ಮಂಗಳೂರು: ಅಂತಾರಾಷ್ಟ್ರೀಯ ಮಾದಕ ದ್ರವ್ಯ ಸೇವನೆ ಮತ್ತು ಅಕ್ರಮ ಸಾಗಾಟ ವಿರೋಧಿ ದಿನದಂದು ಮಂಗಳೂರು ನಗರ ಪೊಲೀಸರು 1.28 ಕೋಟಿ ಮೌಲ್ಯದ ಡ್ರಗ್ಸ್ ನಾಶಪಡಿಸಿದ್ದಾರೆ. ಭಾನುವಾರದಂದು ಮಂಗಳೂರು ನಗರ ಪೊಲೀಸರು ಅಂತಾರಾಷ್ಟ್ರೀಯ ಮಾದಕ ದ್ರವ್ಯ ಸೇವನೆ ಮತ್ತು ಅಕ್ರಮ ಸಾಗಾಟ ವಿರೋಧಿ ದಿನಾಚರಣೆಯ ಅಂಗವಾಗಿ ಈ ಕಾರ್ಯವನ್ನು ಕೈಗೊಂಡಿದ್ದಾರೆ.
ಕಮಿಷನರೇಟ್ ವ್ಯಾಪ್ತಿಯಲ್ಲಿ ಬರುವ 15 ಪೊಲೀಸ್ ಠಾಣೆಗಳಲ್ಲಿ ಕಳೆದ ಒಂದು ವರ್ಷದಲ್ಲಿ ವಶಪಡಿಸಿಕೊಳ್ಳಲಾದ ಡ್ರಗ್ಸ್ ಪ್ರಮಾಣ ಇದಾಗಿದೆ. 580.860 ಕೆಜಿ ಗಾಂಜಾ, 25 ಗ್ರಾಂ ಹೆರಾಯಿನ್ ಮತ್ತು 320 ಗ್ರಾಂ ಎಂಡಿಎಂಎ ಅನ್ನು ನಾಶಪಡಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ರಾಮ್ಕಿ ಎನರ್ಜಿ ಅಂಡ್ ಎನ್ವಿರಾನ್ಮೆಂಟ್ ಲಿಮಿಟೆಡ್ ನಲ್ಲಿ ಡ್ರಗ್ಸ್ ಗಳನ್ನು ನಾಶಪಡಿಸಲಾಗಿದೆ.
To celebrate “international day against drug abuse” seized narcotic material being destroyed in all districts and cities under court direction. Let’s all be a part of drive against drug consumption. pic.twitter.com/o8WcmfrxYl
— DGP KARNATAKA (@DgpKarnataka) June 26, 2022
