ಸಬ್ಸಿಡಿ ದರದಲ್ಲಿ ಅಡುಗೆ ಅನಿಲ ಪಡೆಯುತ್ತಿರುವ LPG ಗ್ರಾಹಕರಿಗೆ ಕೇಂದ್ರ ಸರ್ಕಾರ ಮಹತ್ವದ ಮಾಹಿತಿ ನೀಡಿದೆ. LPG e-KYC ಪೂರ್ಣಗೊಳಿಸಲು ಈ ಮೊದಲು ನೀಡಲಾಗಿದ್ದ ಆಗಸ್ಟ್‌ 16ರ ಗಡುವನ್ನು ಆಗಸ್ಟ್‌ 23ರವರೆಗೆ ವಿಸ್ತರಿಸಲಾಗಿದೆ.

ನೀವು ಇನ್ನೂ LPG e-KYC ಪೂರ್ಣಗೊಳಿಸದಿದ್ದರೆ ಆತಂಕಪಡುವ ಅಗತ್ಯವಿಲ್ಲ. ಇಂಡೇನ್‌, ಎಚ್‌ಪಿ ಗ್ಯಾಸ್‌ ಹಾಗೂ ಭಾರತ್‌ ಗ್ಯಾಸ್‌ ಗ್ರಾಹಕರು ತಮ್ಮ ಮೊಬೈಲ್‌ನಲ್ಲೇ e-KYC ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.

LPG e-KYC ಏಕೆ ಅಗತ್ಯ?

LPG ಕಾಳಸಂತೆ ಹಾಗೂ ದುರ್ಬಳಕೆಯನ್ನು ತಡೆಯುವುದು ಮತ್ತು ಅಡುಗೆ ಅನಿಲ ಪೂರೈಕೆಯಲ್ಲಿ ಪಾರದರ್ಶಕತೆ ತರುವುದು e-KYC ಕಡ್ಡಾಯಗೊಳಿಸುವ ಪ್ರಮುಖ ಉದ್ದೇಶವಾಗಿದೆ.

e-KYC ಮಾಡದಿದ್ದರೆ ಏನಾಗುತ್ತದೆ?

LPG e-KYC ಪೂರ್ಣಗೊಳಿಸದಿದ್ದರೆ ಸಬ್ಸಿಡಿ ಸೌಲಭ್ಯದಲ್ಲಿ ಸಮಸ್ಯೆ ಉಂಟಾಗಬಹುದು. ಅರ್ಹ ಫಲಾನುಭವಿಗಳ ಬ್ಯಾಂಕ್‌ ಖಾತೆಗೆ ಜಮೆಯಾಗುವ LPG ಸಬ್ಸಿಡಿ ಹಣವೂ ಸ್ಥಗಿತಗೊಳ್ಳುವ ಸಾಧ್ಯತೆಯಿದೆ.

ಇಂಡೇನ್‌ ಗ್ರಾಹಕರು e-KYC ಮಾಡುವುದು ಹೇಗೆ?

ಹಂತ 1: ಮೊಬೈಲ್‌ನಲ್ಲಿ Google Play Storeಗೆ ತೆರಳಿ IndianOil ONE ಮತ್ತು Aadhaar Face RD ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್‌ ಮಾಡಿ.

ಹಂತ 2: Aadhaar Face RD ಅಪ್ಲಿಕೇಶನ್‌ ಅನ್ನು ಪ್ರತ್ಯೇಕವಾಗಿ ತೆರೆಯುವ ಅಗತ್ಯವಿಲ್ಲ. ಅದು ಹಿನ್ನೆಲೆಯಲ್ಲಿ ಕಾರ್ಯನಿರ್ವಹಿಸುತ್ತದೆ. IndianOil ONE ಆ್ಯಪ್‌ ತೆರೆಯಿರಿ.

ಹಂತ 3: ನೋಂದಾಯಿತ ಮೊಬೈಲ್‌ ಸಂಖ್ಯೆ ಅಥವಾ ಇ-ಮೇಲ್‌ ಐಡಿ ಬಳಸಿ ಲಾಗಿನ್‌ ಆಗಿ.

ಹಂತ 4: ಆ್ಯಪ್‌ನಲ್ಲಿ ಕಾಣುವ My LPG ID ಆಯ್ಕೆಯನ್ನು ಕ್ಲಿಕ್‌ ಮಾಡಿ.

ಹಂತ 5: ನಿಮ್ಮ 16 ಅಂಕಿಗಳ LPG ID ನಮೂದಿಸಿ My Profile ವಿಭಾಗಕ್ಕೆ ತೆರಳಿ.

ಹಂತ 6: ಇಂಡೇನ್‌ ವಿವರಗಳನ್ನು ಆಯ್ಕೆ ಮಾಡಿ ReKYC ಮೇಲೆ ಕ್ಲಿಕ್‌ ಮಾಡಿ.

ಹಂತ 7: Proceed ಮತ್ತು Process ಆಯ್ಕೆಗಳನ್ನು ಕ್ಲಿಕ್‌ ಮಾಡಿ.

ಹಂತ 8: ಮೊಬೈಲ್‌ ಕ್ಯಾಮೆರಾ ಬಳಸಿ ಮುಖವನ್ನು ಸ್ಕ್ಯಾನ್‌ ಮಾಡಿ ಆಧಾರ್‌ ಆಧಾರಿತ ಬಯೋಮೆಟ್ರಿಕ್‌ ಪರಿಶೀಲನೆ ಪೂರ್ಣಗೊಳಿಸಿ. ಬಳಿಕ e-KYC ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.

HP ಗ್ಯಾಸ್‌ ಗ್ರಾಹಕರು e-KYC ಮಾಡುವುದು ಹೇಗೆ?

ಹಂತ 1: Aadhaar Face RD ಮತ್ತು HP Pay ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್‌ ಮಾಡಿ.

ಹಂತ 2: HP Pay ಆ್ಯಪ್‌ ತೆರೆಯಿರಿ ಮತ್ತು ನೋಂದಾಯಿತ ಮೊಬೈಲ್‌ ಸಂಖ್ಯೆಯೊಂದಿಗೆ ಲಾಗಿನ್‌ ಆಗಿ.

ಹಂತ 3: ಮುಖಪುಟದಲ್ಲಿರುವ LPG ಆಯ್ಕೆಯನ್ನು ಕ್ಲಿಕ್‌ ಮಾಡಿ eKYC ಆಯ್ಕೆ ಮಾಡಿ.

ಹಂತ 4: ಮುಂದಿನ ಪುಟದಲ್ಲಿ Capture Face ಆಯ್ಕೆಯನ್ನು ಕ್ಲಿಕ್‌ ಮಾಡಿ.

ಹಂತ 5: Aadhaar Face RD ಅಪ್ಲಿಕೇಶನ್‌ ಮೂಲಕ ಮುಖವನ್ನು ಸ್ಕ್ಯಾನ್‌ ಮಾಡಿ. ಪರಿಶೀಲನೆ ಪೂರ್ಣಗೊಂಡ ಬಳಿಕ e-KYC ಮುಗಿಯುತ್ತದೆ.

ಭಾರತ್‌ ಗ್ಯಾಸ್‌ ಗ್ರಾಹಕರು e-KYC ಮಾಡುವುದು ಹೇಗೆ?

ಹಂತ 1: Aadhaar Face RD ಮತ್ತು Hello BPCL ಅಪ್ಲಿಕೇಶನ್‌ಗಳನ್ನು ಮೊಬೈಲ್‌ನಲ್ಲಿ ಡೌನ್‌ಲೋಡ್‌ ಮಾಡಿ.

ಹಂತ 2: Hello BPCL ಆ್ಯಪ್‌ ತೆರೆಯಿರಿ ಮತ್ತು ನೋಂದಾಯಿತ ಮೊಬೈಲ್‌ ಸಂಖ್ಯೆಯೊಂದಿಗೆ ಲಾಗಿನ್‌ ಆಗಿ.

ಹಂತ 3: eKYC ಅಥವಾ Biometric Verification ಆಯ್ಕೆಯನ್ನು ಆರಿಸಿ.

ಹಂತ 4: ಸೂಚನೆಯಂತೆ ನಿಮ್ಮ ಮುಖವನ್ನು ಸ್ಕ್ಯಾನ್‌ ಮಾಡಿ. ಪರಿಶೀಲನೆ ಪೂರ್ಣಗೊಂಡ ಬಳಿಕ LPG e-KYC ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.

ಗಮನಿಸಿ: e-KYC ಮಾಡುವಾಗ ನಿಮ್ಮ ಆಧಾರ್‌ ಮತ್ತು LPG ಸಂಪರ್ಕಕ್ಕೆ ಸಂಬಂಧಿಸಿದ ವಿವರಗಳು ಸರಿಯಾಗಿರುವುದನ್ನು ಖಚಿತಪಡಿಸಿಕೊಳ್ಳಿ. ಅಧಿಕೃತ ಅಪ್ಲಿಕೇಶನ್‌ಗಳನ್ನೇ ಬಳಸುವುದು ಸುರಕ್ಷಿತ.