ಟೋಕಿಯೊ (ಜಪಾನ್​): ಮೊದಲ ಬಾರಿಗೆ ಚಂದ್ರನ ಮೇಲೆ ಇಳಿಯುವ ಕನಸನ್ನು ನನಸು ಮಾಡಿಕೊಳ್ಳಲು ಜಪಾನ್ ಪ್ರಮುಖ ಪ್ರಯೋಗವನ್ನು ಕೈಗೊಂಡಿದೆ.ಮತ್ತೊಂದು ದೇಶವು ಚಂದ್ರನ ಮೇಲೆ ಇಳಿಯಲು ಸಿದ್ಧವಾಗಿದೆ. ಹಲವು ಬಾರಿ ಮುಂದೂಡಲ್ಪಟ್ಟ ಈ ರಾಕೆಟ್ ಉಡಾವಣೆ ಗುರುವಾರ ಬೆಳಗ್ಗೆ ಯಶಸ್ವಿಯಾಗಿ ನಿಗದಿತ ಕಕ್ಷೆಯನ್ನು ಪ್ರವೇಶಿಸಿತು. ನೈಋತ್ಯ ಜಪಾನಿನ ತನೆಗಾಶಿಮಾ ಬಾಹ್ಯಾಕಾಶ ನಿಲ್ದಾಣದಿಂದ ಎಕ್ಸ್ ರೇ ಟೆಲಿಸ್ಕೋಪ್ ಮತ್ತು ಚಂದ್ರನ ಲ್ಯಾಂಡರ್ ಅನ್ನು ಹೊತ್ತ H-2A ರಾಕೆಟ್ ಆಗಸಕ್ಕೆ ಹಾರಿತು.ಜಪಾನ್ ಚಂದ್ರನ ಮೇಲೆ ಇಳಿಯಲು ನಿರ್ಣಾಯಕ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದ್ದು, ರಾಕೆಟ್​ ಉಡಾವಣೆ ಯಶಸ್ವಿಯಾಗಿದೆ.

ಉಡಾವಣೆಯನ್ನು ಜಾಪರ್ ಬಾಹ್ಯಾಕಾಶ ಸಂಸ್ಥೆಯಾದ JAXA ನೇರಪ್ರಸಾರ ಮಾಡಿದೆ. XRISM (ಎಕ್ಸ್-ರೇ ಇಮೇಜಿಂಗ್ ಮತ್ತು ಸ್ಪೆಕ್ಟ್ರೋಸ್ಕೋಪಿ ಮಿಷನ್) ಉಪಗ್ರಹವನ್ನು ಉಡಾವಣೆಯಾದ 13 ನಿಮಿಷಗಳ ನಂತರ H-2A ರಾಕೆಟ್ ಮೂಲಕ ಭೂಮಿಯ ಕಕ್ಷೆಗೆ ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ ಎಂದು ಜಪಾನ್ ಏರೋಸ್ಪೇಸ್ ಎಕ್ಸ್‌ಪ್ಲೋರೇಶನ್ ಏಜೆನ್ಸಿ ಘೋಷಿಸಿತು. ಗೆಲಕ್ಸಿಗಳ ನಡುವಿನ ವೇಗ ಮತ್ತು ಇತರ ನಿಯತಾಂಕಗಳನ್ನು ಕಂಡುಹಿಡಿಯಲು ಈ ಉಪಗ್ರಹವನ್ನು ಉಡಾವಣೆ ಮಾಡಲಾಗಿದೆ. ಬ್ರಹ್ಮಾಂಡದ ರಹಸ್ಯಗಳನ್ನು ಬಿಡಿಸಲು ಮತ್ತು ಆಕಾಶ ವಸ್ತುಗಳು ಹೇಗೆ ರೂಪುಗೊಳ್ಳುತ್ತವೆ ಎಂಬುದನ್ನು ತಿಳಿಯಲು ಈ ಮಾಹಿತಿಯನ್ನು ಬಳಸಬಹುದು ಎಂದು ಜಪಾನ್ ಹೇಳಿದೆ.

ಇತರ ಗ್ರಹಗಳಿಗೆ ಭವಿಷ್ಯದ ಕಾರ್ಯಾಚರಣೆಗಳಿಗಾಗಿ ಚಂದ್ರನ ‘ಪಿನ್‌ಪಾಯಿಂಟ್ ಲ್ಯಾಂಡಿಂಗ್ ತಂತ್ರಜ್ಞಾನ’ದೊಂದಿಗೆ ಸ್ಲಿಮ್ ಅನ್ನು ಅಭಿವೃದ್ಧಿಪಡಿಸಿದರು. ಸಾಮಾನ್ಯವಾಗಿ, ಲ್ಯಾಂಡರ್‌ಗಳು ಗೊತ್ತುಪಡಿಸಿದ ಸ್ಥಳದಿಂದ 10 ಕಿಲೋಮೀಟರ್ ದೂರದಲ್ಲಿ ಇಳಿಯುತ್ತವೆ. ಆದರೆ, ಗೊತ್ತುಪಡಿಸಿದ ಪ್ರದೇಶದಿಂದ ಕೇವಲ 100 ಮೀಟರ್ ದೂರದಲ್ಲಿ ಇಳಿಯುವಂತೆ ಈ ಲ್ಯಾಂಡರ್​ ಅನ್ನು ವಿನ್ಯಾಸಗೊಳಿಸಲಾಗಿದೆ.ಈ ಪ್ರಯೋಗದಲ್ಲಿ, ಚಂದ್ರನ ರಹಸ್ಯಗಳನ್ನು ತಿಳಿಯಲು ಸ್ಲಿಮ್ (ಸ್ಮಾರ್ಟ್ ಲ್ಯಾಂಡರ್ ಫಾರ್ ಇನ್ವೆಸ್ಟಿಗೇಟಿಂಗ್ ಮೂನ್) ಎಂಬ ಲಘು ಚಂದ್ರನ ಲ್ಯಾಂಡರ್ ಅನ್ನು ಸಹ ಕಳುಹಿಸಲಾಗಿದೆ. ಈ ಲ್ಯಾಂಡರ್ ಮೂರ್ನಾಲ್ಕು ತಿಂಗಳ ನಂತರ ಚಂದ್ರನ ಕಕ್ಷೆಯನ್ನು ಪ್ರವೇಶಿಸಲಿದೆ. ಅಂದರೆ.. ಈ SLIM ಲ್ಯಾಂಡರ್ ಮುಂದಿನ ವರ್ಷ ಜನವರಿ-ಫೆಬ್ರವರಿಯಲ್ಲಿ ಚಂದ್ರನ ಮೇಲೆ ಇಳಿಯಲಿದೆ ಎಂದು ಬಾಹ್ಯಾಕಾಶ ಸಂಸ್ಥೆ ಬಹಿರಂಗಪಡಿಸಿದೆ.

ಇಸ್ರೋ ಅಭಿನಂದನೆ.. ಚಂದ್ರ ಮೇಲೆ ಸ್ಲಿಮ್ ಲ್ಯಾಂಡರ್ ಅನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದ್ದಕ್ಕಾಗಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಜಪಾನ್ ಅನ್ನು ಅಭಿನಂದಿಸಿದೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಸಮುದಾಯದ ಮತ್ತೊಂದು ದೇಶವು ಯಶಸ್ವಿಯಾಗಿ ಚಂದ್ರನ ಮೇಲೆ ಕಾಲಿಡಲು ಹಾತೊರೆಯುತ್ತಿದೆಭಾರತದ ಚಂದ್ರಯಾನ-3 ಇತ್ತೀಚೆಗಷ್ಟೇ ಚಂದ್ರನ ಮೇಲೆ ಯಶಸ್ವಿಯಾಗಿ ಇಳಿದಿದ್ದು ಗೊತ್ತೇ ಇದೆ. ಇಲ್ಲಿಯವರೆಗೆ ಕೇವಲ ನಾಲ್ಕು ದೇಶಗಳು (ಅಮೆರಿಕ, ರಷ್ಯಾ, ಚೀನಾ, ಭಾರತ) ಚಂದ್ರನ ಮೇಲೆ ಇಳಿದಿವೆ. ಈಗ ಅನೇಕ ದೇಶಗಳು ಚಂದ್ರನ ಮೇಲೆ ಹೋಗಲು ತಯಾರಿ ನಡೆಸುತ್ತಿವೆ.