ಕುಂದಾಪುರ: ಕರ್ನಾಟಕ ಭೋವಿ ವಡ್ಡರ ಕ್ಷೇಮಾಭಿವೃದ್ಧಿ ಸಂಘ ಕುಂದಾಪುರ ವಲಯ ಹಾಗೂ ಕರ್ನಾಟಕ ಭೋವಿ ವಡ್ಡರ ಕ್ಷೇಮಾಭಿವೃದ್ಧಿ ಸಂಘ ಕೆದೂರು ಇವರ ವತಿಯಿಂದ ಕುಂದಾಪುರ ತಾಲೂಕಿನ ಕೆದೂರು, ಬೇಳೂರು, ಹೆಸ್ಕುತ್ತೂರು ಮತ್ತು ದೊಡ್ಡನರೆಕಲ್ಲು ಗ್ರಾಮದ ಕೊರೊನಾ ಸೋಂಕಿನಿಂದ ಸೀಲ್ ಡೌನ್ ಆದ ಮತ್ತು ಅಶಕ್ತ ಬಡ ಕುಟುಂಬಗಳಿಗೆ ಉಚಿತ ದಿನಸಿ ಆಹಾರ ಸಾಮಗ್ರಿಗಳನ್ನು ವಿತರಣೆ ಮಾಡಲಾಯಿತು.

ಕುಂದಾಪುರ ತಾಲೂಕು ವಡ್ಡರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಜಗದೀಶ್ ಕೆದೂರು ಮತ್ತು ಅರುಣಕುಮಾರ್ ಕಾಳಾವರ ಇವರ ಸಹಕಾರದೊಂದಿಗೆ 21 ಕುಟುಂಬಗಳಿಗೆ ದಿನಸಿ ಸಾಮಗ್ರಿಗಳನ್ನು ಹಸ್ತಾಂತರಿಸಲಾಯಿತು.

ಕೆದೂರು ಕರ್ನಾಟಕ ಭೋವಿ ವಡ್ಡರ ಕ್ಷೇಮಾಭಿವೃದ್ಧಿ ಸಂಘದ ಮೋಹನರಾಜ್ ಕೆದೂರು, ಕಾರ್ಯದರ್ಶಿ ರಾಘವೇಂದ್ರ, ಜೊತೆ ಕಾರ್ಯದರ್ಶಿ ಗಣೇಶ, ಕೃಷ್ಣ ಮೇಸ್ತ್ರಿ ಕೆದೂರು, ಶಿವಕುಮಾರ್, ಧರ್ಮರಾಜ ಮತ್ತು ಶಿವ ಕೆದೂರು ಅವರು ಮನೆ ಮನೆಗೆ ತೆರಳಿ ದಿನಸಿ ಕಿಟ್ ವಿತರಣೆ ಮಾಡಿದರು.