪದ ಮಣ್ಣಿನ ಖನಿಜವನ್ನು ಗುರುತಿಸಿದ್ದಾರೆ. ಇದು ಲಕ್ಷಾಂತರ ವರ್ಷಗಳಿಂದ ಇಂಗಾಲವನ್ನು ಸೆರೆಹಿಡಿಯುವ ಮತ್ತು ಸಂಗ್ರಹಿಸುವ ಗಮನಾರ್ಹ ಸಾಮರ್ಥ್ಯವನ್ನು ಹೊಂದಿದೆ ಮತ್ತಿದು ನಮ್ಮ ಭೂಗ್ರಹವನ್ನು ತಂಪಾಗಿಸುವಲ್ಲಿ ಮಹತ್ವದ ಪಾತ್ರವನ್ನು ವಹಿಸುತ್ತದೆ ಎಂದು ಅಂದಾಜಿಸಲಾಗಿದೆ.

ಸಮುದ್ರದ ತಳದ ಸಂಕೀರ್ಣ ಪದರಗಳಲ್ಲಿ ಕಂಡುಬರುವ, ಸ್ಮೆಕ್ಟೈಟ್‌ನ ಸಮರೂಪ ತರಹದ ರಚನೆಯು ಸಾವಯವ ಇಂಗಾಲವನ್ನು ಹಿಡಿದಿಡುವಲ್ಲಿ ಪ್ರವೀಣವಾಗಿದೆ. ಈ ಪ್ರಕ್ರಿಯೆಯು ಭೂತಟ್ಟೆಗಳ ಚಲನೆಯ ಉದಯದಿಂದಲೂ ನಡೆಯುತ್ತಿದೆ.

ಸಾಗರದ ಹೊರಪದರವು ಭೂಖಂಡದ ತಟ್ಟೆಗಳೊಂದಿಗೆ ಡಿಕ್ಕಿ ಹೊಡೆದಂತೆ, ಬಂಡೆಗಳು ಮೇಲ್ಮೈಗೆ ತಳ್ಳಲ್ಪಡುತ್ತವೆ ಮತ್ತು ಹವಾಮಾನದಿಂದಾಗಿ ಸ್ಮೆಕ್ಟೈಟ್ ಸೇರಿದಂತೆ ವಿವಿಧ ಖನಿಜಗಳಿಗೆ ಬದಲಾಗುತ್ತವೆ. ಈ ಖನಿಜವು ನಂತರ ಮತ್ತೊಮ್ಮೆ ಸಾಗರದ ತಳಕ್ಕೆ ಇಳಿಯುತ್ತದೆ ಮತ್ತು ಸತ್ತ ಜೀವಿಗಳ ಅವಶೇಷಗಳನ್ನು ಅದರ ಸೂಕ್ಷ್ಮ ಮಡಿಕೆಗಳಲ್ಲಿ ಸಿಲುಕಿಸುತ್ತದೆ. ಇದರಿಂದಾಗಿ ಇಂಗಾಲವು, ಇಂಗಾಲದ ಡೈಆಕ್ಸೈಡ್ ಆಗಿ ವಾತಾವರಣಕ್ಕೆ ಮರು-ಪ್ರವೇಶಿಸುವುದನ್ನು ತಡೆಯುತ್ತದೆ.

ಈ ನೈಸರ್ಗಿಕ ವಿದ್ಯಮಾನದ ಪರಿಣಾಮಕಾರಿಯಾಗಿವೆ. MIT ಸಂಶೋಧಕರಾದ ಪದವೀಧರ ವಿದ್ಯಾರ್ಥಿ ಜೋಶುವಾ ಮರ್ರೆ ಮತ್ತು ಭೂವಿಜ್ಞಾನದ ಪ್ರಾಧ್ಯಾಪಕ ಆಲಿವರ್ ಜಾಗೌಟ್ಜ್ ನೇತೃತ್ವದಲ್ಲಿ ಸಂಶೋಧಕರು ಕಳೆದ 500 ಮಿಲಿಯನ್ ವರ್ಷಗಳಲ್ಲಿ ಹಲವಾರು ಪ್ರಮುಖ ಟೆಕ್ಟೋನಿಕ್ ಘಟನೆಗಳ ಮೂಲಕ ಸ್ಮೆಕ್ಟೈಟ್ ಉತ್ಪಾದನೆಯನ್ನು ಪತ್ತೆಹಚ್ಚಿದ್ದಾರೆ. ಪ್ರತಿ ಬಾರಿ ಈ ಜೇಡಿಮಣ್ಣುಗಳು ಸಾಕಷ್ಟು ಪ್ರಮಾಣದಲ್ಲಿ ರೂಪುಗೊಂಡಾಗ, ಅವು ಭೂಮಿಯ ತಂಪಾಗಿಸುವಿಕೆಗೆ ಕೊಡುಗೆ ನೀಡಬಹುದು ಮತ್ತು ಹಿಮಯುಗಗಳನ್ನು ಸಹ ಪ್ರಚೋದಿಸಬಹುದು ಎಂದು ಅವರ ಸಂಶೋಧನೆಗಳು ಸೂಚಿಸುತ್ತವೆ.

ಕಾರ್ಬನ್-ಸೀಕ್ವೆಸ್ಟರಿಂಗ್ ಸ್ಮೆಕ್ಟೈಟ್ ರಚನೆಯ ಮೂಲಕ ಭೂತಟ್ಟೆಗಳ ಚಲನೆ ಮತ್ತು ಹಿಮಯುಗಗಳ ಆರಂಭದ ನಡುವೆ ನೇರ ಸಂಪರ್ಕವನ್ನು ಸ್ಥಾಪಿಸುವಲ್ಲಿ ಮೊದಲನೆಯ ಸಂಶೋಧನೆಯಾಗಿದೆ. ಈ ಆವಿಷ್ಕಾರವು ಭೂಮಿಯ ಹವಾಮಾನ ಇತಿಹಾಸದ ಬಗ್ಗೆ ನಮ್ಮ ತಿಳುವಳಿಕೆಯನ್ನು ಹೆಚ್ಚಿಸುವುದಲ್ಲದೆ ಭವಿಷ್ಯದ ಹವಾಮಾನ ಬದಲಾವಣೆ ತಗ್ಗಿಸುವ ತಂತ್ರಗಳಿಗೆ ಸಾಧ್ಯತೆಗಳನ್ನು ತೆರೆಯುತ್ತದೆ. ಉದಾಹರಣೆಗೆ, ಜಾಗತಿಕ ತಾಪಮಾನ ಏರಿಕೆಯಿಂದ ಬೆದರಿಕೆಗೆ ಒಳಗಾದ ಇಂಗಾಲ-ಸಮೃದ್ಧ ಪರ್ಮಾಫ್ರಾಸ್ಟ್ ಪ್ರದೇಶಗಳನ್ನು ಸ್ಥಿರಗೊಳಿಸಲು ಸ್ಮೆಕ್ಟೈಟ್ ಅನ್ನು ಬಳಸಬಹುದಾಗಿದೆ. ಪರ್ಮಾಫ್ರಾಸ್ಟ್ ಭೂಮಿಯ ಮೇಲ್ಮೈ ಮೇಲೆ ಅಥವಾ ಕೆಳಗೆ ಶಾಶ್ವತವಾಗಿ ಹೆಪ್ಪುಗಟ್ಟಿದ ಪದರವಾಗಿದೆ. ಇದು ಮಣ್ಣು, ಜಲ್ಲಿಕಲ್ಲು ಮತ್ತು ಮರಳನ್ನು ಒಳಗೊಂಡಿರುತ್ತದೆ, ಸಾಮಾನ್ಯವಾಗಿ ಮಂಜುಗಡ್ಡೆಯಿಂದ ಬಂಧಿಸಲ್ಪಟ್ಟಿರುತ್ತದೆ. ಪರ್ಮಾಫ್ರಾಸ್ಟ್ ಸಾಮಾನ್ಯವಾಗಿ ಕನಿಷ್ಠ ಎರಡು ವರ್ಷಗಳವರೆಗೆ 0 ° C (32ºF) ನಲ್ಲಿ ಅಥವಾ ಕಡಿಮೆ ತಾಪಮಾದಲ್ಲಿರುತ್ತದೆ.

ಉಲ್ಬಣಗೊಳ್ಳುತ್ತಿರುವ ಹವಾಮಾನ ಬಿಕ್ಕಟ್ಟಿನೊಂದಿಗೆ ಜಗತ್ತು ಹೆಣಗುತ್ತಿರುವಾಗ MIT ತಂಡದ ಕೆಲಸವು ಜಾಗತಿಕ ಇಂಗಾಲದ ಚಕ್ರದ ಎಲ್ಲಾ ಅಂಶಗಳನ್ನು ಪರಿಗಣಿಸುವ ಪ್ರಾಮುಖ್ಯತೆಯನ್ನು ತೋರಿಸುತ್ತದೆ. ಮಾನವ-ಪ್ರೇರಿತ ಹವಾಮಾನ ಸವಾಲುಗಳನ್ನು ಪರಿಹರಿಸಲು ನೈಸರ್ಗಿಕ ಪ್ರಕ್ರಿಯೆಗಳನ್ನು ಬಳಸಿಕೊಳ್ಳುವ ಸಾಮರ್ಥ್ಯವನ್ನು ಇದು ಎತ್ತಿ ತೋರಿಸುತ್ತದೆ.