ಭೋಪಾ​ಲ್‌: ಕೊರೊನಾ ಸೃಷ್ಟಿಸಿದ ಆರ್ಥಿಕ ಬಿಕ್ಕಟ್ಟಿನ ಮಧ್ಯೆಯೇ ಖಾಸಗಿ ಶಾಲೆ​ಗಳು ಹೆಚ್ಚುವರಿ ಶುಲ್ಕ ವಸೂಲು ಮಾಡುತ್ತಿದೆ ಎಂಬ ಅಳಲು ತೋಡಿ​ಕೊಂಡ ಪೋಷ​ಕ​ರಿಗೆ ಮಧ್ಯ​ಪ್ರದೇಶ ಶಿಕ್ಷಣ ಸಚಿವ ಇಂದರ್‌ ಸಿಂಗ್‌ ಪರ್ಮಾರ್‌ ಅವರು ‘ನೀವು ಹೋಗಿ ಸಾಯಿ​ರಿ’ ಎಂದು ಹೇಳಿ​ ವಿವಾದ ಸೃಷ್ಟಿಸಿದ್ದಾರೆ.

ಇತ್ತೀ​ಚೆ​ಗಷ್ಟೇ ಸುಮಾರು 90-100 ವಿದ್ಯಾ​ರ್ಥಿ​ಗಳ ಪೋಷ​ಕರು ಸಚಿ​ವರ ನಿವಾ​ಸಕ್ಕೆ ಭೇಟಿ ನೀಡಿದ್ದರು. ಹೆಚ್ಚು​ವರಿ ಶುಲ್ಕ ವಿಧಿ​ಸ​ಬಾ​ರ​ದೆಂಬ ಹೈಕೋ​ರ್ಟ್‌ ಆದೇ​ಶ​ಗ​ಳನ್ನು ಗಾಳಿಗೆ ತೂರಿ ಖಾಸಗಿ ಶಾಲೆ​ಗಳು ಹೆಚ್ಚು​ವರಿ ಶುಲ್ಕ ವಸೂಲಿ ಮಾಡು​ತ್ತಿವೆ. ಈ ಸಂಬಂಧ ಶಿಕ್ಷಣ ಇಲಾಖೆ ಅಧಿ​ಕಾ​ರಿ​ಗ​ಳಿಗೆ ದೂರು ನೀಡಿ​ದರೂ ಏನೂ ಪ್ರಯೋ​ಜ​ನ​ವಾ​ಗಿಲ್ಲ. ನಾವೇನು ಮಾಡಬೇಕು?’ ಎಂದು ಪ್ರಶ್ನಿಸಿದರು. ಆಗ ಸಚಿವರು ‘ನೀವು ಹೋಗಿ ಸಾಯಿರಿ, ನಿಮ​ಗೇನು ಇಷ್ಟಬರುತ್ತೋ ಹಾಗೆ ಮಾಡಿ’ ಎಂದು ಉಡಾ​ಫೆ​ಯಾಗಿ ಉತ್ತರಿಸಿದ್ದಾರೆ.

ಈ ವಿಚಾರಕ್ಕೆ ಸಂಬಂಧಿಸಿದ ವಿಡಿಯೋ ಭಾರೀ ವೈರಲ್ ಆಗುತ್ತಿದ್ದು, ಸಚಿವ ಪರ್ಮಾರ್‌ ಅವ​ರನ್ನು ಸಂಪು​ಟ​ದಿಂದ ವಜಾ ಮಾಡ​ಬೇಕು ಎಂದು ಕಾಂಗ್ರೆಸ್‌ ಮತ್ತು ಪೋಷ​ಕರ ಸಂಘ​ಟನೆ ಒತ್ತಾಯಿಸಿದೆ.