ನವದೆಹಲಿ: 2025ರ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್‌ಗೆ ಭಾರತ ಆತಿಥ್ಯ ವಹಿಸಲಿದೆ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಖಚಿತಪಡಿಸಿದೆ. ಭಾರತ, ಬಾಂಗ್ಲಾದೇಶ, ಇಂಗ್ಲೆಂಡ್ ಮತ್ತು ಶ್ರೀಲಂಕಾವನ್ನು 2024 ರಿಂದ 2027 ವರೆಗೆ ನಡೆಯುವ ಐಸಿಸಿ ಮಹಿಳಾ ವೈಟ್-ಬಾಲ್ ಈವೆಂಟ್‌ಗಳಿಗೆ ನಾಲ್ಕು ಆತಿಥೇಯರು ಎಂದು ಹೆಸರಿಸಲಾಗಿದೆ.

ಬಾಂಗ್ಲಾದೇಶವು 2024 ರ ಮಹಿಳಾ ಟಿ20 ವಿಶ್ವಕಪ್ ಅನ್ನು ಆಯೋಜಿಸಿದರೆ, 2026 ರ ಆವೃತ್ತಿಯು ಇಂಗ್ಲೆಂಡ್‌ನಲ್ಲಿ ನಡೆಯಲಿದೆ. ಒಂದು ವೇಳೆ ಈವೆಂಟ್‌ಗೆ ಅರ್ಹತೆ ಪಡೆದರೆ, 2027
ರಲ್ಲಿ ನಿಗದಿಪಡಿಸಲಾದ ಮಹಿಳಾ ಟಿ20 ಚಾಂಪಿಯನ್ಸ್ ಟ್ರೋಫಿಯನ್ನು ಆಯೋಜಿಸುವ ಹಕ್ಕುಗಳನ್ನು ಶ್ರೀಲಂಕಾ ಪಡೆದುಕೊಳ್ಳಲಿದೆ.

ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಅವರನ್ನು ಒಳಗೊಂಡ ಐಸಿಸಿ ಮಂಡಳಿಯ ಉಪ ಸಮಿತಿಯ ಮೇಲ್ವಿಚಾರಣೆಯ ಹರಾಜು ಪ್ರಕ್ರಿಯೆಯ ಮೂಲಕ ಆತಿಥೇಯರನ್ನು ಆಯ್ಕೆ ಮಾಡಲಾಗಿದೆ.

ಬಿಸಿಸಿಐ ಗೌರವ ಕಾರ್ಯದರ್ಶಿ ಜಯ್ ಷಾ ಮಾತನಾಡಿ, ಸಂಬಂಧಪಟ್ಟ ಪ್ರತಿಯೊಬ್ಬರಿಗೂ ಇದನ್ನೊಂದು ಅವಿಸ್ಮರಣೀಯ ಪಂದ್ಯವನ್ನಾಗಿ ಮಾಡಲು ಯಾವುದೇ ಅವಕಾಶವನ್ನು ಬಿಸಿಸಿಐ ಬಿಡುವುದಿಲ್ಲ. ನಾವು ಇಲ್ಲಿ ಎಲ್ಲಾ ರೀತಿಯ ಮೂಲಸೌಕರ್ಯವನ್ನು ಹೊಂದಿದ್ದೇವೆ ಮತ್ತು ನಾವು ವಿಶ್ವಕಪ್‌ನ ಅತ್ಯಂತ ಯಶಸ್ವಿ ಆವೃತ್ತಿಯನ್ನು ಮಾಡಲಿದ್ದೇವೆ ಎಂದರು.