‘ಮಿನಿಚರ್‌’ ತುಳು ಆಲ್ಬಮ್ ಸಾಂಗ್ ಬಿಡುಗಡೆ

ಮಂಗಳೂರು: ಆರ್.ಕೆ. ಸಿನಿ ಕ್ರಿಯೇಷನ್ಸ್ ಅರ್ಪಿಸುವ ಮಿನಿಚರ್‌ ತುಳು ವಿಡಿಯೊ ಆಲ್ಬಮ್ ಸಾಂಗ್ಅನ್ನು ಮಂಗಳೂರಿನ ಪತ್ರಿಕಾ ಭವನದಲ್ಲಿ ಶುಕ್ರವಾರ  ಬಿಡುಗಡೆ ಮಾಡಲಾಯಿತು.
ಆಲ್ಬಂ ಸಾಂಗ್ ಬಿಡುಗಡೆ ಮಾಡಿದ,ಅಮೃತ ಸಂಜೀವಿನಿ ಹಾಗೂ ರಾಜಕೇಸರಿ ಯೂತ್‌ ಕ್ಲಬ್‌ನ ಸುಶಾಂತ್ ಅಮೀನ್ ಚಕ್ರತೀರ್ಥ ಮಾತನಾಡಿ,  ಆರ್.ಕೆ. ಸಿನಿ ಕ್ರಿಯೇಷನ್ಸ್ ಬ್ಯಾನರ್‌ ಅಡಿ ಕಿರುಚಿತ್ರ, ಆಲ್ಬಮ್ ಸಾಂಗ್‌ಗಳನ್ನು ನಿರ್ಮಿಸಿ ಯೂಟ್ಯೂಬ್ ಚಾನೆಲ್‌ನಲ್ಲಿ ಪ್ರಸಾರ ಮಾಡಲಾಗುತ್ತಿದೆ. ಇದೀಗ ಮಿನಿಚರ್ ತುಳು ವಿಡಿಯೊ ಆಲ್ಬಮ್ ಸಾಂಗ್ ಬಿಡುಗಡೆ ಮಾಡಿದ್ದು, ಆರ್.ಕೆ. ಕ್ರಿಯೇಷನ್ಸ್ ಯೂಟ್ಯೂಬ್ ಚಾನೆಲ್‌ನಲ್ಲಿ ವೀಕ್ಷಣೆಗೆ ಅವಕಾಶ ಕಲ್ಪಿಸಿಕೊಡಲಾಗಿದೆ ಎಂದರು.
ಈ ಆಲ್ಬಮ್ ಸಾಂಗ್‌ಅನ್ನು ಸಂತೋಷ್ ಶೆಟ್ಟಿ ಬಿರಾವು ನಿರ್ಮಿಸಿದ್ದಾರೆ. ಸಂತೋಷ್ ಶೆಟ್ಟಿ ಮಿಜಾರ್ ಕಥೆ ಮತ್ತು ನಿರ್ದೇಶನ ಮಾಡಿದ್ದಾರೆ. ದೀಕ್ಷಿತ್ ಪೊಳಲಿ, ಧೀರೇಶ್ ಜೈನ್, ರೂಪಾ ಕುಲಾಲ್, ರಿತೇಶ್ ಕಾಜಿಲ ಪ್ರಮುಖ ಪಾತ್ರದಲ್ಲಿದ್ದಾರೆ. 100 ಕ್ಕೂ ಹೆಚ್ಚು ಕಲಾವಿದರನ್ನು ಒಟ್ಟುಗೂಡಿಸಿ ಸಾಂಗ್ ತಯಾರಿಸಲಾಗಿದೆ ಎಂದರು.