ಬಂಟ್ವಾಳ: ಅನನ್ಯ ಫಾರ್ಮ್ಸ್ ಫುಡ್ ಪಾಂಡವರ ಕಲ್ಲು ಮಡಂತ್ಯಾರು ಬಳಿ ನ.13 ರಂದು ಸಂಜೆ 4 ಗಂಟೆಗೆ ದೀಪಾವಳಿ ಪ್ರಯುಕ್ತ ಗೋಪೂಜೆ ಹಾಗೂ ಹೈನುಗಾರರ ಸಮಾವೇಶವನ್ನು ಆಯೋಜಿಸಲಾಗಿದೆ.

ಉಡುಪಿ ಹಾಗೂ ದ.ಕ ಜಿಲ್ಲೆಯ ಹೈನುಗಾರರ ಸಮಸ್ಯೆ ಹಾಗೂ ಹೈನುಗಾರಿಕೆಯ ಭವಿಷ್ಯದ ಬಗ್ಗೆ ಮಾಹಿತಿ ನೀಡಲು ಸುಪ್ರಸಿದ್ದ ವೈದ್ಯ ಡಾ. ಕೆ.ಎಂ ಕೃಷ್ಣ ಭಟ್ ಕೊಂಕೋಡಿ ಹಾಗೂ ಡಾ. ಮನೋಹರ್ ಉಪಾಧ್ಯಾಯ ಮಂಗಳೂರು ಇವರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.

ಕಾರ್ಯಕ್ರಮದಲ್ಲಿ ಪಶು ಆರೈಕೆ ಹಾಗೂ ಆಹಾರ ತಯಾರಿಕೆ ಬಗ್ಗೆ ಮಾಹಿತಿ ನೀಡಲಿದ್ದು, ಹಾಲಿನ ಸಂಘದಲ್ಲಿ ಅತಿ ಹೆಚ್ಚು ಹಾಲು ಹಾಕುವ ಹೈನುಗಾರರನ್ನು ಗೌರವಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಆಯೋಜಕರ ಪ್ರಕಟಣೆ ತಿಳಿಸಿದೆ.