ವಿಶ್ವ ಕಂಡ ಕ್ರಿಕೆಟ್​ನ ದಿಗ್ಗಜ ಆಟಗಾರ ಎಬಿ ಡಿವಿಲಿಯರ್ಸ್​ ಎಲ್ಲಾ ಮಾದರಿಯ​ ಕ್ರಿಕೆಟ್​​ಗೂ ವಿದಾಯ ಘೋಷಿಸಿದ್ದಾರೆ. ಇದರಿಂದ
ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು​ ತಂಡದ ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ.

ತಮ್ಮ ನಿವೃತ್ತಿಯ ನಿರ್ಧಾರವನ್ನ ಟ್ವಿಟರ್​ನಲ್ಲಿ ಪ್ರಕಟಿಸಿರುವ ದಕ್ಷಿಣ ಆಫ್ರಿಕಾದ ಕ್ರಿಕೆಟ್ ದಂತಕಥೆ ಎಬಿಡಿ, 2018ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದರು. ಆದರೆ, ಐಪಿಎಲ್​ ಸೇರಿದಂತೆ ವಿಶ್ವ ಟಿ20 ಕ್ರಿಕೆಟ್ ಲೀಗ್​ಗಳಲ್ಲಿ ಮುಂದುವರಿದಿದ್ದರು. ಈಗ ಟಿ20 ಲೀಗ್​ಗಳಿಂದಲೂ ಹಿಂದೆ ಸರಿದಿರುವ ಎಬಿ ಡಿವಿಲಿಯರ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಭಿಮಾನಿಗಳಿಗೆ ನಿಶಾಸೆ ಉಂಟು ಮಾಡಿದ್ದಾರೆ‌.

37 ವರ್ಷದ ಎಬಿಡಿ ತಮ್ಮ 17ನೇ ವಯಸ್ಸಿನಿಂದ ಕ್ರಿಕೆಟ್​ ವೃತ್ತಿ ಆರಂಭಿಸಿದ್ದರು. ದಕ್ಷಿಣ ಆಫ್ರಿಕಾ ಪರ ಒಟ್ಟು 114 ಟೆಸ್ಟ್​ ಪಂದ್ಯಗಳನ್ನ ಆಡಿದ್ದಾರೆ. ಇನ್ನು 228 ಏಕದಿನ ಪಂದ್ಯ ಹಾಗೂ 78 ಟಿ-20 ಪಂದ್ಯಗಳನ್ನ ಆಡಿದ್ದಾರೆ.