ಶಕಲಕ ಬೂಂಬೂಂ ತುಳು ಸಿನಿಮಾದ ಪೊಸ ಪದ ಕಲಿ ಸಾಂಗ್ ಯೂಟ್ಯೂಬ್ ಡ್ ಶನಿವಾರದಾನಿ ಬುಡುಗಡೆ ಆದ್ ಜನಕ್ಲೆನ ಮನಸ್ಸ್ ಗ್ ಮುದ ಕೊರೊಂದುಂಡು. ತುಳುನಾಡ್ ಡ್ “ಕಲಿ ಪರ್ಕನಾ ನಮ ಪಿಲಿ ಕೆರ್ಕನಾ” ಪನ್ಪಿನ ಪಾತೆರದ ಜಾಡ್ ಡ್ ಈ ಪದೊನು ಕಾರ್ತಿಕ್ ಮೂಲ್ಕಿ, ಪ್ರವೀಣ್ ಜಿ ಆಚಾರ್ಯ ಮೊಡೆತೆರ್. ಸಂದೇಶ್ ಬಾಬಣ್ಣ, ರಾಕೇಶ್ ದಿಲ್ಸೆ, ವಿಶ್ವಾಸ ಗುರುಪುರ ಪದೊನು ಬಾರಿ ಲಾಯ್ಕ್ ಡ್ ಪನ್ತೆರ್.
ಡಾಲ್ವಿನ್ ಕೊಳಲಗಿರಿ ಮೆರೆನ ಮುತಾಲಿಕೆಡ್ ಪದ ಪೊರ್ಲಕಂಟ್ ಡ್ ಮೂಡುದ್ ಬೈದ್ಂಡ್. ಚಿತ್ರೊನ್ ನಿತ್ಯಾನಂದ ನರಸಿಂಗೆ ಮೇರ್ ನಿರ್ಮಾಣ ಮಲ್ದೆರ್, ಸುನಿಲ್ ಕಡ್ತಲ ಕಥೆ ಬರೆದ್ ಶೀಶ ಎಲ್ಲಾರೆ ನಿರ್ದೇಶನ ಮಲ್ದೆರ್. ಕಲಿ ಪದ ಕೇನ್ಲೆ ಪೊಸ ವರ್ಷೊಗ್ ನಾಲ್ ಸ್ಟೆಪ್ ಪಾಡ್ಲೆ….
