ಜುಲೈ 12 ರಂದು ಜೇಮ್ಸ್ ವೆಬ್ ಬಾಹ್ಯಾಕಾಶ ಟೆಲಿಸ್ಕೋಪ್(JWST) ಅವಲೋಕನಗಳ ಒಂದು ವರ್ಷದ ವಾರ್ಷಿಕೋತ್ಸವವನ್ನು ಆಚರಿಸಲು, ನಾಸಾ ಹಿಂದೆಂದೂ ನೋಡಿರದ ರೀತಿಯಲ್ಲಿ ನಕ್ಷತ್ರದ ಜನ್ಮವನ್ನು ತೋರಿಸುವ ಅದ್ಭುತ ಚಿತ್ರವನ್ನು ಬಿಡುಗಡೆ ಮಾಡಿದೆ.

ಹೊಸ ಜೇಮ್ಸ್ ವೆಬ್ ಬಾಹ್ಯಾಕಾಶ ಟೆಲಿಸ್ಕೋಪ್ ಚಿತ್ರವು ಭೂಮಿಗೆ ಸಮೀಪವಿರುವ Rho Ophiuchi ಕ್ಲೌಡ್ ಕಾಂಪ್ಲೆಕ್ಸ್ ನ ನಕ್ಷತ್ರ-ರೂಪಿಸುವ ಪ್ರದೇಶದ ಚಿತ್ರವನ್ನು ಸೆರೆಹಿಡಿದಿದೆ. ಸಣ್ಣ ಮತ್ತು ತುಲನಾತ್ಮಕವಾಗಿ ಶಾಂತಿಯುತ ನಾಕ್ಷತ್ರಿಕ ನರ್ಸರಿಯಾಗಿದ್ದರೂ, ಶಕ್ತಿಯುತ ದೂರದರ್ಶಕದ ದೃಶ್ಯೀಕರಣವು ಭೂಮಿಯಿಂದ 390 ಬೆಳಕಿನ ವರ್ಷಗಳ ದೂರದಲ್ಲಿರುವ ಪ್ರದೇಶದ ಅಸ್ತವ್ಯಸ್ತವಾಗಿರುವ ಕ್ಲೋಸ್-ಅಪ್ ಚಿತ್ರವನ್ನು ಪ್ರತಿನಿಧಿಸುತ್ತದೆ.

ಜುಲೈ 11, 2022 ರಂದು ದೂರದರ್ಶಕದಿಂದ ಮೊದಲ ಚಿತ್ರವನ್ನು ಬಿಡುಗಡೆ ಮಾಡಲಾಗಿತ್ತು. ಅಮೇರಿಕಾ ಅಧ್ಯಕ್ಷ ಜೋ ಬಿಡೆನ್ ವಾಷಿಂಗ್ಟನ್‌ನ ಶ್ವೇತಭವನದಲ್ಲಿ ಸಾರ್ವಜನಿಕ ಕಾರ್ಯಕ್ರಮದ ಸಂದರ್ಭದಲ್ಲಿ ಗ್ಯಾಲಕ್ಸಿಯ ಕ್ಲಸ್ಟರ್ SMACS 0723 ನಲ್ಲಿ ಸಾವಿರಾರು ಗೆಲಕ್ಸಿಗಳ ಆಳವಾದ ಚಿತ್ರವನ್ನು ಬಹಿರಂಗಪಡಿಸಿದ್ದರು. ಆ ಬಳಿಕ ರಿನಾ ನೆಬ್ಯುಲಾದಲ್ಲಿನ NGC 3324 ನಕ್ಷತ್ರ ಪ್ರದೇಶದ ಕಿತ್ತಳೆ-ವರ್ಣದ ಅನಿಲ ಬೆಟ್ಟಗಳ ಅದ್ಭುತ ಚಿತ್ರ, ಸ್ಟೀಫನ್‌ನ ಕ್ವಿಂಟೆಟ್‌ನ ಐದು ಗೆಲಕ್ಸಿಗಳ ಗಮನಾರ್ಹ ದೃಶ್ಯೀಕರಣ, ಮತ್ತು 2,500 ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವ ನಕ್ಷತ್ರವನ್ನು ಸುತ್ತುವರೆದಿರುವ ಅನಿಲದ ಪ್ರಭಾವಲಯವಾದ ದಕ್ಷಿಣ ರಿಂಗ್ ನೀಹಾರಿಕೆಯ ಚಿತ್ರಗಳನ್ನು ಜೇಮ್ಸ್ ವೆಬ್ ದೂರದರ್ಶಕ ಸೆರೆಹಿಡಿದಿದೆ.

ದೂರದರ್ಶಕದ ಮೊದಲ ವರ್ಷದ ಕಾರ್ಯಾಚರಣೆಯು ವಿಜ್ಞಾನಿಗಳನ್ನು ನಿರಾಶೆಗೊಳಿಸಿಲ್ಲ. ದೂರದರ್ಶಕವನ್ನು ಅತಿಗೆಂಪು ಬೆಳಕಿನಲ್ಲಿ ಬ್ರಹ್ಮಾಂಡವನ್ನು ವೀಕ್ಷಿಸಲು ವಿನ್ಯಾಸಗೊಳಿಸಲಾಗಿದ್ದು ಇದು ಆರಂಭಿಕ ಗೆಲಕ್ಸಿಗಳನ್ನು ಗಮನಿಸುವುದರಲ್ಲಿ ವಿಶೇಷ ಪರಿಣತಿ ಹೊಂದಿದೆ. ಬ್ರಹ್ಮಾಂಡದ ರಚನೆ, ನಕ್ಷತ್ರಗಳ ಜನನ ಹಾಗೂ ಸೌರಮಂಡಲದ ರಚನೆಗಳ ಬಗ್ಗೆ ಸಂಶೋಧನೆಗಳನ್ನು ಕೈಗೊಳ್ಳಲು ಜೇಬ್ಸ್ ವೆಬ್ ಟೆಲೆಸ್ಕೋಪ್ ಅನ್ನು ಅಭಿವೃದ್ದಿ ಪಡಿಸಲಾಗಿದ್ದು, ಚಂದ್ರ ಅಬ್ಸರ್ವೇಟರಿಯ ಮೂಲಕ ಇವುಗಳ ಅಧ್ಯಯನಗಳನ್ನು ಕೈಗೊಳ್ಳಲಾಗುತ್ತದೆ.

ದೂರದರ್ಶಕವು ನೀಡಿದ ವಿಜ್ಞಾನದ ಮೊದಲ 12 ತಿಂಗಳುಗಳಲ್ಲಿ ಬಹುಶಃ ಹೆಚ್ಚು ಆಶ್ಚರ್ಯಕರ ಸಂಗತಿಯೆಂದರೆ, ಈ ಶಕ್ತಿಯುತ ಸಾಧನವು ಬ್ರಹ್ಮಾಂಡದ ಆಳವನ್ನು ನೋಡಲು ಮತ್ತು ನಮ್ಮ ಬ್ರಹ್ಮಾಂಡದ ಹಿತ್ತಲಿನಲ್ಲಿದ್ದ ವಸ್ತುಗಳನ್ನು ಚಿತ್ರಿಸಲು ಹಾಗೂ ಸಮಯದಲ್ಲಿ ಹಿಂದೆ ಸಾಗಲು ಯಾವುದೇ ಇತರ ದೂರದರ್ಶಕಕ್ಕಿಂತ ಅತಿ ಹೆಚ್ಚು ಶಕ್ತಿಯುತ ಮತ್ತು ಕರಾರುವಾಕ್ಕಾಗಿದೆ.

ಚಿತ್ರಕೃಪೆ: ನಾಸಾ