ಆಗಸ್ಟ್ 26 ರಂದು ಬುಡಾಪೆಸ್ಟ್‌ನಲ್ಲಿ ನಡೆಯಲಿರುವ ವಿಶ್ವ ಚಾಂಪಿಯನ್‌ಶಿಪ್‌ನ ತನ್ನ ಮೊದಲ ಅಂತಿಮ ಸುತ್ತಿಗೆ ಅರ್ಹತೆ ಪಡೆಯಲು ಭಾರತೀಯ ಪುರುಷರ 4×400 ಮೀ ರಿಲೇ ತಂಡವು 2 ನಿಮಿಷ 59.05 ಸೆಕೆಂಡುಗಳ ಬೆರಗುಗೊಳಿಸುವ ಓಟದಲ್ಲಿ ಏಷ್ಯನ್ ದಾಖಲೆಯನ್ನು ಮುರಿದಿದೆ.

ಮುಹಮ್ಮದ್ ಅನಾಸ್ ಯಾಹಿಯಾ, ಅಮೋಜ್ ಜಾಕೋಬ್, ಮುಹಮ್ಮದ್ ಅಜ್ಮಲ್ ವರಿಯಥೋಡಿ ಮತ್ತು ರಾಜೇಶ್ ರಮೇಶ್ ಅವರ ರಿಲೇ ತಂಡವು ಫೈನಲ್ ಪ್ರವೇಶಿಸಿದೆ. ಯು.ಎಸ್.ಎ ಮೊದಲನೆ ಸ್ಥಾನವನ್ನು ಪಡೆದುಕೊಂಡರೆ, ಭಾರತ ಎರಡನೇ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.

ಹಿಂದಿನ ಏಷ್ಯನ್ ದಾಖಲೆ 2:59.51 ಜಪಾನ್ ತಂಡದ ಹೆಸರಿನಲ್ಲಿತ್ತು. ಇದೀಗ ಭಾರತ 2 ನಿಮಿಷ 59.05 ಸೆಕೆಂಡುಗಳಲ್ಲಿ ಓಟ ಮುಗಿಸಿ ದಾಖಲೆ ಮುರಿದಿದೆ. ಭಾರತವು ಗ್ರೇಟ್ ಬ್ರಿಟನ್ (2:59.42) ಮತ್ತು ಜಮೈಕಾ ವನ್ನು ಹಿಂದಿಕ್ಕಿದೆ.